Регион
(Фото) Претепаната Британка во Сплит раскажува: Беше ужасно, нè заклучија во соба и почнаа да нè тепаат

Полицијата во Сплит потврди дека младата Британка била нападната за време на својот одмор во Сплит во хостелот во кој била сместена со своето момче. Од полицијата информираа дека на 31 минатиот месец добиле пријава по што веднаш биле испратени полициски екипи на самото место, по извршениот увид констатирано било дека девојката и нејзиното момче биле нападнати. По нападот, хостелот во кој биле сместени е затворен.
Британската студентка својата приказна ја раскажа и за британски „Дејли мејл“. „Добив удари со метална шипка“, раскажува 26-годишната Лаура Денмар, за „Дејли мејл“.
Со своето момче Џереми резервиравме сместување преку интернет, се одлучивме за хостелот бидејќи беше поевтино ноќевањето, раскажува Лаура и додава дека веднаш штом пристигнале ѝ станало јасно дека станарите не работат по закон.
Laura Denmar (pictured) was attacked in the Croatian resort of Split when she refused to pay more money for a hostel
The student playwright suffered a gash to the head, a fractured hand and bruising to the arms and bodyhttps://t.co/bp2tGmohdv— soldier of fortune (@tomas04464141) August 19, 2018
Лаура во својата изјава посочува дека кога пристигнале во хостелот и сакале да се пријават на рецепција, таа и нејзиното момче биле препратени во друг хостел да земат клучеви од собата. Откако конечно успеале да ги земат клучевите и се сместиле во својата соба, ги дочекало, вели таа, уште едно изненадување, во хостелот, кој имал околу 30-тина соби на број, имало само еден тоалет, а во хостелот немало ниту одговорни лица.
„Бидејќи немавме друг избор во моментот, а при тоа веќе и плативме за сместувањето, решивме да останеме. На последниот ден дојде една жена која ги чистеше собите и рече дека мораме или веднаш да ја напуштиме собата и да си одиме или да платиме уште пари. Ѝ реков дека нејзиното барање е неразумно и одбив да ѝ дадам повеќе пари, а таа на тоа ми одговори дека ќе повика полиција”, прераскажува Лаура за „Дејли мејл“.
Откако уште од првиот ден бев свесна дека тие работат незаконски, додава Лаура, ѝ реков дека слободно може да ја повика полицијата.
„Наместо полиција, жената повика некој маж, за кој мислам дека беше сопственикот. Се обидовме веднаш да излеземе од собата и да си одиме, но таа ни ја заклучи вратата и немавме излез. Мажот кој го повика дојде со уште еден човек и тие физички го нападнаа моето момче Џереми, додека жената со метална шипка почна да ме удира мене. Ужасно беше,“ раскажува претепаната девојка.
По нападот, Лаура заврши со скршеници на главата, скршена рака и модринки. Нападот освен во полицијата, таа и нејзиното момче го пријавиле и во Амбасадата на Британија, како и на интернет-страницата преку која го пронашле сместувањето.
Таа за крај на својата изјава посочи дека сака да ги предупреди сите туристи од целиот свет за внимаваат при резервирање на онлајн сместување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Дете се удави во базен во Загреб

Вчера во објект за изнајмување со базен, се удави дете, соопшти загрепската полиција.
Надлежните соопштија дека на детето му била укажана медицинска помош на местото на настанот а потоа и во Клиничкиот болнички центар во Загреб, каде што починало.
„За да се избегнат трагични настани и да се зголеми безбедноста на пливачите, ги потсетуваме граѓаните да користат добро одржувани места за пливање кои се под надзор на професионални служби.
Сакаме да ги предупредиме пливачите за потенцијалните опасности и да дадеме совети за тоа како да се однесуваат во местата за пливање. Затоа, за да избегнеме трагични сценарија, советуваме и предупредуваме:
не пливајте најмалку еден час по оброк – една од најчестите грешки што многумина од нас ги прават е влегувањето во вода по оброк,
не пливајте ако сте консумирале алкохол – консумирањето алкохол е еден од главните фактори на ризик за давење, како кај младите, така и кај возрасните,
една од вообичаените грешки што многумина од нас ги прават е тоа што по долг престој на сонце, влегуваме во водата за да се освежиме и разладиме. Секогаш треба постепено да влегувате во водата, давајќи му шанса на вашето тело да се подготви и да се адаптира, без разлика колку е топло морето или друга водена површина. Во спротивно, телото ќе доживее шок,
не скокајте во вода со непозната длабочина – можни се сериозни повреди,
ако не сте целосно здрави, не пливајте на затскриени места, а доколку страдате од некои хронични и сериозни болести, избегнувајте пливање на затскриени и небезбедни места; бидете во близина на луѓе, за да можат да ви помогнат доколку е потребно,
ако имате деца, постојано внимавајте на нив – родителите никогаш не треба целосно да се опуштат, дури ни кога пливаат; децата треба да бидат под постојан надзор и да се осигурат за нивната безбедност; меѓу луѓе и во толпи, децата лесно се губат, исто како што лесно можат да се удават во плитка вода; исто така, никогаш не сметајте на постаро дете само да се грижи за помлад брат или сестра; безбедноста на детето е ваша одговорност, надгледувајте ги вашите деца, дури и ако знаат да пливаат,
запомнете дека пливањето во свежа вода е понапорно од пливањето во море (грижете се за ова) и водата често може да биде поматна, па затоа децата потешко ја перцепираат длабочината,
непливачите или послабите пливачи дефинитивно треба да користат помагала за пливање,
избегнувајте пливање сами,
пливајте во близина на спасувачи и следете ги упатствата и знаците на спасувачите
доколку се појават проблеми, останете смирени, доколку забележите некого во неволја во водата, веднаш пружете или побарајте помош и јавете се на надлежните служби.
Реките се најопасни бидејќи течат, често имаат вртлози, потоа се сечат и често го менуваат текот.
Езерото има ненадејни промени во длабочината и температурата, односно температурата во езерото е потопла на површината и постудена на длабочина. Голем проблем за пливачите понекогаш е вегетацијата во која се заплеткуваат, а поради паниката што може да се појави, можат да се удават“, објави полицијата.
Регион
Борисов: Бугарија ќе се вклучи во процесот на обнова на Украина

Бугарија ќе се приклучи на процесот на обнова на Украина. Ова го изјави лидерот на ГЕРБ, Бојко Борисов, на средба со амбасадорот на Украина во Бугарија, Олесја Илашчук.
Лидерот на ГЕРБ ја прогласи способноста на Бугарија да придонесе во сектори, како што се енергетиката, трговијата и инфраструктурата.
„Разговаравме и за развојот на воените операции на територијата на Украина. Украина има категорична поддршка од Бугарија за нејзината европска перспектива“, изјави Бојко Борисов.
Регион
(Видео) Таксист се залета со возилото во демонстранти во Смедерево

Додека граѓаните мирно преминувале пешачки премин во Смедерево, возач на такси налетал на луѓе.
Smederevo, taksi nosi coveka na haubi. Tablice: Sd 0814 tx pic.twitter.com/8rAciLoxVe
— Petar Petrovic (@tombomn) July 4, 2025
Притоа еден граѓанин бил собран од возилото и се возел на хаубата околу 200 метри, јавува репортер на Н1.
Од утрово продолжуваат блокадите низ цела Србија, а неколку студенти беа уапсени на ливада пред Факултетот за драмски уметности во Белград.
Исто така беше приведен и граѓанин во Крагуевац кој одбил да даде документи за идентификација на српската полиција.