Свет
„Спутник лајт“ – нова верзија на руската вакцина од која ќе се прима само по една доза

Руска единечна вакцина против коронавирусот наречена „Спутник лајт“ ќе се појави во февруари, објавено е на твитер-профилот на „Спутник В“, првата одобрена вакцина против вирусот во светот, чиј творец е рускиот научно-истражувачки центар „Гамалеја“ .
Соопштението доаѓа откако американската компанија „Џонсон енд Џонсон“ објави дека ефикасноста на нивната вакцина, која се дава во една доза, варира од 69 до 85 проценти.
„Добиени се добри резултати. Вакцината ‘Џонсон енд Џонсон’ во суштина е само првата доза на ‘Спутник В’. Ние исто така ќе лансираме еднокомпонентна вакцина во февруари. Ја нарековме ‘спутник лајт’“, објавија креаторите на руската вакцина.
J&J single shot vaccine, which is basically just the 1st shot of #SputnikV(human adenoviral vector 26), showing good results. J&J is essentially the 1st half of Sputnik V. We will also launch the one component vaccine in Feb – we named it Sputnik Light.#SputnikLight is coming!✌️ https://t.co/sIflw0wKlY
— Sputnik V (@sputnikvaccine) January 29, 2021
Шефот на рускиот Фонд за директни инвестиции, Кирил Дмитријев, изјави дека новата верзија на вакцината ќе биде наменета главно за странските пазари, односно дека ќе биде ориентирана кон полесна примена на места каде има жаришта на епидемијата.
„’Спутник лајт’ може да послужи како ефикасно привремено решение за многу земји кои го доживуваат врвот на епидемијата“, вели Дмитријев.
„Лесната“ верзија на „Спутник В“ доби дозвола за клинички испитувања на 11 јануари од руското Министерство за здравство. Истражувањето се спроведува на 150 волонтери и се изведува во три медицински установи.
Според веб-страницата на државниот регистар, која содржи одобренија за истражување од руското Министерство за здравство, целта на клиничките испитувања е да се процени безбедноста, толеранцијата и имуногеноста на вакцината „Спутник лајт“ во врска со спречување на инфекција од коронавирус.
Рускиот претседател Владимир Путин претходно изјави дека постои „лесна“ верзија на руската вакцина против Ковид-19. Тој изјави дека оваа вакцина ќе има пократок ефект, но дека ќе овозможи вакцинирање на поголем број луѓе.
Vladimir Putin says that Russia will develop Sputnik Lite, a less effective version of its anti-coronavirus vaccine that is easier to produce en mass, and is targeted for foreign markets. https://t.co/2H3lpnOZFr
— Noga Tarnopolsky (@NTarnopolsky) December 18, 2020
„Ако некое лице се разболи по примената лесна вакцина, нема да развие тежок случај на Ковид-19. Вирусот нема да се спушти во белите дробови, тој ќе биде само како мала настинка“, рече Александар Гинтсбург, шеф на „Гамалеја“.
Тој исто така објасни оваа вакцината ќе може да се стави во употреба брзо по почетокот на клиничкото испитување. Имено, не е потребно многу да се менува технологијата бидејќи во поедноставената верзија ќе се користи првата компонента од оригиналната вакцина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Бајден го поздрави одобрувањето на вакцината „Џонсон и Џонсон“

Американскиот претседател, Џо Бајден, изрази задоволство и го поздрави одобрението издадено од американската Администрација за храна и лекови (ФДА) за вакцините на „Џонсон и Џонсон“.
„Ја гледаме светлината на крајот од тунелот, но не смееме да го спуштаме гардот или да претпоставиме дека победата над вирусот е сигурна“, рече американскиот претседател, Џо Бајден и ги повика Американците да продолжат да ги мијат рацете, да ја одржуваат физичката дистанца и да носат маски, рече тој.
„Постојано повторувам дека сè уште е можно ситуацијата да се влоши со ширењето на новите соеви на коронавирус и сегашниот позитивен тренд во борбата против заразата да се промени“, предупреди претседателот Бајден.
Анализите покажаа дека вакцината „Џонсон и Џонсон“ е 66 проценти ефикасна во спречување на умерени до тешки форми на Ковид-19 и 100 проценти ефективна против најтешките форми на болеста за кои е потребна хоспитализација и може да биде фатална.
Свет
Курц и Путин разговараа за заедничко производство на руската вакцина

Австрискиот канцелар, Себастијан Курц, разговараше со рускиот претседател Владимир Путин за испорака и заедничко производство на вакцината „Спутник В“.
Како што беше објавено во Виена, двајцата лидери зборувале за испорака на руската вакцина, веднаш штом ќе биде одобрена од Европската агенција за лекови (ЕМА).
Според медиумите, засега е нејасно дали веќе е поднесено барање за одобрување на вакцината „Спутник В“ до ЕМА. Додека Кремљ тврди дека такво барање е поднесено, во ЕМА нема постапка за одобрување на вакцината.
Австрија, заедно со Израел и Норвешка, се залагаат за заедничко производство на руската вакцина.
На почетокот на месецот, Курц истакна дека дискусијата за вакцината мора да се спроведе без геополитички ограничувања.
Тој посочи дека Австрија, по одобрувањето, ќе се обиде да ги направи достапни производните капацитети во земјата за производство на руски или кинески вакцини.
Регион
Уапсен маж кој фрли бомба во Сараево

Полицијата со поддршка на специјалната единица, уапси синоќа маж кој фрли експлозивна направа во населбата Грдоњ, во Сараево.
Нема повредени.
За време на неколкучасовниот претрес, мажот се криел во населбата, а според босанскиот портал „Клих“, повикувајќи се на неофицијални информации, кај него биле пронајдени пушка, пиштол и бомба.
Осомничениот и бил претходно познат на полицијата и се лекувал на Клиниката за неврологија во Сараево.
Засега е непознато зошто ја фрлил бомбата.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер