Обидите на Киев да го окарактеризира предавањето на украинските екстремисти од „Азовстал“ како евакуација се неточни, тие се предаваат, изјави портпаролот на Кремљ, Дмитриј Песков.

– Недвосмислено е дека војниците кои се засолниле на територијата на „Азовстал“ се предаваат и го полагаат оружјето. Што се однесува до нивната идентификација, прашањето треба да се испрати до Министерството за одбрана на Русија – изјави тој.

Песков ги нарече недозволиви обвинувањата на Киев дека руски војници вршеле злосторства за време на специјална воена операција и рече дека многу од случаите за кои зборува Киев се лажни и монтирани.

– Многу од случаите за кои зборува Киев се очигледно лажни. Најмногу сме шокирани од монтираните случаи кои нашите експерти покажаа дека се лажни, па така се однесуваме кон нив – нагласи портпаролот на Кремљ, пренесе Новости.

Портпаролот на Кремљ, Дмитриј Песков, денеска изјави дека нема напредок во мировните преговори на Русија со Украина и дека Киев не е заинтересиран за нивно продолжување.

Преговорите не напредуваат, рече Песков, пренесува „Ројтерс“.

Заменик-министерот за надворешни работи на Русија Андреј Руденко изјави во вторникот дека Москва и Киев не водат разговори „во ниту една форма“ и дека Украина „практично се повлече од преговарачкиот процес“.

Москва прогласи 34 вработени во француската амбасада за персона нон грата како одговор на протерувањето на руските дипломати, соопшти Министерството за надворешни работи на Русија.

Според „Спутник“, руското министерство соопштило дека претставниците на амбасадата имаат рок од две недели да ја напуштат Русија.