Свет
САД нудат 50 милиони долари за апсење на претседателот на Венецуела

Соединетите Американски Држави ја удвоија наградата за информации што би довеле до апсење на венецуелскиот претседател Николас Мадуро на 50 милиони долари, обвинувајќи го дека е еден од најголемите трговци со дрога во светот, пишува „Би-би-си њуз“.
Американскиот претседател, Доналд Трамп, е долгогодишен критичар на Мадуро, кој повторно ја презеде функцијата во јануари по изборите обележани со обвинувања за фалсификување на гласови, чии резултати во голема мера беа отфрлени од меѓународната заедница. Генералниот обвинител, Пам Бонди потврди дека САД ќе ја удвојат претходно објавената награда од 25 милиони долари, тврдејќи дека Мадуро е директно поврзан со операции за трговија со дрога.
Венецуелскиот министер за надворешни работи Иван Гил ја нарече новата награда „патетична“ и ја нарече „политичка пропаганда“. „Не сме изненадени, со оглед на тоа од каде доаѓа“, рече Гил, обвинувајќи ja Бонди за „очајно одвлекување на вниманието“ од негативните наслови околу справувањето со случајот со педофилот Џефри Епштајн.
За време на првиот мандат на Трамп, американската влада ги обвини Мадуро и други високи венецуелски функционери за низа кривични дела, вклучувајќи наркотероризам, корупција и трговија со дрога. Во тоа време, Министерството за правда на САД тврдеше дека Мадуро соработувал со колумбиската бунтовничка група ФАРК за „да користи кокаин како оружје за „совладување“ на САД“.
Во видео објавено во четврток, Бонди го обвини Мадуро за координација со групи како што се Трен де Арагва – венецуелска банда означена како терористичка организација од администрацијата на Трамп – и картелот Синалоа, моќна мексиканска криминална мрежа. Се тврдеше дека Агенцијата за борба против дрога на САД (ДЕА) „запленила 30 тони кокаин поврзан со Мадуро и неговите соработници, со речиси седум тони поврзани со самиот Мадуро“. Мадуро претходно ги отфрли тврдењата на САД за директна вмешаност во трговијата со дрога.
Мадуро, лидерот на Обединетата социјалистичка партија, кој го наследи Уго Чавез во 2013 година, се соочи со повеќекратни обвинувања за потиснување на опозициските групи и задушување на несогласувањето во Венецуела, вклучително и употреба на насилство. Тој ги преживеа протестите по спорните избори минатата година и ја задржа власта.
Сепак, во јуни Уго Карвахал, поранешниот шеф на воената разузнавачка служба на Венецуела, беше осуден по неколку обвиненија за трговија со дрога откако беше уапсен во Мадрид и екстрадиран во САД. Карвахал, познат по прекарот Ел Поло, беше моќен шпион кој избега од Венецуела откако ја повика војската да поддржи кандидат на опозицијата и да го собори Мадуро.
Иако првично ги негираше обвиненијата, подоцна се изјасни за виновен, поттикнувајќи шпекулации дека склучил договор со американските власти во замена за помала казна и инкриминирачки информации за Мадуро. Обединетото Кралство и ЕУ, исто така, објавија санкции против владата на Мадуро по неговото враќање на функцијата претходно оваа година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Не сакав бесмислен состанок со Путин

Американскиот претседател Доналд Трамп изјави дека не сакал да одржи бескорисен состанок со рускиот лидер Владимир Путин, откако планот за нивни директни разговори за Украина бил ставен на пауза. Американскиот претседател во вторникот во Белата куќа стави до знаење дека клучната пречка останува одбивањето на Москва да престане со борбите по сегашната линија на фронтот, пишува Би-Би-Си.
Белата куќа претходно потврди дека нема планови за нов состанок во блиска иднина, иако Трамп минатата недела најави средба во Будимпешта. Разликите меѓу американските и руските мировни предлози се покажале непомирливи, а претходниот самит на Алјаска не донел резултати.
Трамп изјави дека го поддржува предлогот на Киев и европските лидери за замрзнување на конфликтот на постојната линија на фронтот, со пораката: „Престанете со борбите, престанете да убивате луѓе.“
Москва, пак, се спротивставува на вакво примирје. Портпаролот на Кремљ, Дмитриј Песков, и министерот Сергеј Лавров порачаа дека Русија бара „долгорочен и одржлив мир“ и дека замрзнување на фронтот би било само привремено решение. Кремљ повторно инсистира на руски суверенитет над Донбас и демилитаризација на Украина.
Од друга страна, Зеленски нагласи дека вистинската дипломатија почнува со замрзнување на бојното поле и дека единствено далекуметното оружје, како американските ракети „Томахавк“, може да ја натера Русија да седне на преговори.
Некои извештаи тврдат дека Трамп и Зеленски имале остар телефонски разговор, при што Трамп го притискал украинскиот лидер да се откаже од делови од Донбас – нешто што Зеленски категорично го одбива.
Свет
(Видео) Украина со ракети „Сторм Шедоу“ нападна хемиска фабрика во Русија

Украинските сили на 21 октомври изведоа масовен напад со британски ракети „Сторм Шедоу“ врз хемиската фабрика во руската област Брјанск, потврди Генералштабот на Украина. Нападот бил комбиниран воздушно-ракетен и, според украинската страна, го пробил рускиот противвоздушен систем.
Фабриката, која произведува барут, експлозиви и компоненти за ракетно гориво, е опишана како „клучен објект“ на руската воено-индустриска инфраструктура. По ударот, во Брјанск биле пријавени и прекини на електрична енергија.
Missile and drone strikes on Russia is underway. So far, this was reported:
– UAVs targeted a power substation in Bryansk region;
– Allegedly, a Storm Shadow missiles struck the Bryansk Chemical Plant, which had been serving Russia’s military-industrial complex;
– A thermal… pic.twitter.com/Po5FNZvQfr— Kate from Kharkiv (@BohuslavskaKate) October 21, 2025
Ракетите „Сторм Шедоу“, со домет од 250 до 560 километри, се дизајнирани за прецизни удари по критични цели и претходно биле користени против цели во Брјанск, Курск и на Крим.
Bryansk region… BAVOVNA 🤩🔥 pic.twitter.com/Vf4SnXWT1i
— MAKS 25 🇺🇦👀 (@Maks_NAFO_FELLA) October 21, 2025
Украинскиот претседател Володимир Зеленски изјави дека далекуметните удари се незаменлив клуч за мирот, нагласувајќи дека Русија избегнува дипломатија кога Украина има послаб капацитет за такви напади.
Blackout in the Bryansk Oblast after a Ukrainian drone attack
🇺🇦🇷🇺‼️‼️‼️‼️‼️‼️‼️‼️‼️‼️‼️‼️‼️ pic.twitter.com/hSFrotAIgj
— WW3 Monitor (@WW3_Monitor) October 21, 2025
Свет
Северна Кореја лансираше балистички ракети пред самитот на кој ќе пристигне и Трамп

Северна Кореја утрово испалила неколку балистички проектили со краток дострел кон морето на источниот брег, соопшти јужнокорејската војска. Ова е прво лансирање од мај годинава и претставува уште едно игнорирање на меѓународната забрана за развој на вакво оружје, која ја поддржуваат САД и Јужна Кореја.
Инцидентот се случува една недела пред одржувањето на самитот на АПЕК во Јужна Кореја, каде што ќе се сретнат претседателите Доналд Трамп, Ли Џе Миунг и кинескиот лидер Шји Џинпинг.
Според Здруженото командување на Јужна Кореја, проектилите биле лансирани од подрачје во близина на Пјонгјанг кон североисток. Се наведува дека Сеул ги споделува сите податоци со САД и Јапонија.
Новата јапонска премиерка Санае Такаичи изјави дека ракетното тестирање „не влијаело на безбедноста на Јапонија“ и дека Токио разменува информации во реално време со Вашингтон.
Северна Кореја последен пат лансираше балистички ракети на 8 мај, а годинава на воена парада го претстави својот нов интерконтинентален проектил, на која присуствувал и кинескиот премиер.