Амбасадата на Италија во Скопје и ИТА Скопје во соработка со Националната галерија организираат настан по повод Денот на италијанскиот дизајн во Чифте амам.

Во рамките на тридневната програма, на 14 март 2024 (четврток), во галеријата Чифте амам ќе се отвори изложбата со наслов „Најдрагиот Пинокио“ (Carissimo Pinocchio), во 13 часот. Поставката ќе може да се види во наредните две недели, до 28 март 2024.

Имено, во објектот Чифте амам ќе биде презентирана изложба по повод 140-годишнината од првото издание на книгата „Авантурите на Пинокио – Приказна за куклата“ од Карло Колоди, најпреведуваната италијанска книга во светот. Во соработка со италијанската амбасада изложбата на Музејот за дизајн ADI од Милано пред македонската публика ќе го претстави дизајнерскиот проект „Најдрагиот Пинокио, италијанските дизајнери и графички дизајнери ја редизајнираат најпознатата кукла на светот“, курирана од Џулио Јакети.

Годишнина, која според зборовите на претседателот Лучијано Галимберти „е повод да се прослави и прослави ремек-делото на италијанската литература, со цел да се зајакне мултидисциплинарноста на дизајнот како наследство на културното богатство способно да поставува прашања во нашите секојдневни активности“.

Срцето на „Најдрагиот Пинокио“ се 60 дизајн-проекти од 30 дизајнери и 30 графички дизајнери, специјално создадени за изложбата, „разни изрази на чувствата и работата на толку многу италијански дизајнери: зголемен, калеидоскопски, изненадувачки изглед, способен да ја каже приказната за способноста на италијанскиот дизајн да создава безвременски слики и предмети прославувајќи го на тој начин митот за Џепето, првиот италијански дизајнер!“ (Џулио Јакети).

Во медиумскиот простор на публиката со задоволство се обраќа кокураторот на изложбата:

„ Здраво на сите, јас сум Лука Мадонини и сум еден од 60-те дизајнери вклучени во изложбата ‘Најмилиот Пинокио’. Соработувајќи со главниот куратор на изложбата Џулио Јакети, имав и задоволство и чест да бидам сведок на сите нејзини креативни фази на оваа изложба, која е создадена со цел да се прослави 140-годишнината од раѓањето на Пинокио, една од најпознатите италијански икони во светот. Тоа, секако, е прослава на ликот на Пинокио, но и на Џепето, неговиот творец, кој знаел максимално да го искористи едноставното парче отпадно дрво работејќи со одземање и доаѓајќи до апсолутна формална синтеза: цилиндар, сфера, конусот на капата и секако зашилено испакнување, односно да се добие сè од ништо и да се најде вредност, дури и во тривијално парче остаток од дрво. За да ја покажат оваа аналогија, безброј дизајнери во текот на годините го презедоа предизвикот да ја реинтерпретираат фигурата на Пинокио, секогаш одржувајќи го формалниот архетип.

Зборувајќи за изложбата, Џулио Јакети предложи во Музејот за дизајн АДИ да се вклучат 60 италијански дизајнери, поточно 30 дизајнери и 30 графички дизајнери, повикани да дизајнираат своја лична реинтерпретација на најпознатата кукла во светот. Резултатот е збирка што ја раскажува сложеноста на приказната на Пинокио и нејзините многубројни авантури и аспекти.

Станува збор за инклузивна изложба, погодна и за деца и за возрасни, полна со изненадувања, способна да предизвика насмевка и во исто време да ве натера да размислувате. Се надевам дека ќе уживате и ќе дозволите да бидете пренесени во магичниот свет на Пинокио“. (Лука Мадонини)

Секој месец има своја енергија и влијае на нашите животи на свој начин. Март не е исклучок, се вели дека на некои луѓе им носи многу среќа.

Броевите се присутни во нашиот живот и имаат различно значење во разни култури. Некои веруваат дека одредени бројки имаат посебно значење и носат среќа.

Ако имате комбинација од следните броеви или еден од нив во датумот на раѓање, очекувајте поголема креативност, подлабоки духовни искуства и посилни врски во љубовта и семејството.

Март ќе биде особено среќен за луѓето што во датумот на раѓање ги имаат броевите 3, 6 или 9, пишува „Н1“.

Број 3

Бројот 3 е силно поврзан со креативност, оптимизам и позитивна енергија. Се вели дека луѓето родени на датуми што го содржат овој број се повеќе склони да ја истражат својата креативна страна.

Март, како трет месец во годината, ја носи дополнителната сила на бројот 3. Затоа, можеме да очекуваме дека луѓето со овој број во датумот на раѓање во март ќе доживеат уште поголема среќа и исполнетост.

За луѓето со број 3 во датумот на раѓање често се вели дека се оптимисти, креативни, пријателски расположени и забавни.

Таквите личности обично се страсно заљубени во уметноста, музиката, танцот или другите форми на изразување. Друштвени се и сакаат да комуницираат со другите, што ги прави многу популарни во општеството. Во исто време, тие исто така може да бидат донекаде импулсивни или да флуктуираат помеѓу разни интереси, што ја одразува динамичната природа кај нив.

Број 6

Бројот 6 често се поврзува со љубовта, семејството и врските. Се вели дека оние со овој број во датумот на раѓање се повеќе фокусирани на љубов и грижа за другите. Во март, кога пролетта се буди и природата оживува, бројот 6 може да има особено поволно влијание врз односите и семејните врски.

Луѓето чии датуми на раѓање го содржат бројот 6 често се фокусирани на грижата за другите, сочувствителни и одговорни. Тие може да бидат многу приврзани за семејството и пријателите и се подготвени да го жртвуваат своето време и енергија во корист на другите.

Број 9

Бројот 9 е поврзан со мудрост, духовност и длабоко разбирање на животот.

Се вели дека луѓето што го имаат овој број во датумот на раѓање се поотворени за духовни искуства и мудрост. Во март оваа врска може да се зајакне и да донесе дополнителна среќа на оние со број 9 во датумот на раѓање.

Пред 5 децении е формирана македонската кинотека. Честитки за сето она што досега го направила оваа значајна културна установа. Една од основните дејности на филмскава институција е да го прикаже сето она што го има, и ново и старо; ова второто во нови контексти и изданија. Тоа ќе биде карактеристика на програмата на најкусиот месев во годината – февруари. Календарски, ќе трае 29 дена. Ете можност да се види сето она што кинотеката го подготвила за февруарските денови.

Ќе се стартува со премиерна проекција. Со филм кој има наслов СЛОБОДА. Тоа е краткометражен филм во омнибус формат, чијшто автор е филмскиот критичар Златко Ѓелески. Веднаш потоа враќање децении наназад. Ќе бидат проектирани неколку архивски филмски записи од 1912 до 1952. Тоа се дел од новопримените кино-материјали што кинотеката ги прибра во текот на изминатата година.

Кинотека се решила, враќајќи се децении наназад, да потсети на филмовите создадени во 40-тите, 50-тите, 60-тите, 80-тите, 90-тите и 2000-тите. Режисерите се од различни земји – Италија, Франција, Германија, Шведска, САД. Ставени се во различни контексти, во нови програми. Всушност, станува збор за циклуси на Великаните на фестивалот на филмската камера БРАЌА МАНАКИ и пократок цилкус филмови на францускиот режисер на т.н. француски нов бран Луј Мал.

Во исклучително богатата кинотечна понуда се и неколку филмови на чехословачкиот режисер, оскаровецот Јан Кадар.

Она што е многу интересно, многу потребно за да се знае и запамети, се петте документарни македонски филмови со етнолошка содржина. Во нив е забележана традицијата, обработени се народни и религиозни обичаи од средината на 20-тиот век. Во четири од нив Вера Кличкова, пионерот на етнолошкиот филм кај нас, е сценарист, режисер или консултант.

Филмофилите ќе бидат почестени да го видат сигурно еден од најозборуваните лански филмови – НАПОЛЕОН на Ридли Скот. Во различните оценки за филмот доминираат, што е сосема разбирливо, Англичаните и Французите. Едните го фалат, другите го кудат. Критиките за најновата продукција на Скот се поделени, но не смее да се изостави фактот дека, и покрај одредени пропусти, станува збор за прецизно сработен биопик. Дело кое функционира на неколку нивоа – како биографска сторија, историска рекреација, но и омаж кон еден од омилените филмови на Ридли Скот – Бари Линдон од 1975, по сценарио и режија на Стенли Кјубрик.

Уште една филмска творба којашто предизвика интерес и претежно позитивни рецензии – УБИЈЦИ НА ЦВЕТНАТА МЕСЕЧИНА на Мартин Скорсезе– ќе биде проектирана во кино салата на Кинотека месецов.

Во финалето на месецов, ќе погледнеме два филма со музичка содржина. Познатиот ТОМИ, рок операта на Кен Расел, ќе биде прикажана на оригинална 35 милиметарска лента. Новитетот е музичкиот документарец за екс ју панк легендите Панкрти. Специјален гостин на кинотеката тие денови ќе биде фронтменот на групата, Перо Ловшин.

Февруари е можеби календарски пократок месец , но затоа ќе биде исполнет со исклучително богата кино-програма.