Европа
Аналитичарите: Пеколната машина на Путин во полн замав – кобниот план за Молдавија има три фази, а првата е веќе почната
Пред неколку дена, на конференција во Белата куќа, Џон Кирби, портпаролот на американскиот Совет за национална безбедност, го шокира светот со сознанието дека Русија планира да анектира уште една европска земја – Молдавија. Само неколку дена подоцна во јавноста излезе планот за уништување, кој се состои од три клучни фази и вклучува поткопување на политичкиот, одбранбениот и на економскиот сектор. Иако на многумина им беше тешко да поверуваат, се чини дека неговата имплементација веќе е почната. Имено, Москва одлучи „Газпром“ повеќе да не испорачува руски гас за Молдавија, пишуваат медиумите во регионот.
Оваа вест ја потврди и молдавскиот министер за енергетика, Виктор Парликов.
„Нема да трпиме уцени од ‘Газпром’ поради тешкотии во плаќањето на испораките“, рече Парлицов.
Како што наведе тој, од декември „Газпром“ го снабдува само сепаратистичкиот регион Приднестровие во Молдавија, кој е поддржан од Русија, а централните власти во Кишињев не добиваат ништо.
„Приднестровие не плаќаше гас порано, а не плаќа ниту сега. „Газпром“ го дозволуваше тоа 30 години за да го спречи неговото уништување“, рече министерот и додаде дека руската страна очигледно не разбира дека со суспендирањето на гасот за Молдавија директно го загрозува опстанокот на регионот што го поддржува.
Оваа одлука на руската страна многу аналитичари ја толкуваат како почеток на спроведувањето на овој план. Тој се фокусира на три основни точки – политичкиот, воениот и одбранбениот сектор, хуманитарниот сектор и трговскиот и економскиот сектор.
Потекнува од истата претседателска администрација за прекугранична соработка, која разви слична стратегија за анексијата на Белорусија.
Група разни експерти внимателно работеа на стратегијата за Молдавија, како и за Белорусија. Тој, според написите, е создаден во есента 2021 година со помош на рускиот Генералштаб на вооружените сили и главните московски разузнавачки служби: ФСБ, СВР и ГРУ.
Како што се вели во него, таа е насочена кон „спротивставување на обидите на надворешните актери да се мешаат во внатрешните работи на Молдавија, со цел да се зајакне влијанието на НАТО и да се ослабат позициите на Руската Федерација“.
Молдавскиот премиер Дорин Речан потврди дека содржината на планот на Кремљ го одразува она што тој и многумина во неговата влада го знаат долго време, пишува во новинарските извештаи.
„Русите долго време се обидуваат да обезбедат Молдавија да го изгуби суверенитетот над својата надворешна политика. Овој документ го потврдува тоа. Гледаме дека нè третираат како сателит над кој лесно може да вршат контрола“, рече Речан.
Како што рече, со години не обрнувале внимание на пропагандата и на руските ТВ-канали, кои секогаш биле присутни.
„Кога почнавме да ги затвораме, пропагандата се префрли на Telegram, Facebook, VKontakte и TikTok. Со Telegram и TikTok не можеме да направиме ништо друго, освен да го пресечеме кабелот. „Триесет и нешто години пропаганда – сега го гледаме ефектот“, рече Речан.
Дејвид Крамер, поранешен функционер на Стејт департментот, нагласува дека иако едвај ја признава Молдавија како посебна држава, документот ја третира Молдавија како податлив сателит, кој може да се контролира и има ефект на целосно блокирање на западното влијание.
Кога станува збор за поткопување на политичкиот сектор, тоа во февруари го посочи претседателката на Молдавија, Маја Санду, која ја обвини Москва дека планира да ја собори нејзината влада.
„Планот вклучуваше саботажа и воено обучени луѓе маскирани како цивили за да вршат насилни акции, да напаѓаат владини згради и да земаат заложници“, рече Санду.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија очекува да се договори за датум за третата рунда мировни преговори со Украина
Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона
Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари
Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.
Иранска агенција: Нападната е американската база во Сирија
Американска воена база во Сирија била цел на минофрлачки напад, јавува иранската агенција Мехр, повикувајќи се на повеќе извори. Агенцијата...
Топлотен бран во Македонија: од среда температури до 40 степени
Под влијание на многу топла воздушна маса од југ следува период на топло време со пораст на температурите. Особено топло...
(Видео) Најмалку пет жртви во руски напад врз Киев, луѓето се кријат во метро станици, нападнати станбени објекти
Пет лица загинаа во синоќешните напади на Русија врз Киев со беспилотни летала и ракети. Повредени се десетици луѓе, а...
Се огласи врховниот лидер на Иран: Ционистичкиот непријател направи голема грешка, мора да биде казнет
Додека светот ја чека најавената иранска одмазда за нападите на САД врз нуклеарните постројки, врховниот лидер на Иран, ајатолахот Али...
ДОМ ја напушта коалицијата со СДСМ
Централниот одбор на ДОМ (Демократска обнова на Македонија) на седницата која ја одржа викендов одлучи да ја напушти коалицијата со...
Нефункционални лифтови и проблеми со топла вода во домовите, алармираат студентите
Универзитетското студентско собрание на Универзитетот „Св. Кирил и Методиј“ во Скопје (УСС-УКИМ), имајќи ја предвид важноста на безбедноста, удобноста и...
Скопјанец ја истепал 4-годишната ќерка кога се качила на креветот за да ги земе играчките, има набиеница на главата, се бара притвор
Против 28-годишен скопјанец е поведена постапка за нанесување телесна повреда врз четиригодишната ќерка. Основното јавно обвинителство Скопје ја иницираше постапката поради...
Иран: Ние претрпевме штета, но нашето нуклеарно знаење не може да биде уништено
По американските напади во неделата, Иран смета дека неговото знаење во нуклеарната технологија не може да биде уништено. „Треба да...
Единаесет македонски државјани чекаат евакуација со лет од Тел Авив, небото над Израел денес е затворено
По денешното повторно затворање на воздушниот простор на Израел и аеродромот „Бен Гурион“ во Тел Авив, сите летови кон и...
12 отсто од вработените на Клинички ќе паркираат на пет минути пеш за да им се олесни пристапот на пациентите, најави Алиу
Триста вработени од вкупно 2.500 на Клиничкиот центар Мајка Тереза од 1 јули ќе можат да ги паркираат своите возила...
Хаос во хотел во Лазарополе: скопјанец фрлал предмети и нападнал сограѓанин
Дваесет и деветгодишен скопјанец, К.Ж. е приведен по инцидент што се случил синоќа во хотел во Лазарополе. Според информациите од...
Инжинери на Македонија: Глоба до 3.000 евра за ЕВН ако не овозможи визуелен пристап до броилото
Потрошувачите на електрична енергија имаат законско право на визуелен пристап до сопствените броила, а секое спречување на тој пристап од...
(Видео) Трамп: Целосно ги уништивме иранските комплекси, или ќе има мир, или нови напади
Американскиот претседател Доналд Трамп, во директното обраќање до нацијата, потврди дека американските сили извршиле напади врз три ирански нуклеарни постројки....
САД го нападнаа Иран
Американскиот претседател Доналд Трамп објави дека САД ги завршиле нападите врз три нуклеарни постројки во Иран, вклучувајќи ги Фордо, Натанц...
Протестираме за вашите деца оти утре ден не дај боже да се случи истото – татко кој загуби син ги повика кочанчани масовно да им се приклучат
Таткото кој го загуби синот во пожарот во дискотеката „Пулс“ во Кочани, го повика населението во градот масовно да излезе...
Скопјанец пијан ја тепал сопругата со чадор во Бутел, ползејќи и губејќи свест стигнала до дворот да повика помош
Семејно насилство во Бутел ја вознемири јавноста. Обвинителството поведе постапка против 54-годишен скопјанец кој во домот на улицата Бутелска ја...
ЗНАМ очекува до крајот на месецот да ги заврши преговорите со ВМРО-ДПМНЕ за взаемна поддршка на некои кандидати за градоначалници
ЗНАМ на локлните избори ќе настапи самостојно, како на советничките листи, така и за изборот на градоначалници, а со ВМРО-ДПМНЕ...
Вработениот во Народната банка се сомничи дека го зел синиот ранец со пиштолот со кој се убиени Вања и Панче, покрената е истрага
Обвинителството покрена истрага за помагање за З.Д., вработениот во Народната банка, член на партијата на Љупчо Палевски, Десна, кој беше...
Движењето со инвалидски колички во Скопје е можно само ако можат да летаат – активистите со провокативна акција
Група млади активисти и уметници под менторство на програмата за креативен активизам на Центарот за современи уметности реализираа впечатлива и...
Вештачката интелигенција постепено ќе навлезе во училиштата во Македонија, Јаневска подготвува документ со насоки
Во процесот на дигитална трансформација на образовниот систем, интеграцијата на вештачката интелигенција претставува следен, логичен чекор кој значително ќе го...
