Европа
Фон дер Лаен: Нова зора во САД со доаѓањето на Бајден

Претседателката на Европската комисија, Урсула фон дер Лаен, по повод инаугурацијата на Џозеф Бајден за нов претседател на САД, оценува дека ЕУ, по четири долги години, повторно има партнер во САД.
„Новата зора во Америка се чекаше долго време“, рече Фон дер Лаен.
Говорејќи пред Европскиот парламент, претседателоката на Европската комисија истакна дека САД се најстариот и најдоверливиот партнер на ЕУ и дека ЕУ и САД мора да работат заедно и да бидат лидери во светот.
Фон дер Лаен рече дека борбата против пандемијата на Ковид-19 е приоритетна заедничка борба и дека очекува САД, предводени од Бајден, да се вратат на Парискиот климатски договор.
„САД се враќаат, а ЕУ е подготвена да му верува на стариот партнер и да вдахне нов живот во надежта за скапоцено партнерство“, заклучи Фон дер Лаен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Скандал во Бундестагот: Пратеници оствариле профит од трговија со маски за време на ковид-кризата

Скандал ја тресе Германија. Пратеници од Бундестагот оствариле профит од трговија со заштитини маски на самиот почеток на пандемијата на коронавирус, пренесуваат германски медиуми.
Никола Либел, член на Бундестагот од редовите на Христијанско-демократската унија, денеска најави оставка и напуштање на политиката, откако било откриено дека неговата приватна компанија остварила профит од трговијата со заштитни маски.
Критики пристигнаа денес од опозициските партии, но и од неговите, бидејќи неговата приватна компанија заработила 250.000 евра со трговија со заштитни маски, објави АП.
Овој скандал предизвика остри критики и во државата Баден-Виртемберг, од каде потекнува законодавецот Либел. Сузан Ајзенман, партиска колешка на Либел и кандидат за претседател на покраинската влада, за неделникот „Шпигел“ изјави дека „е неприфатливо член на парламентот да се збогати за време на сериозна криза“.
Либел најави дека веднаш ќе го напушти парламентарниот клуб на неговата партија во Бундестагот и дека ќе се повлече од функцијата заменик и од членството во парламентарниот комитет за надворешни работи.
„ Преземам одговорност за она што го направив“, рече Либел.
„Дојче веле“ вчера објави дека неколкумина пратеници oд владејачката Германска христијанско-демократска унија (ЦДУ) се осомничени дека собрале стотици илјади евра за да лобираат за купување маски за одредени компании.
Федералниот пратеник на Баварската христијанска социјална унија (ЦСУ), сестринската партија на ЦДУ, Георг Нислејн, вчера поднесе оставка од функцијата заменик-шеф на парламентарната група и најави дека нема да учествува на следните избори.
Тој е осомничен дека зел 660.000 евра од консултантска компанија за да им помогне на одредени производители на заштитни маски да добијат големи владини налози.
Минатата недела Државното обвинителство во Минхен објави дека постои основано сомнение дека станува збор за примање мито, а биле извршени рации на дури тринаесет локации во Германија и Лихтенштајн.
Европа
Нови ограничувања во цела Италија

Во Италија, во последните 24 часа, имало 307 смртни случаи од коронавирус и повеќе од 23.000 нови инфекции, пренесува агенцијата „Анса“, наведувајќи дека ограничувањата се засилени.
Врз основа на препораката на владиниот научен и технички комитет, кој ги следи, анализира и предлага епидемиолошките мерки, се засилуваат рестриктивните мерки на целата национална територија.
Според декретот на Министерството за внатрешни работи, зајакнати се полициските контроли, особено во деловите на градовите каде граѓаните најмногу се собираат.
Единствениот од 20-те италијански региони каде епидемиолошката состојба е под контрола, Сардинија, воведе обврска за тестирање за сите оние кои доаѓаат на островот.
Во повеќето региони, часовите во сите училишта се онлајн, повторно се воведени ограничувања за продавниците за храна, каде што е дозволено влегување на еден член на семејството, ограничување на движењето во една општина и забрането е преминување на општинските граници.
Во северниот регион Ломбардија, кој води според бројот на заразени и починати од почетокот на пандемијата, воведена е состојба пред карантин.
Европа
Швајцарците гласаат за забрана за носење бурки

Швајцарските гласачи денеска на референдум одлучуваат за нацрт-законот за забрана за носење никаб и бурки што ги носат одредени муслиманки во таа земја, а има и гласање за забрана за носење ски маски и марами на лица за време на демонстрациите.
Анкетите покажуваат дека резултатите од гласањето ќе бидат неизвесни, објави АП.
Мерката ќе се однесува на покривање на лицето на јавни места како што се ресторани, спортски објекти, јавен превоз и одење по улица. Исклучок би биле верските згради или во случај на безбедносни и здравствени причини, бидејќи луѓето сега носат маски за да се заштитат од пандемија на Ковид-19.
Швајцарската влада се спротивставува на мерката и вели дека покривањето на лицето е „маргинално“ прашање.
Застапниците на законот велат дека носењето шамија ја симболизира репресијата врз жените и велат дека се потребни мерки за да се зачува принципот според кој треба да се прикажуваат лица во слободно општество како што е Швајцарија.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа2 недели
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер
- Економија3 недели
Сите брендови на Индитекс доаѓаат во „Ист гејт мол“