Свет
Поддржувач на републиканците „копал“ по компромитирачки материјали за Трамп

Приврзаник на Републиканската партија ангажирал приватна фирма за соборање компромитирачки материјали за сега избраниот американски претседател Доналд Трамп уште во 2015 година, кога тој решил да се кандидира за претседателска номинација, пишува весникот The New York Times.
„Богат републикански донатор, кој бил противнички настроен против Трамп, со сопствени пари ја ангажирал истражувачката компанија ‘Fusion GPS’ за собирање информации за скандали поврзани со бизнисот на магнатот, како и за неговите слабости“, се наведува меѓу другото во написот на влијателниот њујоршки дневен весник.
Според сознанијата на The New York Times, истражувања во врска со Доналд Трамп, исто така, финансирале и групи и донатори кои ја поддржувале неговата подоцнежна противкандидатка на претседателските избори од Демократската партија, Хилари Клинтон.
Имено, откако станало јасно дека Трамп е најверојатниот кандидат за номинацијата за претседателската должност, републиканците престанале да го финансираат истражувањето на „Fusion GPS“, но нивната иницијатива веднаш ја пресретнале демократите поддржувачи на Клинтон. Затоа тимот на Симпсон продолжил да работи на вадењето „валканици“, само менувајќи го клиентот.
Собирањето на информациите започнало во септември 2015 година, кусо време откако Трамп објави дека ќе учествува на претседателските избори. Тогаш на чело на компанијата „Fusion GPS“ бил поранешниот новинар на The Wall Street Journal, Глен Симпсон, кој се прослави на своите истражувања и разобличувачки стории.
Симпсон главно работел со клиенти од бизнис секторот. Во текот на претседателската кампања, „Fusion GPS понекогаш била најмувана“ од кандидати, политички организации и донатори на партиите за извршување „компромитирачки работи“.
„Fusion GPS“, чиешто седиште е во Вашингтон, „со месеци работела на собирање информации за Трамп“, пишува NYT. Во јуни минатата 2016 година Симпсон го најмил да учествува во истрагата поранешниот британски таен агент Кристофер Стил, кусо време по избувнувањето на скандалот со кражбата на доверливата преписка на Националниот демократски комитет (DNC), што официјален Вашингтон го припиша на „руските хакери“ кои дејствувале по налог на Кремљ и објавувањето на тие документи од хакерот познат по прекарот Guccifer 2.0.
Името на овој 52-годишен поранешен припадник на британското разузнавање MI6 се појави во медиумите првпат во четвртокот во врска со објавувањето од страна на порталот BuzzFeed на извештај на 35 страници кој содржи тврдења дека руското разузнавање наводно собирало диксредитирачки информации за Трамп кој на сегашниот и новиот претседател на САД им го предале американските разузнавачки служби. Потоа медиумите открија дека Стил, кој работел како разузнавач во 1990-те во Париз, Брисел и Москва, е коосновач на лондонската компанија „Orbis Business Intelligence“, специјализирана за истраги во деловниот свет.
The New York Times пишува дека подоцна дел од информациите добиени од Стил се заинтересирало и британското разузнавање и американското FBI. Бирото, најверојатно, ги вклучило овие податоци во разузнавачкиот брифинг,во текот на кој според CNN, Трамп бил информиран за наводното поседување на непријатни информации и докази за него од страна на руското разузнавање, додава весникот.
Според сознанијата на телевизијата CNN, многу од важните детали од споменатиот извештај кој го објави BuzzFeed, не се потврдени од Федералното биро за истраги (FBI), каде што пријава и извештајот за Трамп го предал републиканскиот сенатор Џон Меккејн.
Во меѓувреме Трамп на Twitter објави дека BuzzFeed објавил непотврдени информации./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
67 мртви во поплавите во Тексас, загина 21 дете

Бројот на жртви од катастрофалните поплави во Тексас се искачи на најмалку 67 денес, вклучувајќи 21 дете, додека потрагата по девојчињата од летниот камп продолжува трет ден по ред.
Лари Леита, шерифот на округот Кер во регионот Тексас Хил Кантри, епицентарот на поплавите, изјави дека бројот на жртви се искачил на 59, вклучувајќи 21 дете.
Леита рече дека исчезнати се 11 девојчиња и водач на летниот камп во близина на реката Гвадалупе, која се излеа по обилните дождови во централен Тексас на Денот на независноста во петокот.
Другите жртви се од други области погодени од поплавите.
Службениците изјавија дека повеќе од 850 луѓе се спасени, вклучувајќи некои што се држеле за дрвја.
Федералната агенција за управување со вонредни состојби беше активирана денес и распореди спасувачи откако претседателот Доналд Трамп прогласи голема катастрофа, соопшти Министерството за внатрешна безбедност.
Хеликоптери и авиони на крајбрежната стража помагаат во потрагата и спасувањето, соопшти министерството.
Се очекуваат повеќе врнежи во областа во недела, а Националната метеоролошка служба издаде предупредување за ненадејни поплави за округот Кер.
Регион
Македонец меѓу загинатите во Бугарија кога автомобил управуван од 19-годишник се заби во ресторан

Деветнаесетгодишен возач со автомобилот се заби во ресторан во Разград, Бугарија, при што загинаа три лица, меѓу кои 58-годишник, државјанин на Македонија, соопшти бугарската полиција.
Несреќата се случила по полноќ на улицата Гранчарска во градот. Според првичните информации, младиот возач ја изгубил контролата врз автомобилот, што ја предизвикало тешката несреќа. Тестовите за алкохол и дрога на 19-годишниот возач биле негативни, јавуваат бугарските медиуми.
Починатите се лица на возраст од 62, 64 и 58 години, кои биле во објектот во моментот на несреќата.
Свет
Почнуваат преговорите меѓу Израел и Хамас

Катар денес ќе биде домаќин на нова рунда индиректни преговори меѓу Израел и Хамас во обид да се постигне договор за прекин на огнот и ослободување на заложниците во Газа, изјави за АФП палестински извор запознаен со преговорите.
„Медијаторите го информираа Хамас дека новата рунда индиректни преговори меѓу Хамас и Израел ќе почне оваа недела во Доха“, рече изворот, додавајќи дека делегација на палестинското исламистичко движење, предводена од Халил ал-Хаја, веќе е во Доха.
Израелската јавна телевизија објави дека израелската делегација ќе замине за Доха во раните попладневни часови. Овие преговори ќе бидат фокусирани на условите за можен договор за прекин на огнот, особено во врска со ослободувањето на заложниците во Газа и палестинските затвореници во Израел, според истиот извор.
Исламистичкото движење побара значителни испораки на хуманитарна помош на палестинските територии, додаде изворот, како и „гаранции за траен крај на војната“.
Хамас продолжува да бара повторно отворање на преминот Рафа на границата меѓу Појасот Газа и Египет, кој Израел го контролира од мај 2024 година, за да се овозможи евакуација на ранетите.
Според палестински извори запознаени со преговорите, предлогот доставен до Хамас вклучува 60-дневно примирје за време на кое движењето би ослободило 10 живи заложници, како и неколку тела на мртви затвореници, во замена за ослободување на Палестинците што ги држи Израел.
Хамас во петокот објави дека е подготвен „веднаш да започне“ преговори за американскиот предлог за прекин на огнот и дека го проследил „својот одговор“ до катарските и египетските посредници, без да даде детали.
Канцеларијата на израелскиот премиер Бенјамин Нетанјаху вчера објави дека бил информиран за „промените што Хамас сака да ги направи во предлогот“ и дека ги смета за „неприфатливи“.
Индиректните преговори треба да продолжат пред средбата меѓу Нетанјаху и американскиот претседател Доналд Трамп во Вашингтон.
Канцеларијата на премиерот потврди за АФП дека Нетанјаху ќе отпатува за Соединетите Држави денес околу 17:00 часот по локално време.