Новинарот Џеф Мејсон го испровоцира Доналд Трамп со прашањето дали ќе го признае Џо Бајден за претседател.

„Ќе биде тешко да се признае неговата победа, бидејќи имаше огромна измама. Ќе видиме колку брзо ќе се одвива промената на администрацијата, бидејќи времето не е на наша страна. Сè друго е. Факт е огромната измама што се случи. Тоа не смее да се случи во ваква земја”, рече Трамп.

Потоа репортерот влезе во вербална дискусија и во еден момент, Трамп ја изгуби смиреноста и му рече: „Јас сум претседател на Америка, никогаш повеќе не разговарај со претседателот така“, по што повика на прашање од друг новинар.

Германскиот парламент, Бундестагот, изгласа закон за забрана на пластични кеси на мало од 2022 година, со тоа што тенки пластични кеси за пакување овошје и зеленчук сепак да бидат дозволени.

Забраната се однесува на пластични кеси со дебелина од 15 до 50 микрометри, кои се стандардни во малопродажбатата.

„Пластичната кеса е синоним за непотребно трошење на ресурси“, рече германската министерка за животна средина. Таа рече дека платнените вреќи, корпи и пластични кутии кои можат да се користат повеќепати се „добра алтернатива“ на пластичните кеси.

Еколошката организација WWF ја поздрави забраната за пластични кеси, но истовремено рече дека таа има „само симболична тежина“.

„Помалку од еден процент од потрошувачката на пластика во Германија отпаѓа на пластичните кеси“, се вели во соопштението на WWF.

Партијата на зелените исто така го поддржа законот во парламентот, но смета дека трендот на употреба на пакување за еднократна употреба не е запрен.

Опозициските партии Алтернатива за Германија и Либералдемократската партија гласаа против законот затоа што сметаат дека тоа е нефер мерка за германската малопродажба, без видлив ефект врз животната средина, образложувајќи дека тоа се однесува само на германската трговија, додека другите земји на ЕУ не се засегнати од тие законски мерки.

Пратеникот на АфД, Андреас Блек, посочи дека договорот меѓу малопродажбата и федералната влада за намалување на употребата на пластични кеси, постигнат пред две години, донел резултати и ја намалил употребата на кеси за две третини.

„Законот за забрана на пластични кеси е најбезсмислената еколошка забрана за овој изборен период“, рече Блек.

Во последните две години, огромното мнозинство од ланците на маркети целосно ги исфрлија од употреба пластичните кеси.

Началникот на Генералштабот на иранската армија, генерал Мохамад Багери, предупреди денеска дека страшна одмазда ги чека луѓето кои стојат зад атентатот на високиот ирански научник специјализиран во нуклеарниот сектор.

„Одговорните терористички групи и извршителите на тој кукавички чин треба да знаат дека ги чека страшна одмазда“, напиша Багери во порака на Твитер, пренесе иранската државна новинска агенција Ирна.

Тој ја нарече смртта на научникот Мохсен Фахризадех „горчлив и тежок удар“ и рече дека Иранците нема да мируваат се додека не ги пронајдат и казнат луѓето вмешани во неговото убиство.

Денес беше официјално објавено дека е убиен шефот на одделот за истражување и иновации во Министерството за одбрана, Мохсен Фахризадех.

Тој бил сериозно ранет кога неколку напаѓачи пукале кон неговото возило, а имало престрелка со безбедносниот тим кој го штител научникот, објави претходно Министерството за одбрана, наведувајќи дека лекарите не успеале да го спасат.