Меѓународната вселенска мисија, со двајца руски и еден американски астронаут во руското летало „Сојуз“, од космодромот во Бајанкур, Казахстан, беше успешно лансирана кон Меѓународната вселенска станица.

Руско-американската вселенска мисија е лансирана во ново вселенско летало, што ќе се поврзе со Меѓународната вселенска станица во орбитата многу побргу од претходните, за помалку од три часа, и таму ќе ги помине следните шест месеци, јави АП.

Кејт Рубинс од американската НАСА и руските космонаути Сергеј Рижиков и Сергеј Куд-Сверчков од руската вселенска агенција „Роскосмос“ полетаа утрово во предвиденото време до Меѓународната вселенска станица што кружи околу Земјата.

Таму ќе го заменат руско-американскиот тим, кој е во мисија од април и треба да се врати на Земјата за една недела.

„Поминавме две недели во Стар Сити, недалеку од Москва, а потоа 17 дена во Бајанкур во многу строг карантин и сите направивме ПЦР-тестови“, изјави американската астронаутка Кејт Рубинс пред лансирањето најавувајќи интересни тестови во вселената, вклучително и студија за растот на клетките во вонземски услови.