Свет
Русија првпат без честитка од САД

Руската амбасада во САД потврди денес дека за прв пат по 25 години не доби честитки од американските власти на Денот на Русија.
Можеме да потврдиме дека од американска страна не добие честитка за Денот на Русија. Ова е прв пат, колку што се сеќавам. Заклучоците извадете си ги самите,изјави претставникот на амбасадата, Николај Лахонин.
Русија го слави 12 јуни како национален ден, бидејќи на овој ден во 1990 година ја усвои Декларацијата за државниот суверенитет на Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Единаесет рудари загинаа во експлозија на бомба во Пакистан

Единаесет рудари загинаа, а шестмина се повредени откако бомба разнесе камион во југозападен Пакистан, соопштија во понеделникот локалните власти, пренесе Ројтерс.
Камионот превезувал работници во рудник во областа Харнаи во провинцијата Балуџистан, каде Пакистан се соочува со сепаратистички бунт.
„Импровизирана експлозивна направа била поставена покрај патот и експлодирала кога камион со рудари пристигнал на местото на несреќата“, изјавил претставник на паравоените сили.
Службеникот, кој сакаше да остане анонимен, додаде дека е можно да се работи за уред со далечински управувач.
Засега никој не ја презел одговорноста за нападот, јавува Ројтерс.
Заменик-комесарот на регионот Хазрети Вали Ага изјави дека во камионот имало 17 рудари кога експлодирала бомбата. Лекар од локалната болница изјави дека двајца од ранетите се во критична состојба.
Свет
Авион принудно слета по тепачка на четворица патници

Поради расправија меѓу четворица патници, турски авион на релација Анталија-Астана принудно слета во Ерзурум.
И покрај напорите на стјуардесите на авиокомпанијата „Пегасус“ да ги смират патниците кои започнале расправија, конфликтот прераснал во тепачка, објави турскиот портал „Созџу“.
Пар од Украина и двајца патници од Казахстан се скарале само неколку минути по полетувањето на авионот, а причината за конфликтот се уште не е позната.
И покрај напорите на стјуардесите на авиокомпанијата „Пегасус“ да ги смират патниците кои започнале расправија, конфликтот прераснал во тепачка, објави турскиот портал „Созџу“.
По инцидентот, за да ја осигураат безбедноста на останатите патници во авионот, надлежните ја однеле раскараната четворка во полициска станица да дадат изјави.
На приведените патници им биле извршени лекарски прегледи во Градската болница во Ерзурум и Универзитетската истражувачка болница Ататурк.
По инцидентот, авионот чекал околу еден час на аеродромот во Ерзурум и откако ги евакуирал патниците, повторно полетал и го продолжил летот за Астана.
Свет
Орбан: Трамп ќе го пресече Гордиевиот јазол во Украина, тоа го сакавме

Унгарскиот премиер Виктор Орбан денеска изјави дека претстојните преговори меѓу САД и Русија се за ставање крај на војната во Украина, велејќи дека тоа го сака Унгарија. „Алелуја, ова е она што го сакавме“. Ова е она на што се обложуваме.
На ова се заснова нашата унгарска стратегија: војната не смее да трае, новиот американски претседател (Доналд Трамп) ќе биде тука, а бидејќи Европејците се неспособни и парализирани, тој ќе го пресече Гордиевиот јазол и ќе направи мир“, изјави Орбан за јавниот сервис, пренесе МТИ.
Унгарскиот премиер посочи дека санкциите на ЕУ против Русија секоја година ја чинат Унгарија 6,5 милијарди евра, вкупно 20 милијарди евра.
„Со новиот американски претседател и мир, Русија ќе се реинтегрира во светската економија, што ќе даде огромен поттик на унгарската економија“, рече Орбан.
Орбан додаде дека брзи промени се случуваат во областите миграција, зелени политики, родови прашања, семејство и христијанство, но дека Европа „се спротивставува“.
Како што рече, Унгарија секогаш размислувала во склад со актуелните позиции на американскиот претседател Доналд Трамп, пренесува Танјуг.