Русија регистрираше повеќе од 1.000 смртни случаи од коронавирус за 24 часа, првпат од почетокот на пандемијата.

Дневниот број на жртви од Ковид-19 се зголемува во последните шест дена и достигна 1.002 лица во последните 24 часа.

Бројот на дневни случаи, исто така, постави нов рекорд, со 32.196 заразени.

Москва сѐ уште е најтешко погодената област во земјата, со 6.545 нови случаи на коронавирус, а потоа следи Санкт Петербург со 3.088.

До петокот, 45,3 милиони луѓе, или 31 проценти од вкупното население во Русија, биле целосно вакцинирани против коронавирусот.

Уште 250.000 дози вакцини „Спутник В“ пристигнаа синоќа во Србија, и тие веднаш беа транспортирани до Институтот Торлак, изјави Ненад Поповиќ, министер во српската влада и претседател на Меѓувладиниот комитет за соработка со Русија.

„Вакцините беа доставени во Србија од фабриката Генериум во Владимирскиот регион“, рече Поповиќ.

Тој посочи дека руската вакцина „Спутник В“ има потврдена ефикасност од над 97 проценти.

„’Спутник В’ е одлична и како ‘бустер’ вакцина, односно како трета доза од вакцината за граѓаните кои претходно примиле две дози од која било вакцина“, рече министерот Поповиќ.

Според него, вакцините ќе бидат дистрибуирани до центрите за вакцинација низ Србија што е можно поскоро.

Руските актерка и режисер кои поминаа 12 дена на Меѓународната вселенска станица (ИСС) за да го снимат првиот филм во вселената, утрово се вратија на Земјата.

Вселенското летало „Сојуз МС-18“ со Јулија Пересилд, Клим Чипенко и космонаутот Олег Новицки слета во Казакхстан точно во предвиденото време, 4,36 часот наутро.

Возвращение на Землю киноэкипажа в составе космонавта @novitskiy_iss, актрисы Юлии Пересильд и режиссера Клима Шипенко 🧑‍🚀🌍

🎥 Давайте вспомним основные моменты первой половины сегодняшнего дня: закрытие люков, расстыковка, посадка и первая встреча с Землей! pic.twitter.com/GXbBzmHv0W

— РОСКОСМОС (@roscosmos) October 17, 2021

Руската вселенска агенција Роскосмос објави на „Твитер“ дека спуштањето е успешно и дека тимот се чувствува добро.

Космонаутот и филмското дуо го снимаа првиот филм во вселената. Филмот е со привремен наслов „Предизвик“ и прикажува хирург (ЈулијаПересилд) кој патува на ИСС за да спаси живот на еден астронаут.