Вести
САД: FBI ги прислушувале разговорите меѓу рускиот амбасадор и помошникот на Трамп
Американското Федерално биро за истраги (FBI) ги прислушувало телефонските разговори во декември 2016 година меѓу помошникот на американскиот претседател Доналд Трампи за национална безбедност Мајкл Флин и русиот амбасадор во Вашингтон, Сергеј Кислјак, но во нив не регистрирале никакви сомнителни или незаконски активности, објави во вторникот американската телевизиска мрежа NBC News.
Според неименуваниот соговорник на телевизијата, американските разузнавачки служби редовно ги прислушувале телефонските разговори на рускиот амбасадор Сергеј Кислјак, и тие го сториле истото и во овој случај. Како што се истакнува во извештајот на NBC, во FBI сметале дека треба да извршат проверки на ова смета, и покрај тоа што формално не покренале истрага.
Претходно некои американски медиуми објавија дека FBI ги проучува контактите на некои членови од преодниот тим на тогаш избраниот претседател Доналд Трамп со руски функционери, за да проверат дали бил нарушен законот,. Имено, американскиот закон од XVIII век, познат како „Логан Акт“, им забранува на неовластени американски граѓани да преговараат со странски влади кои се во спор или судир со САД.
Весникот The Waal Street Journal во неделата објави дека покрај FBI, овие „провери“ ги правеле и Централната разузнавачка агенција (CIA) и Агенцијата за национална безбедност (NSA).
За споменатите телефонски разговори први извести колумнистот на Тhe Washington Post, Дејвид Игнатиус. А тоа ги отвори прашањата за контактите на советниците на Трамп и руските функционери во периодот кога американските разузнавачки агенции тврдеа дека наводно Москва наредила хакирање и други средства за да ги зголеми шансите на Трамп за победа над неговата противкандидатка од Демократската партија, Хилари Клинтон, тој уште официјално не ја презема должноста.
Портпаролот на Трамп, а сега на Белата куќа, Шон Спајсер тогаш изјави дека Флин примил телефонски повик од рускиот амбасадор, како и дека разговарале за организирање на телефонски разговор меѓу Трамп и рускиот претседател Владимир Путин по инаугурацијата на 20-ти јануари.
„Разговорот се водеше околу логистиката на организацијата на разговорот на рускиот претседател и новоизбраниот американски претседател откако ќе ја положи заклетвата, и разменија логистички информации како да се иницира и да се одреди времето за тој разговор. Тоа е тоа, кусо и јасно“, истакна Спајсер.
Додаде дека тој разговор се одвивал на 28-ми декември, а два извора на Reuters тврдеа дека неколку разговори се воделе и на 29-ти декември, на денот кога Обама ги најави новите санкции против Русија, а дотогашните ги продолжи./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
