Свет
Американски агенти од безбедносната служба на Трамп меѓу платениците уапсени во Венецуела
Венецуелскиот претседател, Николас Мадуро, изјави дека властите уапсиле двајца американски државјани во групата платеници кои вчера беа заробени.
Мадуро откри дека Американци кои работат за безбедносната служба на американскиот претседател, Доналд Трамп, биле меѓу платениците кои влегле во земјата. Тој покажа два сини американски пасоши, читајќи ги имињата и датумите на раѓање.
Тој покажа и фотографии од рибарски чамци што платениците ги возеле и опрема како воки-токи и двогледи за ноќно гледање запленети во интензивната акција. Мадуро за нападите ги обвини администрацијата на Трамп и Колумбија, кои негираа вмешаност.
„Владата на САД е целосно вклучена во оваа неуспешна акција“, рече Мадуро, пофалувајќи ги жителите на рибарското село кои ја опколиле групата во која биле и професионалните американски платеници.
Властите велат дека првиот напад бил во неделата пред зори на една плажа во близина на Ла Гваира, кога полицијата уапсила двајца и убила осум други платеници кои се обиделе да влезат во земјата со глисери.
Двајцата уапсени американски државјани се Лук Денман и Ејран Бери, двајцата поранешни војници на Специјалните сили на САД.
Поранешниот припадник на „зелените беретки“, Џордан Гудро, претходно во понеделникот изјави дека соработувал со двајцата уапсени Американци на мисија чија цел била да го приведат Мадуро и да ја ослободат Венецуела. Гудро ја презеде одговорноста за операцијата.
И двајцата служеле во Ирак и Авганистан заедно со него во американската војска, вели Гудро, потврдувајќи дека биле дел од оваа наводна мисија во Венецуела наречена „Операција Гидеон“. Целта на мисијата била да се зароби Мадуро.
Венецуела и САД ги прекинаа дипломатските врски лани во услови на засилени тензии, така што во Каракас нема американска амбасада. Официјални лица од американскиот Стејт департмент не одговорија во понеделникот на прашањата на „Асошиејтед прес“ за коментар.
„Се обидов да ги ангажирам сите што ги познавам на секое ниво. Никој не ми одговара на повиците. Ова е кошмар “, рече Гудро за обидот да им помогне на своите притворени колеги.
Гудро вели дека потпишал договор со лидерот на опозицијата поддржан од САД, Хуан Гваидо, за соборување на Мадуро, што Гваидо го негираше и рече дека нема никаква врска со нападот во неделата.
Гудро тврди дека Гваидо никогаш не го исполнил договорот, но тој сепак ја продолжил недоволно финансираната операција со само 60 борци, меѓу кои и двајцата уапсени американски ветерани.
Тој рече дека последен пат комуницирал со Денман и Бери кога се ка;иле на глисерот покрај карипскиот брег на Венецуела. Тие сè уште биле во својот брод по првичното соочување со венецуелската морнарица рано во неделата.
„Тие беа при крај со горивото. Чекале брод со гориво за итни случаи на Аруба за да им помогне во извлекувањето. Ако стигнеа на копното, требаше да се сместат во една безбедна куќа“, рече Гудро.
Државната телевизија во Венецуела прикажани фотографии на неколку неидентификувани мажи со лисици на рацете, а еден видеоклип покажа уапсен маж без маичка. Тој беше идентификуван како капетанот на Националната гарда, Антонио Секеа, кој учествувал во бунтот во касарната против Мадуро пред една година. Гудро рече дека Секеа работел со него на терен во Венецуела.
Гудро вели дека помогнал во организирањето на смртоносната поморска операција од Колумбија, но тврди дека операцијата не добила никаква помош од Гуаиди ниту од американската или колумбиската влада. Тој рече дека 52 други борци се инфилтрирале во територијата на Венецуела и биле во првата фаза од мисијата да регрутираат припадници на безбедносните сили за да им се приклучат на каузата.
Сојузникот на Мадуро и државен јавен обвинител, Тарек Вилијам Сааб, изјави дека вкупно уапсиле 114 лица осомничени за обидот за напад, а во потрага се по 92 други. Опозициските политичари и американските власти изјавија дека сојузниците на Мадуро го измислиле нападот за да го одвлечат вниманието од проблемите на земјата.
Истрагата на АП, објавена во петокот, откри дека Гудро соработувал со пензиониран генерал во војската на Венецуела – кој сега се соочува со обвиненија за дрога – за обука на десетици дезертери од безбедносните сили на Венецуела во тајните логори во соседна Колумбија. Целта била да се организира прекуграничен напад кој ќе заврши со апсење на Мадуро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Трагедија во Црна Гора: девојка од Србија се удави во близина на Тиват
Попладнево во морето кај Луштица, Црна Гора, нуркачи и членови на Пловечката единица безуспешно се обидуваа да го пронајдат и извлечат телото на девојка од Србија, пренесоа српските медиуми.
Девојка од Врњачка Бања се удави денес околу 15 часот, во близина на ’ртот Весло кај Луштица, додека се фотографирала со пријателка на една од карпите и паднала во водата, објавија црногорски „Вијести“.
Додека се фотографирала, се верува дека морето се разбранувало, а брановите ја повлекле девојката.
Полицијата и нуркачките екипи го забележале безживотното тело на девојката како плови во еден момент, но лошото време и брановите ги спречиле да се приближат.
Затоа, операцијата за извлекување ќе продолжи наутро.
фото: принтскрин
Европа
Франција и Германија се мобилизираат; Макрон: Му дадов ветување на Туск
Франција денес соопшти дека одлучила да мобилизира три борбени авиони „Рафал“ за заштита на полскиот воздушен простор и источна Европа заедно со НАТО, по руските упади со беспилотни летала во Полска, додека Германија изјави дека ќе ги засили своите обврски на источното крило на НАТО.
„Вчера му го дадов ова ветување на полскиот премиер Доналд Туск“, објави францускиот претседател Емануел Макрон денес на Икс, додавајќи дека разговарал и со генералниот секретар на НАТО, Марк Руте, и со британскиот премиер Кир Стармер.
„Нема да попуштиме пред зголеменото заплашување од Русија“, рече тој.
Германија, исто така, ќе ги засили своите обврски на источното крило на НАТО по инцидентот со дроновите во Полска, изјави владиниот портпарол Стефан Корнелиус.
Тој рече дека војската на германскиот Бундесвер ќе го прошири и продолжи својот воздушен надзор над Полска. Два борбени авиони „Еурофајтер“ на Бундесвер веќе извршуваат извидувачки летови над Полска, кои беа планирани до 30 септември. Тие полетуваат од нивната база во близина на северниот германски град Росток.
Мерц: Ова е сериозен инцидент, а не несреќа
Бројот на авиони сега ќе се удвои на четири, а извидувањето е продолжено најмалку до 31 декември, соопшти германското Министерство за одбрана. Канцеларот Фридрих Мерц вчера изјави дека не верува дека нарушувањето на полскиот воздушен простор од страна на руски беспилотни летала е несреќа, туку инцидент што претставува многу сериозна закана за мирот во цела Европа.
Варшава регистрираше 19 нарушувања на својот воздушен простор од страна на руски беспилотни летала завчера и вчера. Русија негираше одговорност за инцидентот. Полска беше поддржана од своите сојузници во НАТО во соборувањето на беспилотните летала, прв пат членка на воениот сојуз да отвори оган за време на војната на Русија во Украина.
Полскиот претседател го опиша инцидентот како обид на Русија да го тестира одговорот на Варшава и НАТО. Советот за безбедност на Обединетите нации ќе се состане утре за да разговара за упадите на беспилотните летала во полскиот воздушен простор.
фото: принтскрин
Свет
Поранешната мисица која лудо го сакаше својот сопруг: која е вдовицата на Чарли Кирк?
Светот беше шокиран од веста дека контроверзниот активист Чарли Кирк е убиен, а потрагата по неговиот убиец сè уште е во тек. Тој ги остави зад себе сопругата Ерика Кирк (родена Францве), тригодишна ќерка и едногодишен син.
Неговата сопруга објави невообичаена порака на платформата Икс само неколку часа пред убиството.
Psalm 46:1 – God is our refuge and strength, a very present help in trouble.
— Erika Kirk (@MrsErikaKirk) September 10, 2025
Часови пред трагедијата, Ерика цитираше од Библијата: „Псалм 46:1 – Бог е наше засолниште и сила, многу присутна помош во неволја“.
Нејзината објава доби голем број лајкови, што се толкува како знак на поддршка во овие тешки времиња.
Која е Ерика Кирк?
Ерика Кирк, родена Францве, е вдовица на Чарли Кирк, победничката на изборот за Мис Аризона во 2012 година и поранешна актерка.
Покрај тоа што го води својот подкаст и нејзината религиозно инспирирана модна линија „PROCLAIM“, Ерика секогаш нагласува дека нејзиното семејство и бракот се на прво место.
„Пред сè, Ерика ја цени својата улога како сопруга на Чарли Кирк и мајка на нивните деца“, се вели во биографијата.
Во едно од нивните заеднички видеа, Ерика го опиша Чарли како нејзин „најдобар пријател“, нагласувајќи ја важноста на довербата.
„Мора постојано да инвестирате во довербата еден на друг. Се поддржувате еден со друг. Се сакате еден со друг. Не се потценувате еден со друг“, рече таа.
Чарли го додаде својот став за врските: „Ќе кажам дека жените треба да бараат мажи кои имаат самоконтрола, а мажите треба да бараат жени кои се подготвени да им се подредат, во основа жена која не е феминистка.“
Двојката има две деца, ќерка и син. Нивните имиња не се познати на јавноста бидејќи нивните родители одлучија да ја заштитат нивната приватност.
Трагедија во Црна Гора: девојка од Србија се удави во близина на Тиват
Попладнево во морето кај Луштица, Црна Гора, нуркачи и членови на Пловечката единица безуспешно се обидуваа да го пронајдат и...
Франција и Германија се мобилизираат; Макрон: Му дадов ветување на Туск
Франција денес соопшти дека одлучила да мобилизира три борбени авиони „Рафал“ за заштита на полскиот воздушен простор и источна Европа...
ФБИ објави фотографии од осомничениот за убиството на Чарли Кирк
ФБИ објави фотографии од осомничениот за убиството на Чарли Кирк. „Бараме помош од јавноста за идентификување на ова лице од...
ФБИ: Ја пронајдовме пушката со која беше затрелан Кирк, имаме и снимки и отпечатоци
Оружјето за кое се верува дека е употребено во вчерашното пукање врз Чарли Кирк е пронајдено, но осомничениот е сè...
Забрана за движење на територија на депонијата „Вардариште“
Управувачкиот комитет за координација и управување со системот за управување со кризи, на денешната 7-ма седница, предложи до Владата, а...
Вонреден инспекциски надзор на депонијата „Дрисла“
Во доцните попладневни часови, околу 15:15 часот, државниот Инспекторат за животна средина изврши вонреден инспекциски надзор поради пожар кој избувна...
Воздухот мириса, но ве уверувам дека не е штетен на ниво што предизвикува здравствени проблеми, вели Алиу
Иако депонијата „Дрисла“ трет ден го полни Скопје со смрдеа на изгорена пластика и гума, министерот за здравство, Азир Алиу,...
„Дрисла“ трет ден ги труе скопјани, Мицкоски со механизација од општествено одговорни компании ќе влезе на депонијата
За пожарот и чадот од депонијата „Дрисла“, кои трет ден ги трујат скопјани, премиерот Христијан Мицкоски вели дека има истрага,...
Мицкоски се извини за Фетаи: Тој се труди да го учи и зборува македонскиот јазик, не го знае оти се иселил на шест години
Потпретседателот на Владата задолжен за добро владеење, Арбен Фетаи, течно зборува четири странски јазици, а македонскиот сѐ уште го учи оти...
(Видео) Филипче: Мицкоски призна, граѓаните се оставени сами, без мерки за високите цени и со најниски плати
„Жалам што вчера премиерот изјави дека нема да се интервенира во цените на производите, вклучувајќи ги и основните прехранбени продукти,“...
Против три лица поднесено обвинение за депониите во „Вардариште“: ОЈО Скопје постапува и во други предмети за загaдување со отпад
Јавен обвинител од Основното јавно обвинителство Скопје ја заврши истражната постапка и денеска поднесе обвинителен акт против три лица за...
„Дрисла“ сѐ уште чади, агенција за обезбедување ја чува депонијата „Вардариште“
На депонијата „Дрисла“ сѐ уште има чадење, информира директорот на ДЗС, Стојанче Ангелов, кој појасни дека депониите тешко се гаснат со...
Охриѓанец паднал од третиот кат на зградата во која престојувал
Вчера во 19:38 часот во СВР Охрид е пријавено дека К.Д.(53) од Охрид паднал од третиот кат од зградата каде...
Сомнителни, незаконски и астрономски скапи набавки правело МНР за време на Бујар Османи, велат од „Вреди“
Сомнителни, незаконски и астрономски скапи набавки правел МНР за време на Бујар Османи, велат од „Вреди“. „Документите до кои дојдовме...
Последните зборови на Чарли Кирк пред атентатот: Куршум го погоди соработникот на Трамп додека зборуваше за насилство
Сѐ уште е во бегство осомничениот за атентатот на Чарли Кирк, младиот конзервативен активист, кој беше застрелан во вратот додека говореше...
Дождот не помогна многу – чадот од „Дрисла“ и утрово не стивнува, затрупувањето продолжува
Дождот засега не помогна многу во гаснењето на пожарот на депонијата „Дрисла“, чиј чад што се чувствува во воздухот во...
Шабан Салиу објави кандидатура за градоначалник на Шуто Оризари
Претседателот на Демократските сили на Ромите (ДСР), Шабан Салиу, синоќа ја промовира својата кандидатура за градоначалник на општина Шуто Оризари....
Нападот во Катар не беше мудар потег, му рекол Трамп на Нетанјаху
Американскиот претседател Доналд Трамп му рекол на израелскиот премиер Бенјамин Нетанјаху дека неговата одлука да изврши воздушни напади врз припадници...
Локални избори: на полноќ завршува јавниот увид во Избирачкиот список
На полноќ завршува увидот во Избирачкиот список, којшто граѓаните од 23 август можат да го проверат и да поднесат барања...
(Видео) Расправија за време на минутата молк за Кирк во Претставничкиот дом
За време на минутата молк за Чарли Кирк во американскиот Претставнички дом избувна жестока расправија. „Ве молам, станете за момент...
