Свет
„Путин го уби Алексеј, отруен е со новичок“: Јулија Навални вети дека ќе ги именува оние што се вмешани во неговата смрт
Јулија Навални, вдовицата на рускиот опозициски лидер Алексеј Навални, објави видео во кое наведува дека нејзиниот сопруг е отруен со новичок и затоа руските власти го кријат неговото тело.
Видеото е објавено на социјалните мрежи на Алексеј Навални.
View this post on Instagram
Ова беше првпат Јулија Навални да зборува од петокот, денот кога беше објавена смртта на нејзиниот сопруг, а таа учествуваше на безбедносна конференција во Минхен.
Таа ги обвини руските власти дека го кријат телото на Навални велејќи дека сѐ уште чекаат трагите од нервниот агенс новичок да исчезнат од неговото тело.
„Мојот сопруг беше убиен од Владимир Путин. Некаде во затвор надвор од Арктичкиот круг, Путин не само што го уби Алексеј Навални како личност, тој сакаше да ги убие нашата надеж, нашата слобода, нашата иднина. Точно знаеме зошто Путин го уби Алексеј пред три дена. Набргу ќе ви кажеме. Но, најважното нешто што можеме да го направиме за Алексеј и за себе е да продолжиме да се бориме“, вели Јулија во видеото и вети дека ќе ја продолжи мисијата што ја почна Алексеј.
Таа исто така вети дека ќе ги именува оние што се вмешани во неговата смрт и зошто е убиен.
Овие коментари доаѓаат откако портпаролката на Навални изјави дека на мајка му и на адвокатот им било забрането да го видат неговото тело утрово во мртовечницата.
„Сакам да живеам во слободна Русија, сакам да изградам слободна Русија. Со убиството на Алексеј, Путин уби половина од мене – половина од моето срце и половина од мојата душа. Но, сѐ уште ја имам другата половина, која ми кажува дека немам право да се откажам“, изјави Навални.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Чамец со туристи потона во Бледското езеро во Словенија
На езерото Блед во Словенија, кое секоја година го посетуваат голем број посетители од просторот на поранешна Југославија и околните земји, вчера за малку ќе се случеше трагедија кога, според словенечките медиуми, потона чамец со четворица туристи.
За среќа, тие биле спасени од смрт со брзата реакција на пожарникарите и нуркачите.
„Во 11 часот и 20 минути потона туристички чамец со четворица туристи на Бледското езеро кај вилата Златорог во Блед“, соопшти полицијата на Горење, а јави познатиот словенечки портал siol.net.
Свет
(Видео) Големи поплави во Авганистан, бројот на загинати расте
Три авганистански провинции се погодени од разорни поплави, соопштија денеска властите, додавајќи дека најмалку 153 лица загинале.
Провинцијата Баглан го сноси најголемиот дел од катастрофата. Официјалните лица се обидуваат да го утврдат точниот број на жртви, а Министерството за внатрешни работи соопшти дека има најмалку 153 загинати, а уште 100 лица се повредени.
Официјални лица во соседната провинција Тахару објавија повеќе од 20 смртни случаи, додека провинцијата Бадакшан потврди два смртни случаи и две исчезнати лица. Поплавите предизвикаа уништување на имотот и земјоделството во сите погодени подрачја.
#Afganistan’ın kuzeybatısında bulunan Bağlan vilayetinde şiddetli yağışlar nedeniyle meydana gelen sel felaketinde, 5 yerleşim yeri sular altında kaldı.
⚫️ İlk belirlemelere göre en az 33 can kaybı yaşanırken, 60 kişi yaralandı. pic.twitter.com/5gNEJKW2BK
— Afroasya Today (@afroasyatoday) May 10, 2024
Авганистанското Министерство за здравство во соопштение потврди дека телата на жртвите се пренесени во регионалните болници, но ги нагласи тековните напори за утврдување на точниот број на жртви, бидејќи размерите на човечките загуби остануваат нејасни.
Спасувањето е отежнато поради непристапноста на погодените подрачја. Испраќањето на копнени спасувачки тимови се покажа неуспешно, што го натера авганистанското Министерство за одбрана да распореди хеликоптери за операции за пребарување и спасување, како и за транспорт на потенцијални жртви.
Жителите на Баглан ги окарактеризираа поплавите како поголеми од сите претходни.
Авганистан веќе некое време постојано е зафатен од поплави. На почетокот на неделата имаше загинати и разурнувања во делови од земјата по обилните врнежи. Најмалку 70 луѓе ги загубија животите во поплавите минатиот месец.
Експертите ја обвинуваат климатската криза. По децении војни и конфликти, земјата едвај има средства да ги ублажи ефектите од климатските промени.
Свет
Руското Министерство за одбрана тврди: Руската армија презеде контрола над пет населени места во регионот Харков
Руската армија ја презеде контролата врз населбите Борисовка, Огурцово, Плетенјовка, Пиља и Стрелечја во областа Харков, соопшти денеска руското Министерство за одбрана.
„Армиските единици од групата ‘Север’ ги ослободија населените места како резултат на акциите“, соопшти Министерството, пренесува „РИА Новости“.
Дополнително, се додава дека руската единица поразила четири украински бригади.
„Загубите на непријателот во еден ден изнесуваат 170 војници, три оклопни борбени возила и четири други возила“, нагласуваат од руското Министерство за одбрана.
Исто така, армијата уништила неколку парчиња украинско тешко оружје, посочува Москва.
Украинската страна не ги коментираше овие наводи.
Генералштабот на вооружените сили на Украина соопшти дека продолжуваат одбранбените битки во регионот Харков против обидите на руските сили да извршат офанзивни акции и да напредуваат подлабоко на територијата на Украина.
Руските сили вчераутро се обиделе да ја пробијат одбранбената линија на украинската армија во областа Харков, а биле испратени резервни единици за зајакнување на одбраната во тој сектор на фронтот, наведува Униан.
Претседателот на Украина, Володимир Зеленски, претходно изјави дека руските трупи се обиделе да ги прошират операциите против Украина во регионот Харков.
Врховниот командант на вооружените сили на Украина, Олександр Сирски, синоќа до Зеленски поднесе извештај за состојбата на фронтот, одбраната и зајакнувањето на позициите, особено во регионот Харков и во правец на Часово Јар.