Свет
ЦИА предупредува: Во овие сценарија имаше 50 отсто шанси Путин да употреби нуклеарно оружје
![](https://makfax.com.mk/wp-content/uploads/2024/03/12079375-e1710145414248-1000x560-1.jpg)
Во 2022 година ЦИА го предупреди американскиот претседател Џо Бајден дека има 50 отсто или повеќе шанси Русија да прибегне кон нуклеарно оружје доколку открие дека нејзините сили се десеткувани и дека незаконски анектираната територија на Крим е во опасност, пишува „Њујорк тајмс“.
Токму поради оваа причина тој го одржа говорот „Армагедон“ на 6 октомври 2022 година во Њујорк. „Не сме се соочиле со можноста за Армагедон уште од Кенеди и кубанската ракетна криза“, предупреди тој тогаш, според „Њујорк пост“.
Во таа пригода Бајден предупреди дека рускиот лидер Владимир Путин е сериозен кога зборува за нуклеарен напад.
„Тој не се шегува кога зборува за потенцијална употреба на тактичко нуклеарно оружје или биолошко или хемиско оружје бидејќи неговата војска, може да се каже, очајно потфрли“, рече Бајден.
Откако Русија почна целосна инвазија на Украина во февруари 2022 година, американските разузнавачи првично рекоа дека нема докази дека Русија планира да користи оружје за масовно уништување.
Меѓутоа, откако Украина изврши контранапад и почна да го потиснува рускиот напредок, ЦИА предупреди дека ги пресретнала сите дискусии на руските сили за можноста за употреба на тактичко нуклеарно оружје од помал обем.
Поранешниот претседател на Здружениот генералштаб, генерал Марк Мајли, ја нарече ситуацијата нуклеарен парадокс за САД. „Колку Украинците се поуспешни против руските сили толку е поголема веројатноста дека Путин ќе се закани дека ќе ја користи бомбата или всушност ќе ја употреби“.
Високи претставници на администрацијата на Бајден му рекоа на новинарот на Си-ен-ен, Џим Шиут, дека тимот на Бајден ригорозно се подготвува за можен руски нуклеарен напад врз Украина.
Висок функционер наводно рекол дека Советот за национална безбедност се состанал за да разговара за тоа како САД ќе одговорат на рускиот нуклеарен напад и како тој би можел да биде спречен.
Сега кога се чини дека Русија има предност на бојното поле, американското разузнавање повеќе не верува дека постои непосредна закана од нуклеарен напад, пишува „Тајмс“.
Сепак, Путин не ја исклучи можноста да го искористи своето огромно нуклеарно оружје. „Западните земји мора да разберат дека имаме и оружје што може да погоди цели на нивна територија. Сето ова се заканува да предизвика конфликт со нуклеарно оружје и уништување на цивилизацијата. Зарем тие не го разбираат тоа?!“, рече Путин во своето обраќање до нацијата, пренесува „Н1“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.