Свет
Рускиот Арктик забележа рекордни температури до 38 степени
Рускиот Арктик во јуни забележа рекордни температури што предизвика големи пожари во тундрата, изјави директорот на руската метеоролошка служба, поврзувајќи ги невообичаените аномалии со климатските промени.
„Имавме исклучително невообичаени временски услови во јуни и рекордите беа лесно урнати“, рече Роман Вилфанд на прес-конференција во Москва.
Тој посочи нов рекорд во арктичкиот град Верхојанск, каде што се измерени 38 степени на 17 јуни.
„Тоа е неверојатно“, рече тој, прецизирајќи дека рекордна ниска температура од 67,8 степени под нулата е измерена во тој град кон крајот на 19 век.
Неколку региони во северна Русија, вклучително и области во Република Јакутија на брегот на Атланскиот Океан, се соочуваат со топлотен бран во последните неколку недели. Селата во тундрата, областите покриени со трева и ниска вегетација карактеристична за Арктикот, се соочуваат со големи пожари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.