Доналд Трамп ја отвори канцеларијата на Флорида, која ќе ги води неговите работи како поранешен претседател на САД и ќе ја промовира програмата на неговата администрација.

„ Канцеларијата ќе биде одговорна за водење на коресподенцијата на претседателот Трамп, за неговите јавни настапи и појавувања и службените активности за да се промовираат интересите на САД и програмата на администрацијата на Трамп преку активизам“ се наведува во изјавата која ја пренесе Ројтерс.

Систем за откривање на британскиот вид коронавирус се тестира во Русија, објави Службата за фитосанитарен надзор „Роспотребнадзор“.

„Тестираме ПСР-тест кој е способен да го открие новиот коронавирус и да го разликува од оној што го знаеме од минатата година, а кој претежно циркулира во Русија“, рече раководителката на ресорот, Ана Попова.

Таа додаде дека имунитетот од коронавирусот што лицето го добива по болеста, исто така, може да заштити и од британскиот вид Ковид-19.

Попова изјави дека веќе била запознаена со резултатите што даваат оптимизам.

Вчера беше објавено дека научниците од Новосибирскиот научен институт „Вектор“ први во светот го фотографираа британскиот вид коронавирус, добиен од пациент во декември 2020 година.

Српскиот претседател Александар Вучиќ објави дека утрово во Србија пристигнале уште 10.000 вакцини против коронавирус, додавајќи дека борбата за вакцините продолжува и дека светот денес е како Титаник, каде што „богатите се обидувајќи се да обезбедат чамци само за себе”.

„Сакам да ве известам дека примивме уште 10.000 нови вакцини утрово“, рече Вучиќ во видеообјавата на својот инстаграм-профил. Тој изјави дека борбата за секоја вакцина продолжува, со многу состаноци и тешки разговори.

„Ние сме жилав народ, ќе се бориме за опстанок, ќе се бориме за животот на Србија и ќе успееме во тоа. Ќе успееме и ќе победиме заедно“, изјави Вучиќ.

Претседателот на Србија не прецизираше за кои вакцини станува збор, ниту од каде се набавени.