Контакт

Свет

Јапонија и Австралија ги јакнат воените врски

Објавено пред

Јапонскиот премиер Шинзо Абе во саботата во Сиднеј со австралискиот колега Маколм Тарнбал разговараше за јакнењето на воените врски и регионалната безбедност и двајцата изразија приврзаност на Транспацифичкото партнерство (TTP), договорот за слободна трговија кој новоизбраниот американски претседател Доналд Трамп го доведува во прашање.

Јапонскиот премиер Шинзо Абе во Сиднеј пристигна во петокот вечерта во рамите на турнејата по четирите земји од азиско-пацифичкиот регион со кои Јапонија сака да ги зајакне односите.

По средбата, двајцата челници изјавија дека сакаат „посилна соработка“ во областа на регионалната безбедност вклучително и во Јужно-Кинеското Море и Северна Кореја.

Абе додаде дека двајцата се доследни на продолжувањето на работата на Транспацифичкиот договор (ТТР) од што Трамп сака да се откаже.

„Во економската сфера, се согласивме за повторно би требало да ја покажеме важноста од слободната трговија“, порача јапонскиот премиер.

Двајцата челници договорија договор за соработка во областа на одбраната којашто на Австралија првпат ќе овозможи одржување заеднички воени вежби и посети, во рамките на договорот ој би требало да биде потпишан до крајот на годината.

Двете земји потпишаа и меморандум за разбирање во областа на спортот, пред Олимпијадата во Токио во 2020 година.

Во 2016 година Јапонија и Австралија потпишаа договор за економско партнерство, кој овозможува повеќе од 97 отсто од австралиските производи да се увезуваат во Јапонија без царини, а новата намалена царина се очекува и оваа година,

Абе ќе ја напушти Австралија во неделата и турнејата ќе ја продолжи со посетите на Индонезија и Виетнам./крај/мф/сн

Свет

Бајден и Макрон телефонски ќе разговараат за спорот околу подморниците

Објавено пред

Францускиот претседател, Емануел Макрон и неговиот американски колега, Џо Бајден, во наредните денови ќе разговараат телефонски за неуспешниот договор за подморници, објавија француските власти по ненадејниот раскол меѓу Франција од една страна и САД, Велика Британија и Австралија од друга.

Австралискиот премиер, Скот Морисон, денеска изјави дека го разбира разочарувањето на Франција што Канбера го откажа договорот за купување француски подморници во корист на сојузот со САД и Велика Британија, но нагласи дека Австралија треба да ги заштити своите интереси.

„Претседателот Бајден побара разговор со францускиот претседател Емануел Макрон и тој ќе се одржи во наредните денови“, изјави портпаролот на француската влада, Габриел Атал.

Австралија, Велика Британија и САД во средата објавија формирање на трилатерална безбедносна алијанса АУКУС за зајакнување на одбранбената соработка во Индо-Пацификот, која предвидува флота од нуклеарни подморници што Австралија ќе ги изгради со американска помош.

Поради таа одлука, Канбера се откажа од договор вреден 40 милијарди долари со француска компанија која требаше да изгради флота од подморници, на што Париз жестоко реагираше и ги повлече своите амбасадори од САД и Австралија.

„Сакаме објаснувања за нешто што изгледа како изиграна доверба и сакаме да знаеме како тие имаат намера да излезат од овој договор“, рече Атал за БФМТВ.

Новата британска министерка за надворешни работи, Лиз Трус, која ја презеде функцијата среде голем дипломатски спор и по реконструкција на владата, го бранеше новиот сојуз во неделното издание на „Телеграф“.

„Слободите мора да се бранат. Ние градиме силни безбедносни врски низ целиот свет“, посочи Трус.

„Освен нуклеарните подморници, воената употреба на вештачка интелигенција треба да се прошири со Австралија и Соединетите американски држави“, додаде таа.

Но, Франција гледа на новиот сојуз не само во светлината на загубата на договорот вреден повеќе милијарди долари, туку и како товар за НАТО и предизвик за ЕУ.

„Исто така, мора да ја доведете во прашање и силата на сојузот со САД“, изјави францускиот министер за надворешни работи, Жан-Ив Ле Дријан, во саботата навечер.

„Во вистински сојуз, луѓето разговараат едни со други и се почитуваат, но тоа не е случај овде“, рече Ле Дријан, кој предупреди дека има сериозна криза меѓу двете земји, но и со Австралија, додавајќи дека во еден сојуз нема простор за лицемерие презир и лаги.

Експертите веруваат дека на Австралија ќе ѝ требаат 10 до 20 години за изградба на подморници бидејќи земјата нема соодветна инфраструктура за нуклеарна технологија, како и нуклеарни експерти.

Прикажи повеќе...

Европа

(Видео) Актерот Жерар Депардје гласаше на руските избори во амбасадата во Париз

Објавено пред

Француската филмска ѕвезда Жерар Депардје, кој има и руски пасош, гласаше на руските парламентарни избори во амбасадата на Русија во Париз.

„Гласав затоа што тоа е моја должност. Се восхитувам на Русија, се восхитувам на рускиот претседател Владимир Путин“, рече актерот пред новинарите, а пренесе агенцијата ТАСС.

Депардје изјави дека ретко гласал во Франција, но дека гласа за Русија.

„Верувам дека има демократија во Русија“, посочи тој.

Актерот додаде дека често оди во Русија и планира таму да отпатува во март.

Во Франција, парламентарните избори во Русија се одржуваат во амбасадата во Париз, како и во руските конзулати во Стразбур и Марсеј и во Вилфранш сур Мер.

Прикажи повеќе...

Свет

Три европски земји ги укинуваат сите ковид-мерки, за таквиот чекор клучни се две нешта

Објавено пред

Данска, Шведска и Холандија ги укинуваат практично сите мерки во борбата против пандемијата на коронавирус. Стапките на вакцинација се релативно високи во трите земји, но и довербата во владините политики е исто така висока. Во овие земји постои надеж дека слободното движење на граѓаните ќе доведе до уште повисока стапка на вакцинација.

Во некои европски земји, враќањето на стариот начин на живот, односно слободното движење и излегување како и пред пандемијата, веќе не е само сон.

Вакцинираните граѓани во Холандија ќе можат да танцуваат во преполни ноќни клубови од следната сабота (25 септември) без да мора да држат растојание. Наместо да се придржуваат до одредени мерки, тие на влезот ќе треба да приложат само ковид сертификат.

Минатата недела, Данска ги укина сите ограничувања и со тоа стана првата земја од ЕУ што се врати во „нормала“. На граѓаните не им требаат маски или доказ за вакцинација за да одат на концерт или во вежбалница. Кон крајот на август, министерот за здравство рече дека коронавирусот веќе не се смета за социјално критична болест.

На овие две земји им се придружува и Шведска, која и онака имаше најблаги мерки за време на пандемијата. Кон крајот на месецов, ќе бидат укинати ограничувањата за јавни и приватни собири, како и препораката за работа од дома.

Но, оние што ќе патуваат во овие три земји и натаму ќе треба да бидат тестирани и ставени во карантин доколку не се вакцинирани.

Солидна стапка на вакцинација

Според оксфордската база на податоци Our World in Data, три четвртини од вкупното население во Данска се вакцинирани со две дози. Од поголемите земји во ЕУ, само Португалија и Шпанија се пред нив.

Во Холандија и Шведска, околу 63 проценти од сите жители се вакцинирани.

„Меѓу најранливите категории на пациенти и граѓани, стапката на вакцинација е девет од десет такви случаи“, изјави Алан Рандруп Томсен, виролог на Универзитетот во Копенхаген.

Во Холандија, министерот за здравство Хуго де Јонг верува дека враќањето на претходните слободи, под услов на вакцинација, ќе мотивира многу повеќе луѓе да се вакцинираат.

Претседателот на здружението на општи лекари, Андреас Гасен, бараше нешто слично во Германија. Тој ги повика властите да го прогласат 30 октомври за Ден на слободата, кога сите мерки ќе бидат укинати.

„Се обложувам дека на крајот на октомври ќе ја надминеме стапката на вакцинација од 70 проценти, бидејќи многу луѓе ќе побрзаат да ја прифатат таа понуда“, рече Гасен. Неговите зборови не беа прифатени со голем ентузијазам.

Податоците од Европскиот центар за контрола на заразни болести покажуваат дека делта варијантата на вирусот хара особено во земјите каде стапката на вакцинација е ниска, иако не само таму.

Во Австрија и Норвешка, бројот на заразени расте и покрај сличните стапки на вакцинација како и во земјите што сега ги укинуваат мерките.

Доверба во властите

На крајот на мај, Данска го претстави својот ковид-пасош во форма на апликација или печатен QR-код. На други места, ваквите владини планови доведоа до масовни протести, како што беше во Франција, Италија и Грција.

Експертите велат дека во Шведска, Данска и Холандија постои огромно ниво на доверба во владините политики и дека тоа прави разлика.

„Имавме голема програма за тестирање што ни овозможи да ја следиме состојбата многу локално, така што имавме локални заклучувања кои беа многу ефикасни“, вели Камила Холтен Молер, епидемиолог од Државниот институт за серуми во Копенхаген.

Таа објаснува дека успеале да го сторат тоа бидејќи Данците едноставно историски имаат голема доверба во здравствените власти и програмите за вакцинација.

Овие земји сега го разгледуваат бројот на хоспитализации, а не бројот на нови инфекции, бидејќи вакцинираните луѓе, кога ќе се заразат, обично поминуваат со благи или без симптоми.

Сепак, укинувањето на сите мерки е потег на кој повеќето европски земји и натаму не се осмелуваат.

Прикажи повеќе...

Најново

Македонија52 минути

23 починати и 365 нови случаи на Ковид-19

Од Министерството за здравство информираат дека во последните 24 часа направени се 4.015 тестирања, а регистрирани се 365 нови случаи...

Македонија2 часа

Маричиќ: Над милион попишани граѓани, влегуваме во последната фаза

Откако Државниот завод за статистика извести дека денеска се попишани над милион граѓани, министерот за правда Бојан Маричиќ, преку социјалните...

Свет3 часа

Три европски земји ги укинуваат сите ковид-мерки, за таквиот чекор клучни се две нешта

Данска, Шведска и Холандија ги укинуваат практично сите мерки во борбата против пандемијата на коронавирус. Стапките на вакцинација се релативно...

Македонија3 часа

Изминатава недела Македонија е прва во Европа според бројот на починати од Ковид-19 на милион жители

Според бројот на смртни случаи минатата седмица, Гренада е повторно на прво место во светот со 212 смртни случаи на...

Македонија6 часа

Започна уривањето на старата конструкција на Универзална сала

Универзална сала започнува да го добива своето ново лице, сподели градоначалникот на Скопје, Петре Шилегов на својот Фејсбук профил. Според...

Македонија8 часа

Со хебла оштетена таблата за електрична енергија во модуларната болница во Прилеп

Општа болница Прилеп до Министерството за внатрешни работи синоќа пријави случај на физичко оштетување на таблата за електрична енергија од...

Топ9 часа

Приведен сопственикот на угостителски објект во Гостивар кој примал гости без сертификат за вакцинација

Гости без сертификат за вакцинација биле затекнати во угостителски објект во Гостивар а по реакција на полицијата објектот бил затворен...

Свет10 часа

Париз за потегот на САД и Австралија – лицемерие, презир, лаги

Лицемерие, презир, лаги, се зборовите што ги користи францускиот министер за надворешни работи за да ја опише кризата во односите...

Свет11 час

Светските лидери среде пандемија во Њујорк и покрај противењето на Американците

Светските лидери се собираат во Њујорк од вторник на дебата на Генералното собрание на Обединетите нации, која ќе се фокусира...

Европа11 час

Италијанците следната година излегуваат на референдум за легализација на марихуаната

Референдум за легализација на марихуаната најверојатно ќе се одржи во Италија следната година. Поддржувачите за легализација на марихуаната ги собраа...

Свет11 час

Русите на гласање на последниот ден од парламентарните избори

Недела е последен ден за гласање на Русите на тридневните парламентарни избори во земјата. Околу 110 милиони луѓе имаат право...

Македонија23 часа

41 починато лице, регистрирани 539 нови случаи на Ковид-19

Министерството за здравство информира, дека во последните 24 часа се направени 5.589 тестирање, а регистрирани се 539 нови случаи на...

Топ1 ден

Осумдневен притвор за пет лица од вчерашните протести во Тетово

Судијата на претходна постапка при Основниот суд Тетово им определил осумдневен притвор на петмината приведени по вчерашните протести во Тетово....

Свет1 ден

Експертите во САД против трета доза на вакцина за севкупната популација

Советодавниот одбор на Американската администрација за храна и лекови (ФДА) денеска го отфрли планот да понуди дополнителна, трета доза на...

Македонија1 ден

Османи формира работна група за укинување на визите со САД

Министерот за надворешни работи Бујар Османи, на неговиот Фејсбук профил информира дека формирал работна група во рамки на Министерството за...

Македонија1 ден

Шилегов: Се урива првата од трите галии во Вардар

Градоначалникот на Скопје Петре Шилегов денес на својот Фејсбук профил објави фотографии од демонтирањето на галијата која е поставена во...

Свет1 ден

Американски милијардер случајно признал убиство, му се заканува доживотен затвор

Американскиот милијардер Роберт Дурст вчера беше прогласен за виновен пред судот во Лос Анџелес за убиство на неговата најдобра пријателка...

Топ1 ден

Жител на Сарај уапсен поради кражба на графички картички и струја за „копање“ на биткоини

Во скопското село Љубин, вчера околу 19.30 часот, единицата за интервентна полиција при СВР Скопје го уапсила 39-годишниот Е.А. Како...

Свет1 ден

Американската војска призна: Во нашиот напад со дрон во Кабул загинаа 10 цивили

Американската војска во петокот потврди дека нејзиниот последен напад во Кабул кон крајот на август, во кој загинаа десет цивили,...

Македонија2 дена

Заев: Со Бугарија ќе бараме европско решение за двојна победа

Актуелниот момент поврзан со членството на Северна Македонија во ЕУ и состојбите во регионот беа главна тема на средбата на...

Досие