Свет
Австралиски муслимани добија 22 години затвор за палење џамија во Мелбурн

Тројца австралиски сунитски муслимани се осудени на казни затвор од 16 до 22 години, секој поради напад на шиитска џамија во Мелбурн, инспирирани од исламска држава.
Абдула Чаарани (28), Ахмед Мохамед (26) и Хатим Мукихабер (30), се осудени од Врховниот суд на државата Викторија за вмешаност во терористички акт со подметнување пожар во исламскиот центар „Имам Али“ во Фокнер, северно предградие на вториот по големи австралиски град, во декември 2016 година.
Во мај поротата во судот тројцата ги прогласи за виновни.
Мохамед и Чаарани се осудени на 22 години затвор и ќе можат да бараат условен отпуст дури по 17 години, додека Мукихабер е осуден на 16 години затвор, со можност за условен отпуст по 12 години, објави австралиската телевизија ABC.
Судијата Ендру Тинни при изрекувањето на пресудата изјави дека грозоморното злосторство било мотивирано од омраза, нетолеранција и злоба. Тој кажа дека тоа е „напад врз верската слобода”, што беше „невозможно да се оправда”.
Исламска држава беше насликана со спреј на ѕидот на џамијата пред нападот. Џамијата беше речиси целосно уништена во пожарот.
За време на судењето Мохамед и Муахибер негираа каква било вмешаност, додека Чаарани призна дека учествувал во нападот, но рече дека тоа не е акт на терор, туку чин на негов протест „со намера да се унапреди … сунитскиот ислам”, пренесе ДПА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.