Свет
Трамп го избра екс сенаторот Коутс за шеф на разузнавањето, но не планира преструктуирање

Новоизбраниот американски претседател Доналд Трамп во четвртокот го избра поранешниот сенатор Даниел Коутс за свој директор на националното разузнавање, соопштија двајца функционери од неговиот транзициски тим, во настојувањата да оствари влијание во американската разузнавачка заедница којашто често ја критикува, но нема намера да ја преструктуира.
Официјалната објава на одлуката се очекува до крајот на седмицава, додека Доналд Трамп ќе носи одлуки за другите важни места коишто мора да ги пополни во рамките на подготовките за преземање на Белата куќа на 20-ти јануари.
На 73-годишниот Даниел Коутс, од сојузната држава Индијана, штотуку му завршува шестгодишниот мандат во Сенатот, во кој мина повеќе од десет години и беше во сенатскиот комитет за разузнавање. Претходно мина четири мандати во Претставничкиот дом. Во времето на поранешниот републикански претседател Џорџ В Буш помладиот беше американски амбасадор во Германија.
Доналд Трамп повторно изрази сомневања во процените на американската разузнавачка заедница од администрацијата на претседателот во заминување Барак Обама, дека Русија имала своја улога во кибернетичките упади во текот на претседателската Кампања.
Демократите ја обвинуваат Москва дека сакајќи да го девалвира американскиот систем му помогнала на Трамп и на другите републиканци со крадењето на доверливата преписка меѓу челниците на Демократската партија кои подоцна се појавуваа на WikiLeaks.
Трамп подоцна во четвртокот според локално време, во Кулата Трамп во Њујорк треба да биде информиран за извештајот на разузнавачката заедница за оваа тема од високи функционери, откако извештајот претходно му е поднесен на Обама и беше писмено поднесен во сенатскиот комитет.
Некои американски разузнавачки функционери го поздравија во четвртокот изборот на Коутс, и изразија надеж дека неговото именување е знак дека Трамп настојува да ги поправи односите со разузнавачката заедница по долгите месеци спорење околу нејзините процени дека Русија со хакирањето влијаела врз ноемвриските претседателски избори.
Еден функционер, под услов да остане анонимен, за Reuters изјавил дека исто така се надева оти, доколку биде потврден неговиот избор, Коутс ќе може да го договори она што го нарекол „примирје“ меѓу разузнавачката заедница и избраникот на Трамп за национална безбедност, поранешниот директор на Одбранбената разузнавачка агенција (DIA), пензионираниот генерал-полковник Мајк Флин, кој беше отпуштен од сегашниот директор на американската разузнавачка служба Џејмс Клапер, кој ги координира 19-те разузнавачки агенции и служби на САД.
Истовремено, портпаролот на Трамп негираше во четвртокот дека новиот американски претседател размислува за преструктуирање на разузнавачките служби, демантирајќи го написот за наводната реформа.
Весникот The Wall Street Journal објави дека Доналд Трамп има намера да ја преструктуира Централната разузнавачка агенција (CIA) и да ги намали овластувањата на кабинетот на директорот на националните разузнавачки служби (DNI), кој раководи со сите разузнавачки агенции.
„Тие информации не се точни. Замислата за преструктуирање на разузнавачката заедница не е точна. Таа е потполно неточна“, изјави Шон Спајсер, портпарол на Трамп во текот на телефонската прес-конференција, пренесе AFP.
Како што наведува The Wall Street Journal, повикувајќи се на анонимни извори наводно блиски на Трамп, овој го изнел предлогот за намалување на службите коишто сепак би морале подобро да соработуваат./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: На Украина ќе ѝ требаат „Патриот“ ракети за одбрана

Претседателот на САД, Доналд Трамп, изјави дека на Украина ќе ѝ требаат ракети „Патриот“ за својата одбрана, откако во петокот разговарал со украинскиот претседател Володимир Зеленски, и изрази разочараност поради одбивањето на рускиот претседател Владимир Путин да стави крај на борбите, пренессе „Ројтерс“.
Трамп им рече на новинарите дека имал добар телефонски разговор со Зеленски, но повтори дека бил многу незадоволен од повикот со Путин, нарекувајќи го рускиот лидер незаинтересиран за прекин на огнот.
На прашањето дали САД ќе се согласат да испорачаат дополнителни ракети „Патриот“ на Украина, како што побарал Зеленски, Трамп изјави: „Ќе им требаат за одбрана… Ќе им треба нешто, бидејќи се под жестоки удари.“
Тој ги пофали ракетите „Патриот“ како „навистина неверојатно оружје“.
На прашање за изгледите за прекин на огнот, Трамп изјави: „Тоа е многу тешка ситуација… Бев многу незадоволен од мојот повик со претседателот Путин. Тој сака да оди до крај, само да продолжи да убива луѓе – тоа не е добро.“
Зеленски, во порака на Телеграм, рече дека се согласиле да работат на зголемување на капацитетите на Украина за „одбрана на небото“, како одговор на засилените руски напади. Тој додаде дека разговарале и за заедничко производство, набавки и инвестиции со американската страна.
Украина подолго време бара од Вашингтон нови системи „Патриот“ што ги смета за клучни во одбраната на градовите од засилените воздушни напади од Русија. Одлуката на САД да прекинат со некои пратки на оружје веќе предизвика предупредувања од Киев дека тоа ја намалува нивната способност за одбрана.
Германија, пак, објави дека е во разговори за купување на ракети „Патриот“ за да го надополни вакуумот.
Извор информиран за повикот меѓу Трамп и Зеленски за Ројтерс изјавил дека по „многу добриот разговор“, постои оптимизам дека снабдувањето со ракети може да продолжи.
Трамп изјави дека разговарал и со германскиот канцелар Фридрих Мерц за украинското барање, но дека сè уште не е донесена одлука за испорака на напредните ракети.
Според американскиот медиум Axios, повикот траел околу 40 минути, а Трамп му рекол на Зеленски дека ќе провери каква е состојбата со американското оружје што требало да биде испратено во Украина.
Во своето вечерно видео-обраќање, Зеленски потврди дека тој и Трамп се согласиле да организираат средба меѓу нивните тимови за зајакнување на воздушната одбрана.
„Имавме многу детална дискусија за заедничко производство. Тоа ѝ е потребно на Украина, но и на Америка,“ рече Зеленски.
Во минатото, Украина доби системи „Патриот“ и муниција од САД како дел од помошта за време на мандатот на тогашниот претседател Џо Бајден.
Свет
(Видео) Патници скокаа од крилата на авион поради лажна тревога за пожар

На пистата на аеродромот Палма де Мајорка рано утрово се случи инцидент на летот на „Рајанер“ за Манчестер. Поради лажна пријава за пожар, авионот беше евакуиран, а 18 лица беа полесно повредени, потврдија локалните власти.
Инцидентот се случил во саботата во 00:30 часот. Службите за итни случаи добиле пријава за пожарот во авионот што бил на постојката, а според порталот „Кроника Балеар“, противпожарни екипи и работниците за итни случаи веднаш биле испратени на терен.
Шест патници биле пренесени во болница за дополнителни прегледи – тројца во клиниката Ротгер, а тројца во болницата Палмапланас. Другите беа згрижени на местото на настанот со полесни повреди, како што е истегнување на зглобот.
Ryanair 737-800 evacuated at Palma de Mallorca Airport after a fire indication developed on board during taxi.
The SAMU061 coordination center received a call at a.m, reporting a fire on flight RK3446 to Manchester.
A total of 18 people were injured during the evacuation, six… pic.twitter.com/XpCCejGq2t
— Breaking Aviation News & Videos (@aviationbrk) July 5, 2025
Локалната цивилна гарда и пожарникарите на аеродромот помогнаа во евакуацијата на патниците, од кои некои сами скокнаа од авионот преку крилата за да се оддалечат од авионот што е можно поскоро.
Рајанер потврди дека полетувањето е откажано поради лажно предупредување за пожар.
„Летот од Палма до Манчестер на 4 јули не полета поради лажна индикација за пожар. Патниците беа евакуирани и вратени на терминалот“, изјави портпаролот на Рајанер.
„При излегување од авионот, неколку патници беа полесно повредени, па екипажот веднаш побара Итна медицинска помош. За да ги намалиме доцнењата, брзо организиравме заменски авион кој полета од Палма во 07:05 часот утрово.“
„Искрено им се извинуваме на сите патници за непријатностите што ги доживеаа“, додаде авиокомпанијата.
Свет
(Видео) Украинците погодија магацин за оружје на руски воен аеродром, снимен напад со дрон

Украинските специјални сили извршија напад врз рускиот воен аеродром Борисоглебск, кој се наоѓа во регионот Воронеж, објави украинската армија на социјалните мрежи.
Во нападот, според нивните изјави, биле погодени магацин со бомби и авион за обука.
Russian Telegram channels report an attack on a Russian airfield in Borisoglebsk and Progress plant in Cheboksary where EW components are made. pic.twitter.com/UOfSHaqe6I
— Anton Gerashchenko (@Gerashchenko_en) July 5, 2025
Тие исто така додадоа дека постои можност да бидат оштетени и други авиони, но без дополнителни детали.
Овој аеродром се користи како база завиони од типот Су-34, Су-35С и Су-30СМ, се вели во соопштението.