Украинската служба за безбедност (СБУ) уапси брачна двојка осомничена за шпионирање за Русија во црноморското пристаниште во Одеса. СБУ не ги објави имињата на уапсените. Во соопштението се наведува дека двојката е осомничена дека извидувала локации за можни руски воени операции, исто како и маневрите на украинските сили за воздушна одбрана.

СБУ вели дека верува дека станува збор за руски разузнавачи кои планирале да создадат мрежа на агенти во јужна Украина. Вработените во СБУ пронајдоа мобилни телефони и компјутерска опрема со докази за „тајна кореспонденција со агресорот“, се наведува во соопштението за печатот.

„СБУ ги уапси двајцата шпиони додека се обидуваа да им достават доверливи информации на Русите“, објави СБУ, додавајќи дека двајцата пристигнале во Украина во 2018 година и добиле дозволи за престој. Мажот претходно служел во руската армија, објави СБУ.

Украинската служба наведува дека уапсените му испраќале информации на поранешен офицер на руските специјални сили на Крим, кој соработувал со военото разузнавање. СБУ објави и серија фотографии на кои се гледа апсењето на парот, воените документи на уапсениот на кои се гледа неговиот чин полковник и нивните руски пасоши.

Климатските активисти блокираа една од двете писти на аеродромот во Минхен во јужна Германија денеска наутро, но блокадата заврши по некое време и воздушните операции се вратија во нормала.

Според портпаролот на аеродромот, федералната полиција ги уапсила активистите.

Како што изјави портпаролот, активистите блокирале една од пистите лепејќи се за асфалтот во нејзиниот северен дел.

Активистите, кои се незадоволни од вклученоста на владата во борбата против климатските промени, во последните месеци се се поактивни низ цела Германија, а најистакнатите активисти се членовите на групата „Последна генерација“ со седиште во Берлин.

Членовите на групата се залепија на слики во музеи, организираа улични блокади и неодамна привремено ја затворија пистата на аеродромот во Берлин. Пред две недели речиси два часа ги блокираа летовите на аеродромот БЕР.

Се погласни се повиците за построги последици за климатските активисти кои го нарушуваат јавниот живот, при што многу од нив се уапсени и се соочуваат со кривични пријави.

Со оглед на тоа што јужната писта работеше непрекинато, немаше откажувања на летови, туку само мали доцнења, соопштија за инцидентот властите на аеродромот во Минхен.

👋✈️Dürfen wir vorstellen: Der Luftverkehr

– Jährlich Milliarden Tonnen CO2

– Weitere Treibhausgase und Feinstaub verdreifachen den Schaden

– Transportmittel der reichsten 10%

– Jährlich mit 11 Milliarden subventioniert (ein 9-Euro-Ticket wäre deutlich günstiger!) pic.twitter.com/LRp6yq9Bv7

— Letzte Generation (@AufstandLastGen) December 8, 2022

„Активностите на летот во моментов не се ограничени“, изјавија претставници на аеродромот, додавајќи дека полицијата започнала операција во безбедносната област „поради неовластен пристап“ на активистите.

Портпаролот на полицијата потврди дека операцијата е во тек.

Групата „Last Generation“ на Твитер објави дека нејзините членови влегле во областа и се наоѓаат на пистата на аеродромот.

Рускиот министер за надворешни работи Сергеј Лавров најде нов аргумент, наведувајќи нов негативен пример против Западот. Го сподели своето искуство со тоалетите во Шведска на панелот на кој учествуваше.

Како што рече, многу трауматичното искуство му се случило на самитот на ОБСЕ минатата година, кога сфатил дека тоалетите се унисекс.

„Она што го видов во Шведска, кога бев на самитот на ОЕЦД минатата година. Извинете за деталите, таму прашав каде е тоалетот на пауза. Ми покажаа врата со знакот „тоалет“, прашав: ‘Дали е ова за жени или мажи?’ Ми рекоа: „Ние имаме сè заедничко“. Не верував, но навистина беше така. Не можете да верувате колку е нехумано. Едноставно не е човечки“ – згрозено изјави Лавров.

Sergei #Lavrov told of a shocking discovery of a gender-neutral toilet in #Sweden and told how “unhuman” it was. pic.twitter.com/H134ePI6ga

— NEXTA (@nexta_tv) December 7, 2022