Свет
Претседателот на Танзанија призна дека коронавирусот не се победува со молитва

Претседателот на Танзанија конечно призна дека во неговата земја постои проблем со справувањето со коронавирусот, иако со месеци тврдеше дека може да се победи со молитви.
Популистичкиот претседател Џон Магуфули апелираше до граѓаните на Танзанија да преземат заштитни мерки дури и да носат маски, но само оние направени во Танзанија, пренесува „Ројтерс“.
Магуфули претходно јавно изрази сомневање за сите производи што доаѓаат од странство, вклучително и вакцините против Ковид-19.
Последните коментари и препораки на претседателот доаѓаат по еднодневната жалост за смртта на потпретседателот на полуавтономниот остров Занзибар од Ковид-19.
Генералниот директор на Светската здравствена организација, Тедрос Аданом Габријесус, претходно апелираше до државниот врв на Танзанија да го признае постоењето на болеста во интерес на нејзините граѓани.
Во Танзанија, земја со над 59 милиони жители, досега се пријавени 509 случаи на коронавирус, 183 оздравени и 21 починат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Бајден го повика Путин на состанок во трета земја

Во телефонски разговор со неговиот руски колега Владимир Путин, американскиот претседател Џо Бајден му предложил да одржат состанок во трета земја, објави Белата куќа.
„ Претседателот Бајден ја потврди својата цел: да изгради стабилни и предвидливи односи со Русија во согласност со интересите на САД и предложи одржување на самит во трета земја во текот на следниот месец за да се разговара за целиот спектар на прашања со кои се соочуваат САД и Русија“, се наведува во изјавата.
За време на телефонскиот разговор, Бајден изрази загриженост за „наглото“ зголемување на руските воени сили на границата со Украина.
„ Бајден ја истакна непоколебливата посветеност на САД за поддршка на суверенитетот и територијалниот интегритет на Украина“, се заклучува во соопштението.
Свет
Бајден одлучи: Американските трупи го напуштаат Авганистан до 11 септември

Американскиот претседател, Џо Бајден, одлучи да ги повлече американските трупи од Авганистан до 11 септември 2021 година.
И тоа е 20 години откако нападите на Ал Каеда ја започнаа најдолгата американска војна.
Повлекувањето, сепак, ќе се заснова на одредени гаранции за безбедност и почитување на човековите права, велат извори, под услов тие да не бидат именувани пред официјализирањето на одлуката.
Американскиот државен секретар Ентони Блинкен и американскиот министер за одбрана Лојд Остин се очекува утре да ги известат сојузниците на НАТО во Брисел.
Бајден може да ја објави својата одлука јавно, велат изворите.
Неговата одлука, доколку биде потврдена, ќе го надмине рокот за повлекување од 1 мај, договорен со талибанските бунтовници од администрацијата на неговиот претходник Доналд Трамп.
Во изјавата минатиот месец талибанците се заканија дека ќе продолжат со непријателствата против странските трупи во Авганистан, доколку не го исполнат крајниот рок за повлекување до 1 мај.
Свет
Прекината седницата на Советот за безбедност, Русија реагираше на знамето на Косово

Седницата на Советот за безбедност на Обединетите нации за Косово и Метохија беше прекината набргу откако започна, бидејќи претставникот на Русија, Димитриј Полјански, побара претставникот на Приштина да го смени или отстрани знамето на Косово, затоа што, како што нагласи, т.н. Косово не е универзално призната држава.
„Тоа е територија и осум членки на Советот за безбедност на ООН не го признаваат Косово како држава“, нагласи Полјански.
Тој додаде дека Русија не е против учеството на претставниците на Косово на состанокот. Полјански побара претставникот на Косово „ да ја смени позадината или да го отстрани знамето“ со цел да ја продолжи сесијата, по што зборуваше претставникот на Велика Британија.
Британскиот претставник одговори дека оваа сесија не е официјален состанок на Советот за безбедност на кој се применуваат тие правила и додаде дека последниот состанок има иста позадина како и денес, поради што, како што рече, „не гледа причина“ да побара од приштинскиот претставник да ја смени позадината на знамето на Косово.
Српскиот министер за надворешни работи, Никола Селаковиќ, протестираше поради злоупотребата на видеоформатот на седницата од страна на Приштина, со цел промовирање на симболи на, како што рече, „лажната држава“.
- Свет2 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Црна хроника2 месеци
Брат и сестра нападнати на Широк сокак
- Економија2 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Регион1 месец
Вучиќ за ковид-пасошите: Кои сте вие да го ограничите движењето на некој што не сака да се вакцинира?
- Македонија2 недели
Ѓорчев: Мојот татко е во кома откако се вакцинираше во Ниш