Европа
Антисемитски напад во Австрија – маж претепан со бејзбол палка
Претседателот на еврејската заедница во Грац, Ели Розен, беше нападнат во саботата навечер пред синагогa. Тој бил нападнат од непознато лице со бејзбол палка. На нападот му претходело сквернавење на синагогата со пропалестински пароли, а биле искршени и прозорците.
Der Präsident der Jüdischen Gemeinde #Graz, Elie Rosen, ist am Samstagabend vor dem jüdischen Gemeindehaus von einem Unbekannten attackiert worden. Zuvor hatte es bereits mehrere Anschläge auf die Synagoge gegeben. https://t.co/loPqnEY7iv pic.twitter.com/sFLUF9Ykyd
— Jüdische Allgemeine (@JuedischeOnline) August 22, 2020
„Имав посетител од Виена со кого отидов во синагогата за да земам нешто од канцеларијата. Забележавме еден човек, кој се возеше на велосипед покрај зградата и држеше камен во раката. Го прашавме што има намера да направи, а потоа тој одеднаш зеде палка за бејзбол и тргна кон нас“, рече Розен.
Тој и неговиот пријател успеале да избегаат во автомобилот, а напаѓачот со стап удрил во прозорците на автомобилот.
„За среќа, стаклото не се скрши. Дури кога помина еден слушаен минувач, напаѓачот избега“, додаде Розен.
За него, овој напад е нов удар за еврејската заедница по 1945 година. Тој рече дека вакви настани не се случиле од ноември 1938 година.
Грац е на врвот на листата во однос на бројот на антисемитски испади и напади.
Австрискиот канцелар Себастијан Курц побара напаѓачот да биде пронајден и изведен пред лицето на правдата што е можно поскоро.
„За антисемитизмот нема место во Австрија“, рече Курц преку Твитер.
Ich bin erschüttert über den Angriff auf den Präsidenten der jüdischen Gemeinde Graz, Elie Rosen. Für #Antisemitismus darf es in #Österreich keinen Platz geben!
— Sebastian Kurz (@sebastiankurz) August 22, 2020
Претседателот на Австрија, Александар ван дер Белен, исто така посочува дека нема место за антисемитизам во австриското општество и изрази солидарност со Евреите во земјата.
Поради тековните настани, министерот за внатрешни работи, Карл Нехамер, најави зголемен надзор на сите еврејски институции во Австрија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.