Свет
Американското FBI немало пристап до серверите во кои упаднале руските хакери

Федералното биро за истраги (FBI) немало пристап до серверите на Демократската партија кои во кампањата за ноемвриските претседателски избори беа подложени на хакерски напади за кои американското разузнавање и администрацијата на претседателот во заминување Барак Обама ги обвинува руските челници, изјави директорот на Бирот, Џејмс Коми на сослушувањето пред комитетот за разузнавање на Сенатот.
„Ние секогаш претпочитавме да имаме директен пристап самите, кога тоа е возможно“, изјави Џејмс Коми. Но во конкретниот случај работата „им беше доверена на реномирани приватни компании“, истакна пред членовите на сенатската комисија.
„Немавме пристап. Многу ги уважуваме приватните компании кои имаа пристап и тие го споделија со нас, она што го виделе“, заклучи Коми на сослушувањето во Сенатот.
Директорот на FBI потврди и дека не знае зошто тоа се случило така. Според Коми, неговото биро поднело „многубројни прашања“ за пристап до серверите.
Џејмс Коми, инаку, беше жестоко критикуван од демократската кандидатка Хилари Клинтон дека влијаел врз исходот од изборите со одлуката десет дена пред изборите повторно да ја отвори истрагата за користењето на нејзината електронска пошта додека била државна секретарка, иако неколку дена подоцна објави дека нема нови заклучоци освен оние кои ја ослободуваат од одговорноста.
Американските агенции CIA, NSA и FBI објавија во саботата дека „со голема сигурност“ процениле дека лично рускиот претседател Владимир Путин сакал да влијае врз американските претседателски извори. Според нив, наводно руските воени разузнавачи од ГРУ, информациите добиени со хакирањето на Националниот комитет на Демократската партија (DNC) ги рашириле преку интернет, а кои покажаа дека раководството на партијата имала валкана стратегија против кампањата на сенаторот Берни Сандерс во предизборите во полза на Хилари Клинтон, како и компромитирачките мејлови на шефот на кампањата н Клинтон, Џон Подеста во кои се гледаат неговите деловни интереси, контакти со влијателни новинари и стратегиите во кампањата./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ердоган ја претстави турската „Челична купола“

Турскиот претседател Реџеп Таип Ердоган вчера официјално го отвори интегрираниот систем за воздушна одбрана на Турција, познат како „Челична купола“, кој го опиша како пресвртница за земјата и нејзината одбранбена индустрија.
„Ова е знак на сила за Турција. Воведуваме нова ера за нашата сакана Турција во воздушната одбрана“, рече Ердоган на настан во објектите на одбранбената компанија Аселсан во Анкара. Владата на Ердоган го објави почетокот на развојот на Челичната купола, кој интегрира платформи за воздушна одбрана и сензори од морето и копното во мрежа за заштита на турското небо, во август минатата година.
Ердоган истакна дека најновата фаза од проектот се состои од 47 возила во вредност од речиси 400 милиони евра кои ќе „влеат доверба кај пријателите и страв кај непријателите“. Турската влада не прецизираше кога системот ќе биде целосно оперативен.
„Ниту една земја која нема способност да развива сопствени радарски и воздушни одбранбени системи не може да гледа кон иднината со доверба во однос на актуелните безбедносни предизвици, особено во нашиот регион“, рече Ердоган.
Турција претходно се обидуваше да ја зајакне својата воздушна одбрана со купување на ракетниот систем С-400 од Русија во 2019 година. Сепак, овој потег доведе до тоа Американците да ја суспендираат продажбата на невидливи авиони Ф-35 на Турција, поткопувајќи ги одбранбените цели на Анкара, пишуваат медиумите.
Конфликтите во Сирија и Украина, како и неодамнешните израелски напади врз Иран, ја интензивираа потребата на Турција да развива подобра воздушна одбрана.
Ердоган, исто така, ги претстави новите производствени капацитети на Аселсан, кои треба да се отворат во 2026 година. „Во следните 50 години, Турција ќе биде земја која не само што ги задоволува сопствените потреби, туку и ќе биде лидер во светот во својата технологија“, рече тој.
Фото: принтскрин
Свет
Зеленски: Очекуваме почеток на преговорите за пристапување во ЕУ

Украинскиот претседател Володимир Зеленски денес објави дека имал телефонски разговор со претседателката на Европската комисија, Урсула фон дер Лајен, и дека ѝ се заблагодарил за нејзината солидарност со Украинците по нападот на Русија врз Украина.
Зеленски потсети дека главна цел на нападот бил Киев, како и дека се во тек операции за пребарување и спасување.
Тој изјави дека разговарал со претседателот на ЕК за дипломатска работа за „запирање на убиствата и руската агресија воопшто“, како и за гарантирање на вистинска безбедност за Украинците.
„Разговаравме и за нашиот пат кон европска интеграција, за истовременото отворање на преговарачкиот кластер за Украина и Молдавија. Очекуваме позитивна одлука во блиска иднина“, нагласи Зеленски, пренесува порталот РБК Украина.
Зеленски нагласи дека сè додека Русија не преземе вистински чекори кон мирот, притисокот врз неа мора да се зголеми.
Како што изјави, фон дер Лајен го информирала за подготовката на нов пакет санкции и координацијата со другите партнери.
Фото: принтскрин
Свет
Стармер: Путин го саботира мирот, зградата на Британскиот совет во Киев беше бомбардирана

Британскиот премиер Кир Стармер го обвини рускиот претседател Владимир Путин дека „го саботира мирот“ откако руските сили испукаа две ракети кон зградата на Британскиот совет во Киев утрово.
Премиерот потврди дека канцелариите на Британскиот совет биле погодени и додаде дека сочувствува со „сите погодени од бесмислените руски напади врз Киев“.
„Путин убива деца и цивили и ги саботира надежите за мир. Ова крвопролевање мора да заврши“, напиша Стармер на платформата X.
Британскиот совет, кој нуди програми на англиски јазик за Украинците во главниот град, соопшти дека неговите канцеларии се „сериозно оштетени“ и дека еден ноќен чувар е повреден. Во јуни, Москва им забрани на граѓаните да работат со институцијата, тврдејќи дека тоа е параван за британски шпиони.
Зградата во која се наоѓа делегацијата на Европската Унија во Киев, исто така, беше тешко оштетена во нападите, според официјални лица на ЕУ, кои го нарекоа нападот „намерен“.
Русија испали вкупно 629 дронови и 31 ракета, при што загинаа најмалку 15 лица, вклучувајќи четири деца, јавуваат светските медиуми.
Русија тврди дека во синоќешните напади гаѓала воени објекти користејќи хиперсонични ракети.
Фото: принтскрин