Uncategorized
Фон дер Лајен: ЕУ ќе воведе нови санкции кон Русија доколку Путин не ја прекине војната

Европската Унија е подготвена да усвои дополнителни санкции против Русија доколку претседателот Владимир Путин не ја запре војната во Украина, изјави претседателката на Европската комисија Урсула фон дер Лајен.
„Знаеме дека овој конфликт е далеку од завршен, и да бидеме многу јасни, подготвени сме да преземеме дополнителни драстични мерки доколку Путин не ја прекине војната што ја започна“, рече таа заедно со американскиот државен секретар Ентони Блинкен (Антони) во Брисел.
„Благодарение на оваа координација (со Соединетите Американски Држави), заедно дизајниравме, развивме и имплементиравме санкции во рекордно време. Санкции кои ја покажуваат нашата решеност да го принудиме Путин да ја плати цената за неговата војна. Овие мерки не ги преземаме лесно, но јасно е дека треба да дејствуваме“ – додаде таа.
Фон дер Лајен рече дека повеќе од 40 земји сега се „делумно или целосно“ во согласност со санкциите, велејќи дека тоа е „доказ за решеноста на глобалната заедница да ја отфрли оваа инвазија“.
UN Commission President Ursula von der Leyen says "Europe is seeing destruction and displacement on a scale not seen the darkest days of the last century".
Latest: https://t.co/X3flQUBL0r
? Sky 501, Virgin 602, Freeview 233 and YouTube pic.twitter.com/9NgHaysEsk
— Sky News (@SkyNews) March 4, 2022
Зборувајќи по неа, Блинкен ја пофали Европската Унија за нејзиниот одговор кон Русија, велејќи: „Оваа унија е силна, обединета и активна“.
„ Ако дозволиме да се прекршат овие принципи неказнето, тогаш ја отвораме Пандорината кутија, во секој агол на светот дека тоа се случува повторно и повторно и повторно“ – рече Блинкен, предупредувајќи дека војната во Украина „можеби не е завршена наскоро“ и дека САД и европските сојузници мора да го издржат силниот притисок врз Русија додека не заврши сè.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Елтон Џон за Мајкл Џексон: Тој беше ментално болен

Сер Елтон Џон во своите мемоари „Јас: Елтон Џон“ го нарече кралот на попот Мајкл Џексон ‘ментално болна, вознемирувачка личност’.
Автобиографијата на Џон е полна со шокантни откритија за неговиот живот во шоу-бизнисот, а во еден дел тој детално ја опишува неговата дружба со покојната контроверзна ѕвезда.
„Го познавам Мајкл уште кога имаше 13 или 14 години. Тој беше најслаткото дете што можете да го замислите. Но, во одреден момент во годините што следеа почна да се одвојува од светот и реалноста, нешто слично како Елвис Присли”, пишува Џон. Тој во своите мемоари зборува и за зависноста на Џексон од лекови против болки.
„Господ знае што се случуваше во неговата глава и Бог знае со какви лекови на рецепт го полнеа. Секогаш кога ќе го видев во неговите подоцнежни години си мислев дека кутриот тотално ги изгубил нервите. И не на лесен начин… Тој стана навистина ментално болен, делуваше вознемирувачки“, напиша легендарниот британски музичар.
Uncategorized
Манасков се врати во Вардар

Македонскиот репрезентативец Дејан Манасков е нов член на Вардар и по пауза од шест години повторно го облекува „црвено-црниот“ дрес. Вардар го засилува тимот со искусен играч на позицијата лево крило кој зад себе има настапи во неколку европски екипи и настапи на ЕП и СП со репрезентацијата на Македонија.
-Вардар добива брз, прецизен и искусен играч со големо меѓународно искуство со што екипата повторно гради силен, респектабилен и конкурентен тим и за сезонава. „Црвено-црните“ полека го градат тимот со кој и сезонава ќе атакуваат на двојната круна во домашното првенство се вели во известувањето од клубот.
Манасков во Скопје доаѓа по неколку сезони минати во унгарски Веспрем каде беше еден од најдобрите стрелци на клубот со над 540 голови на над 160 натпревари. Претходно настапуваше за екипите на Борец Велес, Металург, Вардар, Вецлар, Рајн Некар и на крајот во Веспрем.
Uncategorized
18 лица загинаа во рација на бразилската полиција во Рио де Жанеиро

Најмалку 18 лица се убиени во вториот по големина град во Бразил, Рио де Жанеиро, за време на голема полициска рација во сиромашна населба, соопшти државната воена полиција, цитирана од „Ројтерс“.
Оперативни тимови на цивилната и воената полиција на Рио де Жанеиро вчера извршија рација во комплексот Алемао, група фавели во северниот дел на градот, како дел од операцијата против организирана криминална група осомничена за повеќекратни кражби и грабежи на банки, како и што се однесува до планирањето напади врз сиромашните квартови, се вели во соопштението на воената полиција.
Во акцијата учествуваа околу 400 полицајци, четири авиони и 10 оклопни возила.
Поради големиот број загинати, оваа полициска акција поттикна истрага за можни прекршувања на човековите права, наведува британската агенција.
– Има знаци на големи прекршувања на човековите права и оправдано сомневање дека ова е една од операциите со најголем број смртни случаи во Рио де Жанеиро – се наведува во соопштението на државниот омбудсман.
Полициските сили на сојузната држава Рио редовно вршат вакви рации во сиромашните квартови на градот, насочени против криминални групи, во кои често има неколку мртви луѓе и бразилскиот претседател Жаир Болсонаро, кој ги поддржува таквите полициски тактики во борбата против организиран криминал, изјави претходно „дека се надева дека криминалците ќе умрат на улиците како лебарки“, според „Ројтерс“.