Свет
Автомобилот што Путин му го подари на Ким Џонг-ун: вистински патен крстосувач

Рускиот претседател Владимир Путин му подари автомобил на својот севернокорејски колега Ким Џонг-ун, објавија севернокорејските државни медиуми. Тоа е уште еден знак за одмрзнување на односите меѓу двете земји, кои предизвикаа загриженост во светот.
Автомобил од руско производство за лична употреба на Ким беше испорачан од руска делегација во неделата, објави државната Корејска централна новинска агенција (КЦНА).
Сестрата на Ким и висок функционер во Пјонгјанг, Ким Јо Јонг, му се заблагодари на Путин во име на својот брат и рече дека „подарокот служи како јасна демонстрација на посебните лични односи меѓу врвните лидери на Северна Кореја и Русија“.
Сепак, каков автомобил подари Путин? Тоа е моделот „аурус сенат“, произведен од компанијата „Аурус моторс“, основана во 2018 година, но тесно поврзан со државниот автомобилски институт НАМИ, кој развива возила повеќе од еден век.
Во 2013 година НАМИ почна со развој на нов руски претседателски државен автомобил, кој требаше да го замени тогаш сегашниот Mercedes-Benz S 600 Pullman Guard, а во 2018 година овие возила беа претставени во линијата Aurus Kortezh. Ова вклучува седан и лимузина со име „сенат“, карван „арсенал“ и теренец „комендант“.
Сепак, автомобилот што му беше подарен на севернокорејскиот моќник сигурно ќе биде значително поскап од тој. Станува збор за 4,4-литарски V8-мотор со два турбополнача, кој развива 598 КС. Се работи за хибридно возило, кое има и електромотор од 63 КС. Моќта се пренесува на задните тркала со деветстепен автоматски менувач, специјално развиен за овој автомобил и е вистински патен крстосувач.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Венс: САД размислуваат за испорака на ракети „Томахавк“ на Украина

Соединетите Американски Држави го разгледуваат барањето на Украина за испорака на ракети „Томахавк“, изјави во неделата американскиот потпретседател Џеј Ди Венс.
Украинскиот претседател Володимир Зеленски побара од Вашингтон да ги продаде овие ракети на европските земји, кои потоа ќе ги проследат до Украина.
Венс изјави за „Фокс њуз“ дека американскиот претседател Доналд Трамп ќе ја донесе „конечната одлука“ дали да дозволи таков договор.
„Секако разгледуваме неколку барања од Европејците“, рече Венс.
Ракети што можат да стигнат до Москва
Ракетите „Томахавк“ имаат дострел до 2.500 километри, што значи дека во украински раце би можеле да стигнат до Москва. Русија би го сметала обезбедувањето на такво оружје за Киев како ескалација на војната, пишува „Ројтерс“.
Трамп ги отфрли украинските барања за ракети со долг дострел во минатото, но оттогаш е фрустриран од одбивањето на рускиот претседател Владимир Путин да ја запре војната.
Кит Келог, специјалниот претставник на САД за Украина, откри дека Трамп навестил дека на Киев сега можеби ќе му биде дозволено да започне напади со долг дострел во Русија.
„Читајќи што кажа Трамп, како и што кажа потпретседателот Венс, одговорот е „да“. Искористете ја таа можност за да напаѓате длабоко. Нема безбедни засолништа“, изјави Келог за „Фокс њуз“ во неделата.
Фото: принтскрин
Свет
Лукашенко за Трамп: Понекогаш се согласуваме, понекогаш не

Белорускиот претседател Александар Лукашенко изјави дека се надева дека американскиот претседател Доналд Трамп нема да „изгради комбинација“ од продажба на американско оружје на европските земји и испорака на тоа оружје во Украина.
„Би сакал да видам некаков вид шема што нема да се случи, како „Ќе дадам оружје, ќе им го продадам на Европејците, а тие ќе ја снабдуваат Украина со што сакаат“. Гледајте, ние сме возрасни луѓе. Јас им ги дадов на Европејците, а Европејците платија. Или можеби не платија, но исто како што (поранешниот американски претседател Џозеф) Бајден даде оружје претходно, тоа отиде во Украина. Ќе проверите ли кој што му платил на кого? Тоа е само повторување на истата стара приказна, само со различен аранжман“, изјави Лукашенко пред новинарите во Кремљ по средбата со рускиот претседател Владимир Путин во петокот, пренесува РИА Новости.
Нов фрагмент од разговорот беше прикажан денес на телевизискиот канал Белорусија 1.
„Мораме да бидеме поотворени тука, да зборуваме јавно. Или уште подобро, да не кажуваме ништо јавно додека не постигнеме договор. Мора да постигнеме договор, а потоа да разговараме за резултатите. Но, тоа е тактиката на Доналд. Ние го разбираме тоа, го почитуваме тоа и понекогаш се согласуваме, понекогаш не се согласуваме“, рече Лукашенко.
Тој рече дека Белорусија ќе дејствува врз основа на сопствената позиција.
Фото: принтскрин
Свет
(Видео) Во Кина отворен највисокиот мост во светот

Кина официјално го отвори највисокиот мост во светот. Мостот во кањонот Хуаџијанг се издига 625 метри над клисурата во кинеската покраина Гуиџоу. Тој е за 289 метри повисок од претходниот рекордер, вијадуктот Мијо во Франција.
Според официјалните лица, мостот ќе го скрати времето на патување помеѓу двете страни на кањонот од два часа на само две минути.
Станува збор за висечки мост од челични решетки со вкупна должина од 2.890 метри. Челичните решетки на мостот тежат вкупно околу 22.000 тони, што е еквивалентно на тежината на три Ајфелови кули.
Изградбата официјално започна на 18 јануари 2022 година.
Порано оваа година, во август, тест тим возеше 96 камиони до одредени точки на мостот за да го тестира неговиот структурен интегритет.
Мостот сега го држи рекордот за највисок мост во светот, како и за мост со најдолг распон изграден во планинска област.
Гуиџоу е планинска провинција со исклучително сложен терен, а мостот го преминува длабокиот и тесен кањон Хуаџијанг, кој локалното население го нарекува „пукнатина во земјата“.
фото: принтскрин