Торнадо и силно невреме проследено со грмотевици, во четвртокот вечерта погоди неколку градови на југоистокот од Чешка, во регионот Јужна Моравска, уривајќи куќи до темел. Седум градови и села претрпеа голема материјална штета, а министерот за внатрешни работи, Јан Хамачек, прогласи вонредна состојба додавајќи дека бројот на жртви може да се зголеми.

Според последните информации, потврдена е смртта на три лица, а повредени се повеќе од 200. Еден автобус се превртел, а сообраќајот на автопатот Д2 е во прекин.

myslim na vsechny lidi z Hodonína a Lužic pic.twitter.com/jAwSB1I8AQ

— lvcas (@LvcasDNR) June 24, 2021

Снимките што се појавија на социјалните мрежи покажуваат вистинска апокалипса што оставила пустош зад себе. Според чешките медиуми, пожарникари од други региони веќе пристигнале на местото на настанот, за да им помогнат на локалните.

Граѓани погодени од катастрофата веќе се хоспитализирани во локалните болници. Голем број повредени пристигнуваат и со приватни возила. Поради последиците од силното невреме, пожарникарите прогласија состојба на опасност од трет степен, соопшти полицијата.

Tornado in Brno, Czech Republic :O pic.twitter.com/KAfQ0AjcEZ

— Oscar 🇵🇸 (@Brophyst) June 24, 2021

„Ни помагаат спасувачи од регионот Злин, Оломоуц, Пардубице и Височина, но и од Словачка, а кон нас летаат и два хеликоптера од Австрија. Планот е да се пренесат пациенти на големиот паркинг на автопатот Д2“, изјави портпаролката на службата за спасување, Хедвика Кропачкова.

To everyone who says climate change isn’t real – a tornado razed half a town/village in the Czech Republic. That ain’t normal… A TORNADO pic.twitter.com/5mFP5GyZ8O

— Nikola || is seeing Må in 50 days 💃🏻 (@ByNikith) June 24, 2021

Според изјавите на очевидци, по невремето, силниот ветер кој достигнал брзина од 322 километри на час, одеднаш се претворил во воздушен вртлог кој уништил голем број куќи. Пожарникарите соопштија дека биле пријавени рекордни 300 интервенции за помалку од еден час.

JUST IN – Rare tornado devastates a town in the Czech Republic.pic.twitter.com/6XQQ12e4zm

— Disclose.tv 🚨 (@disclosetv) June 24, 2021

Најлошо во ова невреме поминало селото Хрушки во регионот Бжецлав, кое буквално било срамнето со земја откако поминало торнадото. Автомобили паѓале врз куќите, а локалната црква останала без покрив.

„Селото од црквата надолу практично не постои. Училиштето нема фасада, нема покрив, не успеав да стигнам до градинката. Вековни липи и смреки се искорнати од земјата“, опиша заменик-градоначалникот на Хрушки, наведувајќи дека има повредени.

Големи штети се потврдени и во Моравска Нова Вес, каде според градоначалникот, уништени се повеќе куќи во селото низ кое торнадото поминало по разурнувањето во Хрушки.

Здравствените власти во Данска ги повикаа навивачите кои присуствуваа на натпреварот на Европскиот шампионат меѓу фудбалерите на Данска и Белгија да бидат тестирани за коронавирус, откако беа откриени најмалку три случаи на заразени со новиот „делта“ вид на коронавирус.

Натпреварот се одигра на 17 јуни во Копенхаген на стадионот „Паркен“.

Данскиот министер за здравство Магнус Хојнеке изјави дека околу 4.000 лица седеле во близина на луѓе кои биле позитивни на новиот „делта“ сој.

Од 2 април, Данска пријави 247 случаи на новиот т.н индиски сој на коронавирус.

Белгиската полиција уапси маж на возраст од 99 или 100 години, осомничен за убиство во дом за стари лица. Белгиските власти уапсија еден постар човек, кој наводно е на возраст од 99 или 100 години, под сомнение дека убил колега од старечкиот дом во кој живеел, пренесуваат тамошните агенции.

Деталите за овој инцидент, што се случил во понеделникот, сè уште не се познати, но обвинителството во Гент, Белгија, преку изјава потврди дека жителот на домот е во притвор под сомнение дека извршил убиство.

Агенциите вчера објавија дека осомничениот е на возраст од 99 или 100 години, што го прави веројатно најстариот притвореник во Белгија.

Според водечката организација која обезбедува нега и грижа за стари лица, последниот познат случај на убиство во старечки домови во Белгија датира од 90-тите години на минатиот век.