Свет
САД ги олеснуваат патните ограничувања кон Куба
САД ќе ги ублажат патните ограничувања наметнати на Куба, објави кабинетот на американскиот претседател Џо Бајден.
Олеснувањето на мерките значи и зајакнување на конзуларните служби и визниот процес во американската амбасада во Хавана, со цел да се овозможи што поголем број Кубанци кои сакаат да влезат во САД да ги посетат своите роднини. Укинато е и ограничувањето за трансфер на пари на Кубанците од САД од страна на членовите на семејството.
Олеснувањето на ограничувањата се очекува да доведе до одредено зголемување на патувањата меѓу двете земји. Дополнително, кубанските претприемачи сега треба да имаат полесен пристап до онлајн услугите на САД и до онлајн трговските платформи.
Кубанското Министерство за надворешни работи во соопштението наведе дека олеснувањето на мерките е „ограничено, но чекор во вистинската насока“.
Но, одлуката на американската администрација за ублажување на мерките не менува ништо за американското ембарго против Куба, односно економските санкции што ги воведе поранешниот американски претседател Доналд Трамп, соопшти кубанското министерство.
Кон крајот на април оваа година САД и Куба одржаа директни преговори на високо ниво за миграцијата за првпат по четири години. Високите функционери разговараа, меѓу другото, за спроведувањето на постоечките договори за имиграција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

