Свет
Американците повеќе го сакаат Трамп за претседател отколку Бајден
Американците повеќе би сакале да го видат Доналд Трамп за претседател по изборите во 2024 година отколку Џозеф Бајден. Растот на Трамп и брзиот пад на поддршката на Бајден кај младите гласачи се особено изразени, покажуваат новите анкети.
Меѓу младите Американци на возраст меѓу 18 и 35 години, дури 53 отсто го поддржуваат Трамп, а 38 отсто го поддржуваат Бајден, покажуваат анкетите организирани од „Вашингтон пост“ и „Еј-би-си њуз“.
Кога станува збор за вкупниот електорат, Трамп е во водство, бидејќи за него би гласале 51 отсто од гласачите, а за Бајден би гласале 42. Од друга страна, популарноста на Трамп расте. Кога заврши неговиот претседателски мандат, 38 отсто од испитаниците позитивно ја оценија неговата работа, а тој процент сега порасна на 48 отсто.
Тоа е поголем процент на позитивни оценки отколку што имаше кога стана претседател. Покрај тоа, Трамп е оценет негативно од 49 отсто од испитаниците, што е многу помалку отколку кога му завршил мандатот и кога тој резултат бил 60 отсто.
Бајден не стои добро ниту во неговата Демократска партија бидејќи 33 отсто од демократите го сакаат за претседателски кандидат, а 62 отсто би сакале да видат некој друг. Кога станува збор за Трамп, 54 отсто од републиканците го сакаат за свој кандидат, а 43 отсто сакаат друг кандидат.
Покрај младите, популарноста на Бајден опаѓа и во неговото друго упориште од претходните избори, меѓу етничките малцинства. Во моментот Бајден е поддржан од 50 отсто, а рејтингот на Трамп е зголемен од 32 на 43 отсто. Трамп добро се рангира меѓу Хиспанците, каде што резултатот е 50-44 за него, точно во не премногу голем примерок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.