Контакт

Свет

Скандалот во Ватикан се продлабочува: пронајдени пари и златници кај администратор

Објавено пред

Тековните финансиски скандали во Ватикан не покажуваат знаци на попуштање кога полицијата откри стотици илјади евра во готово заедно со скапоцени златници и медалјони скриени во два дома на суспендиран службеник на Ватикан, пренесува „Домани“.

Според извештајот на италијанскиот истражувачки новинар Емилијано Фитипалди, пленот на поранешниот администратор во Ватикан, Фабрицио Тирабаси, вклучувал неколку килограми златни и сребрени монети, како и 600.000 евра во готово, од кои голем дел бил ставен во стара кутија за чевли.

Вкупната вредност на она што го заплени италијанската финансиска полиција е над два милиона евра, пишува Фитипалди, а пленот бил поделен во куќата на поранешниот функционер во Ватикан и во магацин во сопственост на неговиот 90-годишен татко во градот Селано, во регионот Абруцо, централна Италија.

Таткото на Тирабаси управувал со мала продавница за монети и поштенски марки во близина на Ватикан, што може да помогне во објаснувањето на огромната колекција вредни монети.

Фабрицио Тирабаси е сметководител, кој работел за кардиналот Анџело Бечу во Државниот секретаријат на Ватикан сè додека не беше суспендиран минатата година заедно со уште четворица вработени. Тирабаси беше поврзан за озлогласената набавка на недвижности во вредност од милиони долари на Ватикан во луксузната населба Челси во Лондон.

Тирабаси, наводно, му издал на Ватикан – и бил платен – околу 15 милиони евра лажни фактури, а меѓу неговите сметки има и една во самата Ватиканска банка, на која има над милион евра.

Ватикан го истражува Тирабаси заедно со италијанските бизнисмени Рафаеле Минчоне и Џанлуиџи Торзи, како и поранешниот банкар од „Кредит Свис“, Енрико Красо, во врска со набавката на недвижности во Лондон.

Минатиот декември италијанскиот дневен весник „Кориере дела сера“ откри дека Ватикан вложил повеќе од милион долари за финансирање на филмот „Рокетман“, биографски филм на кантавторот Елтон Џон со експлицитни сцени на хомосексуален секс.

Државниот секретаријат на Ватикан исто така инвестирал во компанијата за очила и лајфстајл-производи на Лапо Елкан користејќи пари донирани од католичките верници преку светските акции „Питерс Пенс“.

Обвинителите на Светата столица разгледаа низа инвестиции на Ватикан направени преку глобалниот фонд „Центурион“ со седиште на Малта, кои финансираат проекти, вклучително и недвижности, минерална вода, веб-страници и филмови.

Преку фондот Ватикан станал партнер со 25 отсто во компанијата на Елкан – „Италија индепендент“ за 6 милиони евра,  а исто така станал партнер со 10 милиони евра со индустријалецот Енрико Прециози, претседател на фудбалскиот тим „Џенова“.

Минатиот месец папата Франциско го нападна „обожавањето на античкото златно теле“ и „идолопоклонството на парите“ две недели по отпуштањето истакнат ватикански кардинал за финансиски неправилности.

„Се чини дека на многу места надмоќта на парите над човечките суштества се зема здраво за готово“, им рече папата на претставниците на „Манивал“, европска надзорна организација за перење пари.

„Понекогаш, во обидот да се натрупа богатство, не постои загриженост за тоа од каде потекнува тоа, за повеќе или помалку легитимните активности што тоа може да ги поттикне и за механизмите на експлоатација што може да бидат зад тоа. Така, може да се појават ситуации кога допирајќи пари, добиваме крв на рацете, крв на нашите браќа и сестри“, рече Франциско.

Свет

Путин: Општата состојба во зоната на ОДКБ е нестабилна

Објавено пред

Настаните во Нагорно-Карабах, Белорусија и Киргистан ја искомплицираа општата состојба во зоната на одговорност на Организацијата на Договорот за колективна безбедност (ОДКБ).

Според претседателот на Русија, Владимир Путин, тие настани ја направија ОДКБ нестабилна.

„Тука мислам на вооружениот конфликт што избувна во Нагорно-Карабах во септември, во кој учествуваше земја членка на нашата организација, и на постизборните настани во Белорусија, која се најде под надворешен притисок без преседан, и на внатрешната политичка ситуација во Киргистан“, рече Путин на видеосамитот на ОСКБ, пренесе ТАСС.

Прикажи повеќе...

Свет

„Дејли бист“: Трамп му дал одврзани раце на Помпео да врши притисок врз Иран

Објавено пред

Американските медиуми објавија дека претседателот на САД, Доналд Трамп, му дал зелено светло на шефот на Стејт департментот, Мајк Помпео, дека може да врши притисок врз Иран колку што сака, само без да предизвика Трета светска војна, пишува американскиот портал „Дејли бест“ (DailyBeast), повикувајќи се на високи американски официјални претставници чии идентитети не се откриени.

Трамп им дал одврзани раце на Помпео, останатите дипломати, како и на своите советници, во контекст на вршењето притисок врз Иран.

Во текстот се наведува дека Трамп во последните недели е фокусиран особено на резултатите од претседателските избори и дека посветува големо внимание на надворешнополитичките прашања. Прашањето за Иран, како што се наведува, во потполност му го препуштил на Помпео.

Американските официјални претставници на кои се повикува авторот на текстот и наведува дека сведочеле на разговорите на Трамп и Помпео, порачаа дека Трамп дал овластување на американскиот државен секретар да врши притисок врз Иран колку сака, но со тоа да не предизвика Трета светска војна.

Тоа ѝ остава на располагање низа опции на администрацијата во заминување – меѓу нив, задушувачки режим на санкции и молк поради атентатот врз ирански државјани.

Исто така, се наведува дека е можно да постоела соработка меѓу израелските и американските разузнавачки служби во врска со атентатот на иранскиот научник Мухсин Фахризаде. Фахризаде, кој беше клучна фигура на иранската нуклеарна програма, во петокот го убија неидентификувани вооружени напаѓачи на периферијата на Техеран, главниот град на Иран.

Иранските официјални претставници го обвинија за убиството Израел, чиј премиер Бенјамин Нетанјаху пред две години одржа презентација за иранската нуклеарна програма и изјави дека треба да се запамети името на Фахризаде.

Се очекува администрацијата на Трамп, пред предавањето на Белата куќа на победникот на американските претседателски избори, Џо Бајден, кое е планирано за 20 јануари, да воведе нови економски санкции на Иран и да преземе чекори кои ќе ја доведат иранската економија во тешка ситуација.

Поединци вклучени во изработката на политиката на администрација на Трамп во Иран, веруваат дека кампањата за максимален притисок ќе ја ограничи можноста на Бајден да се врати на вистинскиот пат со Техеран затоа што некои од санкциите е тешко да се отстранат, особено оние фокусирани на човековите права и тероризмот.

Поединци запознати со размислувањето на тимот на Бајден велат дека избраниот претседател има јасна стратегија за справување со Иран и со санкциите по јануари. Тој план во голема мера зависи од желбата на Бајден да се врати во Заедничкиот сеопфатен план за акција (ЈЦПОА), нуклеарниот договор за кој се договараше за време на администрацијата на Обама ако Иран се согласи да го почитува.

„Ако Иран ја загризе мамката, што очигледно е намерата зад атентатот врз Фарихзаде, тогаш тоа веројатно го оневозможува враќањето во ЈЦПОА и дипломатијата. Ако Иран не ја загризе мамката … Не знам дали тоа навистина ги менува изборите со кои се соочува тимот на Бајден или Иран во јануари “, вели Џерет Блан, поранешен координатор за иранска нуклеарна имплементација во Стејт департментот на Обама .

Било какви преговори меѓу администрацијата на Бајден и Иран би вклучувале разговори за укинување на некои санкции, но тие санкции најверојатно ќе бидат укинати само ако и кога Техеран ќе се придржува до договорот.

„Иран вели дека е подготвен да се врати во согласност со ЈЦПОА и да повлече некои од донесените одлуки. И САД велат дека ќе укинат некои од санкциите. Нема законска пречка за нивно менување. Многу од нив беа наметнати од политички причини “, рече поранешен висок функционер на администрацијата на Обама.

„Најверојатно, тоа ќе биде пристап во два чекори за Бајден – враќање назад и потоа можеби повторно преговарање за поинаков, подобар договор“.

Прикажи повеќе...

Свет

Сингапур одобри продажба на пилешко месо создадено во лабораторија

Објавено пред

Сингапур одобри продажба на пилешко месо произведено во лабораторијата на една американска компанија, пренесува РТ.

Сингапурската агенција за храна (SFA) преку соопштение информира дека е дозволена продажба на пилешкото месо сoздадено во лабораториска средина од американската компанија „Ит џаст“ (Eat Just).

Во соопштението се наведува дека пилешкото месо произведено во лабораторијата на „Ит џаст“ е безбедно за консумирање.

Коосновачот и извршен директор на „Ит џаст“, ​​Џош Тетрик, истакна дека пилешкото месо создадено од животински мускулни клетки во лабораторија за кусо време ќе биде достапно во еден ресторан во Сингапур.

Месото прво ќе се дистрибуира до рестораните, а подоцна и до потрошувачите во малопродажба. Продукциските трошоци сè уште се високи бидејќи технологијата е сè уште во рана фаза, па и цената на ова месо ќе биде како производ од премиум квалитет.

Тетрик ја опиша иницијативата на „Ит џаст“ како значаен чекор за глобалната прехранбена индустрија и истакна дека очекуваат другите земји да ја дозволат продажбата на ова месо.

Тетрик исто така изјави дека не се користат антибиотици во процесот на производство на месото.

Прикажи повеќе...

Најново

Македонија16 минути

Пратениците да покажат бојадисано јајце за Велигден, бара опозицијата во еден од амандманите

Во еден од амандманите на опозицијата се вели дека за време на велигденските празници, пратениците кои ќе учествуваат во работата...

Македонија50 минути

ИЈЗ: Се намалува бројот на новозаболени, расте бројот на оздравени пациенти

Бројот на новозаболени со коронавирус во периодот од 23 до 29 ноември се намалува, додека расте бројот на оздравени пациенти,...

Македонија1 час

Филипче: Го подготвуваме здравствениот систем за вакцинација за Ковид-19

Здравствениот систем го подготвуваме за вакцинација за Ковид-19. Ова ќе биде една од најголемите логистички операции која ќе треба да...

Македонија1 час

Кузеска: ВМРО-ДПМНЕ не ги исплатила долговите за 270 уметнички слики со позлатени рамки

ВМРО-ДПМНЕ е партија во стечај со блокирани сметки и замрзнати недвижности, меѓу кои и мегаломанското квази барокно здание, седиште на...

Економија2 часа

Групацијата АРИКОМА ја купува компанијата „Сеавус“

Претставниците на Групацијата АРИКОМА (ARICOMA), која е дел од чешката Групација ККЦГ(KKCG) на Карел Комарек, најавуваат значаен чекор поврзан со...

Свет2 часа

Русија почна со вакцинација на војниците против коронавирус

Во Централниот воен округ на Русија почна вакцинација на војниците со вакцината против коронавирус „Спутник V“ и прво ќе се...

Регион2 часа

„Коха“: Тачи ќе го бранат пет адвокати во Хаг

Поранешниот претседател на Косово, Хашим Тачи, ќе го бранат пет адвокати пред Специјалниот суд во Хаг, пишува „Коха“. Специјализираниот совет...

Свет2 часа

Интерпол предупредува на опасноста од лажни вакцини

Интерпол предупредува дека меѓународната мрежа на организиран криминал може да се насочи кон новите вакцини против Ковид-19. Како што е...

Регион3 часа

Во Хрватска 3.539 новозаразени и 55 починати од Ковид-19

Според официјалните податоци, во Хрватска денес има 3.539 новозаразени лица со Ковид-19, а 55 пациенти починале. Хоспитализирани се 2.408 пациенти,...

Македонија3 часа

Во изминатите 24 часа во ковид – центрите во Скопје се примени 30 нови пациенти

Во изминатите 24 часа во ковид – центрите во Скопје се хоспитализирани 30 нови пациенти поради компликации од коронавирусот. Вкупно...

Македонија4 часа

ВМРО-ДПМНЕ ќе протестира во 16 града

ВМРО-ДПМНЕ денеска ќе протестира во 16 града. Од партијата најавија дека на протестите ќе биде испратена порака до премиерот Зоран...

Свет5 часа

Во САД повеќе од 2.500 починати од коронавирус за 24 часа

Соединетите Американски Држави во вторникот потврдија повеќе од 2.500 смртни случаи за 24 часа, што е најголем број смртни случаи...

Свет6 часа

Велика Британија ја одобри вакцината против коронавирус на „Фајзер“

Велика Британија е првата западна земја што одобри вакцина против коронавирус од производителот „Фајзер“. Британскиот регулатор, МХРА, вели дека вакцината,...

Свет6 часа

Американскиот секретар за правда: Нема докази за изборна измама

Американскиот секретар за правда, Вилијам Бар, рече дека Секретаријатот за правда не нашол докази за широко распространета изборна измама што...

Свет6 часа

Макрон: Вакцинацијата во Франција ќе почне во јануари

Францускиот претседател, Емануел Макрон, синоќа изјави дека програмата за вакцинација на коронавирус најверојатно ќе се активира на почетокот на јануари...

Македонија19 часа

Регистрирани 1.069 новозаразени, 1.242 оздравени и 29 починати лица од коронавирус

Во последните 24 часа се направени 3.012 тестирања, а регистрирани се 1.069 нови случаи на Ковид-19, и тоа во: Скопје-489,...

Македонија19 часа

Со посебни протоколи ќе се отворат скијачките центри

Владата го прифати мислењето на Комисијата за заразни болести дека скијачките центри може да работат во согласност со соодветен протокол,...

Македонија19 часа

Владата предлага продолжување на кризната состојба до јуни

Владата ќе достави до Собранието предлог за продолжување на кризната состојба до јуни в година. Владата на денешната седница го...

Топ22 часа

Украден паричник од покојник во ковид-центар во Скопје

Украден е паричник од маж што починал во ковид-центарот на комплексот клиники „Мајка Тереза“. Случајот вчера во полицијата го пријавил...

Македонија22 часа

Бучковски назначен за специјален претставник на Владата за Бугарија

Владо Бучковски е именуван за специјален претставник на македонската Влада за Бугарија. Поранешниот премиер е именуван на оваа позиција на...

Досие