Краток спој, најверојатно, го предизвикал пожарот во катедралата Нотр Дам во Париз, тврди неименувано официјално лице на француската судска полиција.

Меѓутоа, тој напоменува дека од безбедносни причини лицата што ја водат истрагата сè уште не добиле зелено светло за работа во катедралата.

Францускиот претседател, Емануел Макрон, најави претходно петгодишен план за обнова на Нотр Дам. Експертите го оценија планот како премногу амбициозен бидејќи проценуваат дека обновата би можела да трае и до 15 години.

Универзитетски професор е уапсен за обидот за палење на катедралата во Њу Џерси.

Њујоршката полиција соопшти дека професорот Марк Лампарело (37) е осомничен за обидот за предизвикување пожар, како и за кривично дело предизвикување општа опасност. Тој денеска планирал да замине за Рим за што имал резервирано лет.

Осомничениот, по приведувањето, рекол пред полицајците дека минувал покрај катедралата за да стигне до авенијата Медисон бидејќи во комбето снемал бензин, пренесе АП.

Полицијата ги проверила наводите и забележала дека возилото не останало без бензин. Се наведува дека осомничениот претходно ѝ бил познат на полицијата.

На прашањето дали инцидентот е со терористички мотиви, заменик-комесарот за известување и антитетористички работи на њујоршката полиција, Џон Милер, изјави дека е прерано да се заклучи такво нешто.

Тој, сепак, забележа дека до инцидентот дошло два дена по пожарот во париската катедрала Нотр Дам.

Мажот влегол во катедралата „Свети Патрик“ во Њујорк со два канистра полни со бензин, течност за запалки и запалка кога се судрил со обезбедувањето. Потоа сакал да излезе, но бензинот се истурил по подот, а обезбедувањето ја известило полицијата. Тие го уапсиле и го однеле на сослушување.

Во основно училиште во Охајо во тек е потрагата по ракун поради што денешните часови биле откажани.

АП пренесе дека ракунот залутал во училиштето, па наставата била откажана.

Агенцијата додаде дека потрагата нема да заврши добро за ракунот бидејќи кога станува збор за вакви случаи, вообичаена пракса било животното да се успие.