Свет
Американската Влада по 16 години користи смртна казна, ќе бидат егзекутирани петмина луѓе
Одлуката на американската сојузна Влада за продолжување на егзекуциите, по 16-годишна пауза, предизвика остри критики на групите за заштита на човековите права и водечките демократи, пренесе Би-би-си.
Државниот обвинител Вилијам Бар вчера најави продолжување на егзекуциите. За декември 2019 и јануари 2020 година најавени се пет егзекуции.
Врховниот суд на САД забрани смртна казна на државно и федерално ниво во 1972 година. Наспроти одлуката на Врховниот суд, оставена е можност смртната казна да биде дозволена во иднина.
Само четири години подоцна Врховниот суд повторно расправаше за неа, при што беше повторно воведена во неколку држави. Во 1988 година Владата донесе закон со кој смртната казна стана повторно достапна на државно ниво.
Сега смртната казна е прифатена во 29 држави. Сепак, поради различни фактори како бавната администрација, долготрајните жалбени постапки и релативно малиот број на осуденици на смрт, егзекуциите се многу ретки. Смртната казна се изрекува за најтешки злосторства, кои вклучуваат убиства, киднапирања, силувања деца и постари лица и слични тешки казнени дела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.