Свет
Адвокатите на Алексеј Навални осудени на неколку години затвор

Тројца адвокати кои го застапуваа рускиот опозициски лидер Алексеј Навални денеска во Русија беа осудени на казни затвор од 3,5 до 5,5 години. Вадим Кобзев, Игор Сергунин и Алексеј Липсер беа уапсени во октомври 2023 година, а еден месец подоцна беа додадени на официјалната листа на „терористи и екстремисти“, пишува ДВ.
Кобзев беше осуден на пет и пол години затворска колонија. Липсер доби пет години, додека Сергунин беше осуден на три и пол години.
Адвокатите беа обвинети за припадност на екстремистичка организација. Мрежите поврзани со Навални беа прогласени за екстремисти по пресудата од 2021 година со која неговите организации беа забранети како екстремистички групи.
Навални почина ненадејно во арктичка затворска колонија минатиот февруари. Тој, исто така, беше осуден за екстремизам и други обвиненија, кои ги негираше. Неговата сопруга Јулија Навалнаја ги опиша адвокатите како политички затвореници, велејќи дека тие биле уапсени само затоа што ја извршувале својата работа.
Случајот нашироко се сметаше за начин да се зголеми притисокот врз опозицијата и да се обесхрабрат адвокатите да преземаат политички случаи. Кремљ соопшти дека не коментира поединечни судски случаи. Но, властите ги прикажаа Навални и неговите поддржувачи како предавници поддржани од Западот кои се обидуваат да ја дестабилизираат Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Бурата Ејми предизвика бројни проблеми: илјадници без струја, откажани летови, затворени железнички линии

Сите осум кралски паркови во Лондон, вклучувајќи ги Хајд Парк и Ричмонд Парк, денеска се затворени поради силни ветрови предизвикани од бурата Ејми. Затворени се сите пешачки и велосипедски патеки, кафулиња и спортски објекти.
Бурата силно го погоди и островот Ирска, каде околу 100.000 домаќинства останаа без струја — 87.000 во Република Ирска и 22.000 во Северна Ирска. Компаниите за струја предупредуваат дека може да поминат неколку денови додека повторно не се нормализира снабдувањето.
И во Шкотска, илјадници луѓе останаа без струја, особено во северните области и на островите. Поправките се во тек, но ќе потраат.
На аеродромот во Даблин, поради бурата, беа откажани и одложени многу летови.
Yesterday sure was wild! Storm Amy and the Atlantic Ocean showing their power against the cliffs on Inis Meáin! 😲🌊💨
📸 IG/ grahambruton
📍 Inis Meáin, Aran Islands#StormAmy #Wild #Inishmaan #InisMeáin #AranIslands #Galway #Ireland #VisitGalway pic.twitter.com/OI75aCER6Q— Visit Galway (@visit_galway) October 4, 2025
Во Северна Ирска е забележан нов рекорд на ветер – до 148 километри на час. Таму е прогласен црвен аларм и луѓето се повикани да останат во засолништа.
Повеќе железнички линии се затворени, а некои училишта во Северна Ирска не работат.
Синоптичарите велат дека најлошите делови од бурата ќе завршат до утре, кога се очекува да се помести кон Скандинавија.
Регион
Трагедија во Хрватска: маж почина од убоди на стршлени додека сечел дрва за огрев

Додека сечел дрва во шума, 54-годишен маж бил нападнат од стршлени. И покрај брзата лекарска интервенција, починал на самото место.
Во Хрватска, во шумско подрачје близу Крижевци, 54-годишен маж бил смртно нападнат од стршлени, соопшти полицијата од Копривничко-крижевечката жупанија.
Вчера, додека сечел дрва за огрев, мажот бил нападнат од стршлени, по што му се слошило, јавува Хина.
И покрај тоа што брзо му била укажана лекарска помош, мажот починал на самото место
Свет
Министерот за култура на Литванија поднесе оставка по изјавите за Крим

Литванскиот министер за култура Игнотас Адомавичиус, кој беше назначен на функцијата само пред една недела, вчера објави дека поднесува оставка, откако неговите претходни изјави за Крим предизвикаа скандал во јавноста, објави Делфи.
Адомавичиус на прес-конференција изјави дека одлучил да поднесе оставка поради растечкиот притисок, потребата да го заштити своето семејство и да не ѝ наштети на владата.
Претходно, изјавата на Адомавичиус за Крим предизвика скандал во Литванија, кога новинар го праша кому му припаѓа Крим, а тој одговори дека тоа е провокативно прашање и дека не сака да дискутира.
Подоцна тој го разјасни својот став дека Крим е „окупирана територија на Украина, која сега е во Русија“.
Украинските знамиња беа отстранети од неговата канцеларија и од прес-салата, што исто така предизвика реакции, по што министерството издаде соопштение во кое се вели дека украинските знамиња беа накратко отстранети поради чистење.