Свет
Порака од Кабул до Америка: Ако не се повлечете, ќе има војна
Талибанците реагираат на одложеното повлекување на американските трупи од Авганистан, изјави нивниот портпарол.
„Нашите борци никогаш нема да се согласат на продолжување“, рече портпаролот на талибанците Забихулах Муџахид.
„НАТО, Америка и сите страни дојдоа до заклучок дека ако сакаат да ја надминат сегашната криза, единственото добро решение е да се спроведе потпишаниот договор“, додаде тој на почетокот на 2020 година.
Тогаш САД ветија дека ќе ги повлечат своите трупи до 1 мај 2021 а исламистите ветија дека ќе преговараат за мир со авганистанската влада.
Шефот на НАТО, Јенс Столтенберг, во четвртокот изјави дека членките на Алијансата ќе продолжат со својата мисија во Авганистан се до ново известување.
„Како што се приближува крајниот рок од 1 мај, сојузниците ќе продолжат со консултациите во следните неколку недели“ за идното присуство во Авганистан“, изјави Столтенберг.
Според него, целта на НАТО останува и таа е никогаш повеќе да не дозволи Авганистан да стане безбедно прибежиште за терористите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.