Новите сателитски снимки и снимките од нападот со дронови покажуваат сериозни оштетувања на руските авиони во неколку воздухопловни бази за време на ненадејниот украински напад во неделата, јавува Би-би-си.

High-resolution satellite images of Russian airbase in Olenegorsk, Murmansk region https://t.co/qcDnnhq8bi pic.twitter.com/JHeGmsnAaH

— Special Kherson Cat 🐈🇺🇦 (@bayraktar_1love) June 4, 2025

Снимките од две воздухопловни бази во северозападна и централна Русија направени вчера наутро покажуваат дека 12 авиони се оштетени или уништени.

Видео објавено вчера од страна на Службата за безбедност на Украина (SBU) ги прикажува нападите врз двете бази, како и две други цели.

The SBU has released new footage from the special operation “Spiderweb,” which reportedly resulted in the destruction of 41 Russian strategic military aircraft. https://t.co/6HIAPoCkda pic.twitter.com/GxI2MoxquH

— NEXTA (@nexta_tv) June 4, 2025

Украина вели дека во операцијата таргетирала 41 стратешки бомбардер и дека „најмалку“ 13 биле уништени. Безбедносните претставници велат дека нападот се подготвувал 18 месеци и дека многу од дроновите биле шверцувани на руска територија.

Видеото на СБУ е долго речиси пет минути и е компилација од монтирани снимки од беспилотни летала од нападите врз воздухопловните бази Олења, Иваново, Дјагилево и Белаја.

Во секој кадар, емитувањето се прекинува пред експлозијата, но во некои, во позадина се гледаат други авиони, зафатени од пламен. Нема индикации дека руските сили се обиделе да ги одбранат базите, дури и кога нападот веќе бил во тек.

Севернокорејскиот лидер Ким Џонг Ун се сретна со секретарот на рускиот Совет за безбедност Сергеј Шојгу во вторникот, објави државната агенција КЦНА.

Според Ројтерс, Ким ветил безусловна поддршка за ставот на Русија за Украина и други меѓународни прашања, според извештајот објавен денес.

„Ким Џонг Ун потврди дека владата на Демократска Народна Република Кореја ќе продолжи безусловно да ја поддржува ставот и надворешната политика на Русија“, се вели во извештајот, користејќи го официјалното име на Северна Кореја.

Ким наводно рекол дека Северна Кореја одговорно ќе ги почитува условите од договорот меѓу двете земји.

Двајцата претставници разговарале и за зајакнување на сеопфатното стратешко партнерство и меѓусебната соработка во различни области.

Договорот беше потпишан за време на посетата на рускиот претседател Владимир Путин на Пјонгјанг минатата година и неговата средба со севернокорејскиот лидер Ким, и вклучува договор за меѓусебна одбрана што предвидува итна воена помош доколку која било страна биде подложена на вооружена агресија.

Американскиот претседател Доналд Трамп објави дека го суспендира приемот на странски студенти на Харвард за шест месеци, наведувајќи ги загриженоста за националната безбедност и велејќи дека дозволувањето на таков прием е „штетно за интересите на Соединетите Американски Држави“.

Одлуката на Трамп доаѓа по месеци конфликт меѓу Белата куќа и еден од најпрестижните универзитети во Америка. Харвард претходно одби да ги исполни барањата на администрацијата за откривање информации за странски студенти, што резултираше со суспензија на федералното финансирање.

Во најновото соопштение, Трамп го обвинува Харвард дека има „широки врски со странски земји“ и дека „ги крши граѓанските права на своите студенти и професори“.

Во извршната наредба се наведува:

„Утврдено е дека е потребно да се ограничи приемот на странски државјани кои доаѓаат во Соединетите Американски Држави единствено или првенствено за да студираат на Харвард“.

Покрај забраната за нови приеми, наредбата го повикува државниот секретар да размисли за одземање на визите што веќе им се издадени на студентите што веќе посетуваат Харвард, а забраната може да се продолжи и по почетниот шестмесечен период.

Од Харвард изјавија за Ројтерс дека станува збор за: „Уште еден нелегален и одмаздољубив потег на администрацијата што го крши правото на слобода на говор“.

Универзитетот вели дека ќе продолжи да ги штити своите меѓународни студенти и да се бори против притисокот од Белата куќа. Моментално, речиси 7.000 меѓународни студенти сочинуваат 27 проценти од студентското тело на Харвард.