Свет
ФБИ истражува дојава: при упадот бил украден лаптоп на Пелоси, со намера да им се продаде на Русите

Американскoто ФБИ истражува дојава дека жена можеби украла лаптоп од канцеларијата на Ненси Пелоси за време на упадот во зградата на Конгресот со цел да го продаде на Русија.
Против засега неименуваната жена е поднесена кривична пријава, пренесува Си-ен-ен.
Сепак, неофицијално, се работи за 22-годишната Рилеј Џун Вилијамс од Пенсилванија, која е осомничена за влегување во зградата за време на опсадата на Конгресот и за кражба на лаптопот на спикерката на Претставничкиот дом, Ненси Пелоси.
Наводниот сведок им рекол на истражителите дека пријателите на Вилијамс објавиле видео на кое се гледа како таа го краде уредот додавајќи дека има информации според кои таа сакала да го испрати компјутерот на пријател во Русија, кој потоа планирал да го продаде на руска разузнавачка служба.
Сепак, според сведокот, планот пропаднал од непознати причини, а Вилијамс или сè уште го поседува уредот или во меѓувреме го уништила.
Како што се наведува, целиот случај е сè уште под истрага, а Вилијамс не е уапсена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
90 проценти од Израелците примиле барем една доза вакцина или го прележале коронавирусот

Премиерот на Израел, Бенјамин Нетанјаху, денес објави дека Израел, Австрија и Данска ќе формираат заедничка основа за истражување, развој и евентуално производство на вакцини против Ковид-19.
„Ќе формираме заедничка фондација за истражување и развој и ќе разговараме за можноста за заеднички инвестиции во капацитети за производство на вакцини“, рече Нетанјаху на прес-конференција со данскиот премиер и австрискиот канцелар.
Австрија и Данска имаат спор со Европската Унија за доцнењето во набавката на вакцините, а владее и загриженост дека ќе бидат потребни нови вакцини за новите видови коронавирусот.
Нетанјаху објави дека 90 проценти од Израелците примиле барем една доза вакцина или го прележале вирусот.
Така, неговата земја стана лидер во вакцинацијата во светот, што ќе му користи на израелскиот лидер во кампањата пред парламентарните избори на 23 март, четврти избори за помалку од две години.
Свет
Шведска ја одобри вакцината на „Астразенека“ за луѓе над 65 години

Шведските здравствени власти денес ја проширија употребата на вакцината на „Астразенека“ за лица над 65 години, по новото британско истражување.
Досега Стокхолм не ја препорачуваше вакцината за луѓе над 65 години, повикувајќи се на недоволни научни податоци.
„Три големи студии во Велика Британија сега покажуваат дека вакцината на ‘Астразенека’ обезбедува добра заштита, дури и за лица над 80 години, и дека нејзиниот заштитен ефект може да се спореди со оној на другите одобрени вакцини“, се вели во соопштението.
И Белгија, Германија и Франција ја одобрија вакцината на „Астразенека“ за лица над 65 години.
Свет
Европската Унија блокираше пратка од вакцината на „Астразенека“ за Австралија

Европската комисија и Италија ја блокираа испораката на вакцината на „Астразенека“ во Австралија, бидејќи производителот не ги исполнил своите обврски од договорот склучен со Европската Унија, објави „Ројтерс“.
„Астразенека“ побарала дозвола од италијанските власти за извоз на 250.000 дози од фабриката Анагни близу Рим. Италијанската влада одби да ја одобри дозволата, а Европската комисија го поддржа тоа.
Со ова, Европската Унија првпат ја искористи можноста за забрана за извоз на вакцини против Ковид-19.
Во јануари блокот воспостави регистар за следење на извозот на вакцини среде спорот со британско-шведскиот производител за да следи дали лабораторијата ги исполнува своите договорни обврски кон ЕУ.
Овој механизам им овозможува на властите на одделни земји членки на ЕУ, во консултација со Европската комисија, да блокираат извоз до дестинација надвор од Европската Унија, ако блокот верува дека производителот не ги исполнил своите обврски кон ЕУ.
„Астразенека“ сè уште не ги доставила ветените дози до Европската Унија и ги намали планираните испораки од 80 на 40 милиони дози, оправдувајќи го ова намалување со потешкотии во производството.
Се сомневаше дека вакцините произведени во ЕУ се продаваат на земји надвор од блокот, поради што е воспоставен регистар за следење на извозот на вакцини.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер