Свет
Авионите „мираж“ пристигнаа во Украина: нова сила во борбата против рускиот штаб

Првата серија борбени авиони Dassault Mirage 2000-5, некогаш дел од француските воздухопловни сили, пристигнаа во Украина. Овие авиони се модифицирани за да носат крстосувачки ракети SCALP-EG, кои Франција и ги доставила на Украина, објави „Форбс Хрватска“.
Пристигнувањето на овие авиони претставува значително засилување за украинските воздухопловни сили во време кога нивните способности за длабок удар се клучни. Украинските воздухопловни сили ги гаѓаат руските командни пунктови, настојувајќи да ја нарушат координацијата на непријателските единици на фронтот и да им дадат поддршка на војниците на теренот.
Францускиот претседател Емануел Макрон и вети на Украина вишок од овие авиони уште во јуни минатата година. Украинските пилоти и техничари во меѓувреме поминаа забрзана обука во Франција, а сега првите три авиони се подготвени за акција. „Сега ќе учествуваат во одбраната на украинското небо“, изјави францускиот министер за одбрана Себастиен Лекорну.
Авионите „Мираж“ се придружуваат на растечката флота на западни борбени авиони во Украина, вклучувајќи ги и поранешните европски Lockheed Martin F-16. Овие авиони се наменети да ги заменат загубите на украинската авијација, која досега главно користеше советски авиони од складиштето или преостанатите од претходните конфликти. За време на војната, Украина загуби околу 100 советски авиони од руски ракети, а дополнителни 85 F-16 и потенцијално 12 или повеќе Mirage 2000 ќе помогнат да се зачува воздушната борбена моќ, пишува „Форбс Хрватска“.
Ф-16-овите, вклучително и десетина испорачани од Данска и Холандија, главно се ангажирани во противвоздушни мисии, насочени кон руски беспилотни летала и крстосувачки ракети кои ги погодуваат украинските градови.
За разлика од Ф-16, авионите „Мираж“ се специјално прилагодени за напади на копнени цели. Французите го модифицираа Mirage 2000-5 за да може да носи не само ракети SCALP-EG, туку и бомби со глајд „Hammer“. Ракетите SCALP-EG имаат дострел до 250 километри и боеви глави од 1.300 килограми, што ги прави клучни за уништување руски командни центри и други стратешки цели.
Ефективноста на авионот „Мираж“ ќе зависи од достапноста на квалитетна муниција. Не е познато колку проектили SCALP-EG доби Украина од Франција и Италија, но се проценува дека станува збор за околу сто проектили. Франција работи на зголемување на производството и планира да произведе нова серија ракети SCALP-EG, од кои некои би можеле да завршат во Украина. „Да, продолжуваме со испораките на ракетите SCALP“, потврди францускиот амбасадор во Украина Гаел Алер.
Паралелно, Украина развива своја муниција за длабок удар, која во моментов се тестира на стари советски авиони како Сухој Су-24. Во иднина оваа муниција би можела да се користи и на авионите „Мираж“, што би овозможило нивно распоредување дури и во случај на исцрпување на залихите на ракетите SCALP-EG.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Стармер: Путин го саботира мирот, зградата на Британскиот совет во Киев беше бомбардирана

Британскиот премиер Кир Стармер го обвини рускиот претседател Владимир Путин дека „го саботира мирот“ откако руските сили испукаа две ракети кон зградата на Британскиот совет во Киев утрово.
Премиерот потврди дека канцелариите на Британскиот совет биле погодени и додаде дека сочувствува со „сите погодени од бесмислените руски напади врз Киев“.
„Путин убива деца и цивили и ги саботира надежите за мир. Ова крвопролевање мора да заврши“, напиша Стармер на платформата X.
Британскиот совет, кој нуди програми на англиски јазик за Украинците во главниот град, соопшти дека неговите канцеларии се „сериозно оштетени“ и дека еден ноќен чувар е повреден. Во јуни, Москва им забрани на граѓаните да работат со институцијата, тврдејќи дека тоа е параван за британски шпиони.
Зградата во која се наоѓа делегацијата на Европската Унија во Киев, исто така, беше тешко оштетена во нападите, според официјални лица на ЕУ, кои го нарекоа нападот „намерен“.
Русија испали вкупно 629 дронови и 31 ракета, при што загинаа најмалку 15 лица, вклучувајќи четири деца, јавуваат светските медиуми.
Русија тврди дека во синоќешните напади гаѓала воени објекти користејќи хиперсонични ракети.
Фото: принтскрин
Регион
15-годишно девојче загина по удар од автобус во Земун, повредени се неколку лица

15-годишно девојче загина денеска во сообраќајна несреќа во Земун, додека четири лица се пренесени во болница, меѓу кои бремена жена и шестгодишно дете, пишуваат медиумите во регионот.
Девојчето што починало било удрено од автобус, по што се судриле три патнички возила, според Танјуг.
Според сведоците, жена трчала преку улицата, а возачот на автобусот се обидел да ја избегне, па всушност преминал на тротоарот, каде што го удрил детето.
И јавното комунално претпријатие GSP се огласи по повод тешката сообраќајна несреќа во Земун во која девојче (15) почина кога беше удрено од автобус а неколку лица беа повредени, стои во написите на српските медиуми.
„Денес околу 12:20 часот, на улицата Цар Душан на број 136, се случи тешка сообраќајна несреќа со смртоносен исход и неколку полесни повреди. Во оваа несреќа учествуваа неколку патнички возила и автобус од линија 18 што ја напушти гаражата и се упати кон терминалот за да се вклучи во сообраќајот. Околностите под кои се случи оваа сообраќајна несреќа се уште се непознати и полицијата работи на нивно утврдување“, изјави GSP.
Како што пишува „Телеграф“, автобусот се обидел да избегне жена која трчала преку улицата надвор од пешачкиот премин, поради што свтел на тротоарот, удирајќи го девојчето кое завршило под возилото. На патот, тој удрил во неколку паркирани автомобили, а потоа се забил во порта на куќата.
Телото на девојчето било извлечено од под автобусот од пожарникари, а екипите за итни случаи можеле само да констатираат смрт. Во несреќата биле повредени десет лица, меѓу кои деветмесечна бремена жена, мајка и шестгодишно дете, 74-годишна жена.
Фото: принтскрин
Свет
Фон дер Лајен: Путин мора да седне на преговарачка маса, Европа ќе ја одигра својата улога

Претседателката на Европската комисија, Урсула фон дер Лајен, денес разговараше телефонски со украинскиот претседател Володимир Зеленски и американскиот претседател Доналд Трамп по веста за комбинираниот руски напад синоќа, во кој беше погодена и Делегацијата на ЕУ во Украина, меѓу другите цивилни цели.
„Тукушто разговарав со украинскиот претседател Володимир Зеленски, а потоа и со американскиот претседател Доналд Трамп по масовниот напад врз Киев, кој ја погоди и нашата канцеларија во ЕУ“, напиша фон дер Лајен на платформата X.
Таа рече дека рускиот претседател Владимир Путин мора да започне преговори со Киев.
„Путин мора да седне на преговарачка маса. Треба да обезбедиме праведен и траен мир за Украина со цврсти и веродостојни безбедносни гаранции“, истакна претседателката на Европската комисија.
Таа додаде дека Европа „целосно ќе ја одигра својата улога“.
„Нашиот одбранбен инструмент SAFE, на пример, ќе биде важен за зајакнување на храбрите украински вооружени сили“, истакна фон дер Лајен.
Таа претходно објави дека руските напади врз Киев, во кои загинаа 18 лица во текот на ноќта, меѓу кои и четири деца, „само ќе го зајакнат единството на Европа и пркосот на Украина“.
Фото: принтскрин