Свет
Австриски министер: Немаме намера да се повлечеме од Либан и покрај повиците на Израел

Австрискиот министер за надворешни работи Александар Шаленберг денеска изјави дека земјите кои придонесуваат за мировните сили на ОН во Либан (УНИФИЛ) немаат намера да се повлечат од југот на таа земја и покрај повиците на Израел да го сторат тоа.
Шаленберг, чија земја има околу 160 војници во УНИФИЛ, изјави за Ројтерс во Брисел дека „нема дискусија за повлекување“.
„Тие се тука да останат, но безбедноста на нашите војници е најважна. Сите мора да бидат безбедни“, рече тој.
Според него, Израел има право да се брани од Хезболах, но дури и ненамерните напади на мировните позиции се кршење на меѓународното право.
Шаленберг, разговарајќи на оваа тема меѓу министрите за надворешни работи на ЕУ, во понеделникот рече дека европските земји немаат намера да ги повлечат своите војници или да го напуштат Либан.
Европските претставници најавија дека членките на ЕУ денеска планираат да одржат видео-конференција за нивната моментална позиција и улога на мисијата кога станува збор за војници, опрема и ангажман.
Од почетокот на израелската копнена операција против милитантите на Хезболах на 1 октомври, позициите на УНИФИЛ постојано беа под оган, а два израелски тенкови ги пробија портите на една од нејзините бази, додека петмина мировници беа повредени, соопштија ОН.
Израелскиот премиер Бенјамин Нетанјаху во неделата ги повика ОН да го повлечат УНИФИЛ „од упоришта на Хезболах и од борбените зони“, а израелските власти рекоа дека нивните сили намерно не го гаѓале УНИФИЛ.
Тие тврдат дека Хезболах користи мировни позиции како покритие за напади и дека Израел има право да одговори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Билборди со честитки за роденденот на Лукашенко се појавија во Белград и Нови Сад

Во Белград и Нови Сад се појавија огромни плакати со честитки за роденденот на авторитарниот белоруски претседател Александар Лукашенко. Зад оваа акција стои Конзервативното движење „Наши“, објавува Нова.рс.
На постерите поставени низ српскиот главен град и Нови Сад пишуваше: „Среќен роденден, претседателе Лукашенко! Србија те сака!“. Иван Ивановиќ, лидерот на ова десничарско движење, е наведен како потписник.
Билборды Лукашенко в Сербии – Поздравление с днём рождения
В Белграде и Нови-Саде появилась поздравительная открытка к дню рождения Президента Александра Лукашенко#belarus #lukaschenko #lukasenko pic.twitter.com/tAcHB52eWM
— Иван Ивановић (@ivan_nasi) August 30, 2025
Ова не е прв пат движењето „Наши“ да организира слични кампањи. Во февруари минатата година, тие го преплавија Белград со постери со пораката „Србија е со Лукашенко“.
фото: принтскрин
Регион
Вучиќ на средба со Путин во Кина

Претседателот на Србија, Александар Вучиќ, ќе ја посети Народна Република Кина од 2 до 4 септември, каде што, на покана на претседателот на Кина, Си Џинпинг, ќе присуствува на прославата на 80-годишнината од победата во Втората светска војна.
За време на посетата на Пекинг, претседателот Вучиќ ќе се сретне со претседателот на Кина, Си Џинпинг, и со претседателот на Руската Федерација, Владимир Путин, соопшти Канцеларијата за односи со медиумите на претседателот на Србија.
Исто така, како што е наведено во соопштението, Вучиќ ќе се сретне со претставници на големи компании.
Свет
(Видео) Се урна воен хеликоптер во Пакистан, петмина загинати

Најмалку пет лица загинаа денес откако воен хеликоптер се урна во северен Пакистан, изјави портпарол на владата.
Хеликоптерот се урна во округот Диамер во регионот Гилгит-Балтистан, при што загинаа сите пет члена на екипажот, изјави за агенцијата Анадолија, Фајзулах Фирак, портпарол на владата Гилгит-Балтистан.
Pak Army helicopter crashed on Monday morning in the village of Hudur, Thor Valley, District Diamer. According to GB govt Spokesman Faizullah Faraq, the accident occurred during landing due to a technical fault, resulting in the martyrdom of two pilots and three crew members. pic.twitter.com/ZVQyClPOaY
— Reevnat Demha (@Mountain_Man007) September 1, 2025
Тој објасни дека хеликоптерот се користел за спасувачки и хуманитарни мисии по неодамнешните дождови и поплави во регионот.
Фирак додаде дека во хеликоптерот имало двајца пилоти и тројца членови на техничкиот персонал.
A Pakistan Army Aviation Corps Mi-17 helicopter has crashed due to technical malfunction in Diamer-Hudur, Chilas, Gilgit Baltistan Province. pic.twitter.com/m8c0fDHHoo
— OSINTWarfare (@OSINTWarfare) September 1, 2025
Хеликоптерот вршел пробно слетување на нов хелиодром. Спасувачките екипи пристигнале на местото на несреќата и започнале со спасувачки операции.
Немаше непосредни информации за причината за несреќата, иако портпаролот на владата на Гилгит-Балтистан наведе „техничка неисправност“.
фото: принтскрин