Контакт

Свет

Прв телефонски разговор меѓу Путин и Бајден

Објавено пред

Новиот американски претседател, Џо Бајден, денеска го одржал првиот телефонски разговор со својот руски колега, пренесе Белата куќа, додавајќи дека тој се соочил со претседателот Путин за низа прашања почнувајќи од неодамнешниот кибер-напад на американската компанија „Солар виндс“ до сомневањата за труење на водечкиот руски опозиционер Алексеј Навални.

„Владимир Путин му честита на Џозеф Бајден за почетокот на работата во својство на претседател на САД. Истакна дека нормализацијата на односите меѓу Русија и САД би била од интерес на двете земји и со оглед на нивната одговорност за одржување на безбедноста и стабилноста во светот тоа би било од интерес и на меѓународната заедница“, се вели во соопштението за разговорот што го објави Кремљ.

Прес-секретарката на Бајден, Џен Псаки, рече дека тој го почнал телефонскиот повик со намера да разговара за СТАРТ (договорот за ограничување на стратешкото нуклеарно вооружување), кој администрацијата на Бајден се надева дека ќе го продолжи, руската агресија во Украина, кибер-нападот на „Солар виндс“, чиј обем сè уште се утврдува, извештаите дека Русија давала награди за елиминација на американски војници што служат во Авганистан, мешањето на Москва во претседателските избори во САД и труењето на Алексеј Навални.

„Неговата намера беше да разјасни дека Соединетите Американски Држави ќе дејствуваат цврсто во одбрана на нашите национални интереси како одговор на малигните активности на Русија“, рече Псаки истакнувајќи дека повикот се случил за време на нејзиниот брифинг и дека поцелосно резиме ќе објави подоцна.

Според информациите од светските медиуми, кај двете страни има волја најбргу што може да ги завршат неопходните процедури за натамошно функционирање на договорот за заемно ограничување на ракетно-нуклеарните арсенали.

Договорот истекува на 5 февруари.

Повикот дошол на барање на Москва, соопштија американски дипломатски извори, кои додаваат дека Бајден сакал најпрвин да разговара со европските лидери и неговите советници пред да оствари телефонски разговор со Путин.

Свет

Австриската министерка која танцуваше со Путин на врвот на најголемата руска нафтена компанија

Објавено пред

Руската влада ja номинираше поранешната австриска министерка за надворешни работи, од ултрадесничарската Партија на слободата, Карин Кнајсл, за член на Управниот одбор на најсилната и најголема руска државна нафтена компанија „Роснефт“, пишува московски „Комерсант“.

Карин Кнајсл всушност стана најпозната кога рускиот претседател Владимир Путин дојде на нејзината венчавка со претприемачот Волфганг Мелингер во август 2018 година, а фотографијата од нивниот заеднички танц го обиколи светот.

Во тоа време, малкумина во Европа се дружеа со Путин поради анексијата на украинскиот полуостров Крим, па тогашната австриска влада доживеа бројни критики од Брисел. Но, очигледно, шефот на Кремљ не ја заборави таа мала услуга за излегување од изолација, па сега тој одлучи да го постави својот партнер за танцување на врвот на една од најсилните светски компании за нафта.

Кнајсл, позната по своите десничарски и антиимиграциски ставови, ја критикуваше германската канцеларка Ангела Меркел за „небрежност“ за време на тогашната мигрантска криза, а потоа ја нападна за нејзините селфија со бегалците од Блискиот исток.

Исто така, предизвика бура на ставови во кои, наводно, ги спореди ционизмот и нацизмот, што предизвика големи полемики во јавноста. Кнајсл беше новинарка, зборува седум јазици – арапски, англиски, француски, шпански, хебрејски, унгарски и италијански и работеше осум години во канцеларијата на поранешниот австриски министер за надворешни работи Алојз Мок.

Прикажи повеќе...

Регион

(Видео) Се урна воен хеликоптер во Турција, загинаа над 10 лица

Објавено пред

Најмалку 11 турски војници загинаа во хеликоптерска несреќа што се случи синоќа на истокот од земјата, соопшти турското министерство за одбрана.

Во соопштението на Министерство се наведува дека, и покрај сите напори на лекарите, уште еден од повредените војници ја загубил битката за живот, пренесе агенцијата Анадолија. Во несреќата на лице место загинале деветмина од војниците, а двајца им подлегнале на повредите во болница.

Причината за падот на хеликоптерот, како што соопшти Министерството за одбрана, е дефект во авионот.

Хеликоптерот бил на пат кон Татван од блиската провинција Бингол кога исчезнал од радарот.

Прикажи повеќе...

Свет

Нмалено нивото на опасност за цунами на Нов Зеланд

Објавено пред

Властите на Нов Зеланд го намалија нивото на предупредувања за цунами издаденo по третиот силен земјотрес со епицентар недалеку од Кермадек.

Како што наведуваат тамошните медиуми, во некои градови владеела паника бидејќи стотици луѓе се обиделе да достигнат некои повисоки места поради предупредувањето за цунами, но вчера попладне властите објавија дека поминале најголемите бранови, а на жителите им беше кажано дека можат да се вратат дома со предупредување да се држат подалеку од плажите.

Владината агенција за геолошки истражувања на Јужна Австралија (ГССА) објави дека се регистрирани приближно 25 помали земјотреси со јачина од 5 и повеќе степени, по силниот земјотрес крај брегот на островот Кермадек, пренесува Тасс.

Претходно, Националната агенција за управување со вонредни состојби на Нов Зеланд соопшти дека третиот земјотрес што ја погоди областа во петокот наутро бил со јачина од 8,1 степен, а жителите на некои области добиле предупредувања за итни случаи на нивните телефони со повик да ги напуштат своите домови додека надвор се огласиле сирени.

Јужниот пацифички архипелаг Нова Каледонија и Вануату исто така се предупредени да се подготват за опасни бранови.

Прикажи повеќе...

Најново

Европа40 минути

Австралија бара од ЕК да ја преиспита одлуката за блокирање на вакцините од „Астразенека“

Австралија бара од Европската комисија да ја преиспита одлуката за блокирање на испораката на вакцините на „Астразенека“ во таа земја,...

Свет43 минути

Во Мексико убиени над 60 политичари пред изборите во земјата

Најмалку 64 политичари се убиени во последните шест месеци во Мексико. Се прфетпоставува дека тоа има некаква врска со парламентарните...

Свет13 часа

90 проценти од Израелците примиле барем една доза вакцина или го прележале коронавирусот

Премиерот на Израел, Бенјамин Нетанјаху, денес објави дека Израел, Австрија и Данска ќе формираат заедничка основа за истражување, развој и...

Македонија13 часа

Нов силен земјотрес во Грција, почувствуван и во Македонија

Земјотрес со јачина од 5,9 степени според Рихтеровата скала ја погоди Грција, а потресот беше почувствуван и во Македонија. Според...

Свет15 часа

Европската Унија блокираше пратка од вакцината на „Астразенека“ за Австралија

Европската комисија и Италија ја блокираа испораката на вакцината на „Астразенека“ во Австралија, бидејќи производителот не ги исполнил своите обврски...

Свет15 часа

Путин: Руските вакцини против коронавирусот се најбезбедни и најефикасни во светот

Претседателот на Русија, Владимир Путин, рече дека руските вакцини против коронавирусот се најбезбедни и најефикасни во светот. Путин на состанокот...

Свет17 часа

Земјотрес со јачина од 7,2 степени го погоди Нов Зеланд, издадено предупредување за цунами

Силен земјотрес го погоди Нов Зеланд. Според првичните проценки на emsc-csem.org, земјотресот бил со јачина од 6,9 степени според Рихтеровата...

Македонија19 часа

Девет починати и 721 новозаболен од Ковид-19 во Македонија

Во последните 24 часа се направени 3.323 тестирања, а регистрирани се 721 нов случај на Ковид-19, и тоа во: Скопје...

Македонија19 часа

„Фајзер-Бионтек“ ќе ни достави вкупно 800.280 вакцини, овој месец ќе пристигнат првите 21.000

Компанијата „Фајзер-Бионтек“ во 2021 година на Северна Македонија ќе ѝ испорача 800.280 дози вакцини, а испораката ќе се одвива во...

Македонија21 час

МВР: Внимателно на социјалните мрежи, на „Тик-ток“ се шират повици опасни за малолетниците

Министерството за внатрешни работи ја информира јавноста дека од страна на Интерпол е добиена информација дека на профили на социјалната...

Регион22 часа

(Видео) Грција ја проценува штетата по земјотресот, десетици жители ја поминаа ноќта надвор

Експертите денес ја проценуваат штетата по земјотресот со јачина од 6,3 степени, што го погоди централниот дел на Грција, кога...

Македонија23 часа

Иницијативата за конгрес: Мицкоски лажеше дека има мнозинство, партијата доби ладен туш

Сè уште актуелниот претседател Христијан Мицкоски треба да ги стави интересите на државата и на партијата пред сопствените и да...

Македонија24 часа

Мнозинството е стабилно, велат од СДСМ по гласањето доверба на Владата

Мнозинството во Собранието е стабилно, Владата има силна поддршка, велат утрово од СДСМ, откако вчера 62 пратеници гласаа за доверба...

Европа1 ден

Секој граѓанин на Германија ќе добива по еден бесплатен тест неделно

Од следната недела секој германски граѓанин ќе има неделно по еден бесплатен тест на коронавирус, најави германската канцеларка Ангела Меркел....

Македонија1 ден

56 проценти зголемен бројот на заразени од коронавирус, Пановски советува брисевите да се земаат на отворено

Вчерашните 807 новозаразени и неделниот извештај на Институтот за јавно здравје, кој покажува зголемување на новозабоените од 56 отсто во...

Свет1 ден

Во Јужна Африка запленета голема количина на лажни вакцини против Ковид-19

Околу 2.400 дози на фалсификувани вакцини се запленети во Јужна Африка, а во Кина е разбиена мрежа на шверцери на...

Македонија2 дена

Владата доби доверба во Собранието, пратениците од ВМРО-ДПМНЕ не гласаа

За доверба на Владата гласаа 62 пратеници, без против и воздржани пратеници. Одлуката беше поздравена со аплауз од владејачкото мнозинство...

Македонија2 дена

Во земјава засега нема јужноафрикански вид, кај еден од повратниците од Занзибар детектиран британскиот вид на вирусот

Според анализите што денеска се направени во Македонската академија на науките и уметностите (МАНУ), на брисот од пациентот кој пред...

Македонија2 дена

Нови 807 заболени од Ковид-19, починале петмина

Во последните 24 часа се направени 3.312 тестирања, а регистрирани се 807 нови случаи на Ковид-19, и тоа во: Скопје...

Македонија2 дена

(Видео) Почна попишувањето на бездомните лица

Министерката за труд и социјална политика, Јагода Шахпаска, заедно со директорот на Државниот завод за статистика, Апостол Симовски, денеска го...

Досие