Бројот на новоинфицирани oд коронавирус во руската престолнина Москва и нејзината област во изминатите 24 часа достигнал 1.800, што е рекорден број од почетокот на пандемијата, изјави денеска руската министерка за здравство Светлана Стригункова.

„Во изминатата недела, бројот на пациенти со потврден вирус се зголеми за три проценти или за 8.500 луѓе. Бројот на дневни инфекции достигна 1.800. Ова е наш апсолутен рекорд“, рече Стригункова на состанокот на владата на Москвската област, а пренесе агенцијата ТАСС.

Тројца мажи од Нови Пазар се ранети синоќа во пукање пред кафеана на берлинската улица Милерштрасе, јаввија регионалните медиуми.

Тие биле пренесени во болница со сериозни повреди, а се трага по осомничениот пукач.

Според германското вишо јавно обвинителство, голем број истрели биле испукани од огнено оружје пред шиша-бар, а полицијата веднаш по инцидентот го затворила целиот кварт и го обезбедила местото на настанот.

„Мотивите за пукањето сè уште не се познати“, кусо изјавил портпаролот на јавното обвинителство.

Во престрелката се ранети тројца од Нови Пазар, кои седеле во шиша-барот. Кон нив биле испукани 29 истрели, пренесува indeksonline.rs.

Локален полициски службеник потврдил дека во едно лице биле испукани седум до осум куршуми во горниот дел на телото, а според сè уште непотврдени информации, станува збор за А.Б. од Нови Пазар, кој им подлегнал на раните во болница во Берлин.

Израелски здравствени службеници денеска упатија повик, тинејџерите на возраст од 12 до 15 години да се вакцинираат, повикувајќи се на можноста од нови епидемии и новозаразени што се припишува на заразната „делта“ варијанта на коронавирусот.

Израел ја прошири можноста за вакцинирање кај адолесцентите минатиот месец, а бројот на заразени опадна во последните неколку недели.

Од вкупно 9,3 милиони жители, одзивот за вакцинацијата застана на 55 проценти, што укажува на тоа дека возрасната популација во голема мера престанала да се вакцинира.

Но, враќање на Ковид-19, според тамошните медиуми, било забележано во две училишта минатата недела, и тоа придонело за дневно зголемување на позитивната стапка на новозаразени од месечен просек од 0,1 процент на 0,3 проценти во саботата и 0,6 проценти во понеделникот, покажаа податоците на министерството.

Министерството најверојатно ќе издаде препорака за вакцинирање на адолесценти на возраст од 12 до 15 години, рече Нахман Еш, национален координатор за пандемија.

„Мислам дека сигурно би било правилно во оваа фаза, кога ќе видиме избувнување на новата „делта“ варијанта во земјата“, рече тој.

„Не мора да чекаме да се зголемат бројките. Видовме голем број новозаразени деца во текот на изминатата недела“, додаде тој.

Покрај тоа, израелските власти соопштија дека размислуваат за воведување казни за родителите чии невакцинирани деца не одат во самоизолација по пристигнувањето во земјата од странство, како што тоа го налагаaт прописите во државата.