Свет
Претседателот на Киргистан подготвен да даде оставка
Киргистанскиот претседател Соронбаи Женбеков изјави дека е подготвен да поднесе оставка кога ќе се формира нова влада и со цел да се стави крај на немирите што се појавија откако приврзаниците на опозицијата ги окупираа владините згради.
„Политичката состојба во земјата достигна точка на вриење“, рече тој и додаде дека поради решавање на кризата треба да се закажат нови парламентарни избори, додека претходната влада треба да поднесе оставка, пренесува ТАСС.
Is Sooronbay Jeenbekov, who was voted into office in 2017 still the president of Kazakhstan?
There seems to be a shift in power after protests against the recently held parliamentary elections. pic.twitter.com/z2s2DrDf2O
— Daron (@bartlettdaron) October 7, 2020
Женбеков ги повика сите политички сили во земјата да го зачуваат мирот и да престанат да создаваат поделби во општеството.
Тој исто така изјави дека политичките тензии во Киргистан достигнаа критична точка, најавувајќи мерки за надминување на кризата.
Со цел да се реши моменталната состојба, треба да се преземат неколку чекори – резултатите од изборите за Жогорка Кенеш (парламент) се веќе поништени и треба да се закажат нови, се наведува во објавеното соопштение на веб-страницата на претседателот, пренесува ТАСС.
Се додава дека одлуката за тоа прашање треба да ја донесе Централната изборна комисија, како и дека тие мерки ќе ги ублажат сегашните политички тензии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.