Европа
Бајден: Банкарскиот систем е безбеден, даночните обврзници нема да ги сносат загубите поради колапсот на двете банки
Американскиот претседател Џозеф Бајден изјави дека даночните обврзници нема да ги сносат загубите поради колапсот на две банки и додаде дека ќе побара од Конгресот зајакнување на банкарската регулатива, а виновниците ќе одговараат.
„Американците можат да веруваат дека банкарскиот систем е безбеден. Вашите средства ќе бидат таму кога ќе ви бидат потребни“, рече Бајден во Белата куќа, по падот на банката во Силиконската долина и банката „Сигначр“ што ги зголеми стравувањата од целосна банкарска криза, според Блумберг.
Американскиот претседател изјави дека сите клиенти кои имале средства во двете банки можат „да бидат сигурни дека ќе бидат заштитени и дека од денес ќе имаат пристап до нивните пари“.
Тој рече дека инвеститорите нема да бидат заштитени.
„Тие свесно ризикуваа, а кога ризикот не се исплати, инвеститорите губат пари. Така функционира капитализмот“, рече Бајден.
Републиканците оценија дека Бајден ја поттикнува инфлацијата со овие потези, додека некои од левицата, наводно, го доведуваат во прашање темпото на зголемување на каматните стапки од страна на Федералните резерви.
Финансиската криза би претставувала голем предизвик за Бајден пред почетокот на неговата изборна кампања во 2024 година, оценуваат тамошните медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Експлозии во близина на израелската амбасада во Копенхаген
Данската полиција истражува две експлозии во близина на израелската амбасада во Копенхаген, објави утринава Ројтерс.
„Никој не е повреден, ние спроведуваме првична истрага на местото на настанот“, објави полицијата во Копенхаген на Икс.
„Се истражува можна поврзаност со израелската амбасада во областа“, додаде полицијата.
Европа
Папата Франциско побара прошка за сексуалната злоупотреба и понижување на жените
Папата Франциско ја водеше молитвата за време на која бараше прошка за пропустите на Католичката црква, вклучувајќи го и третманот на свештенството кон жените и жртвите на сексуална злоупотреба, додека католичките водачи се подготвуваат за едномесечниот синод во Ватикан.
На церемонијата во базиликата Свети Петар, жртва на злоставување го даде своето сведочење и им кажа на стотици бискупи дека скандалите со злоупотреба „ја разнишаа верата на милиони и го нарушија угледот на институцијата на која многумина се угледуваат за водство“.
Во неделата, Франциско се врати од патување во Белгија, каде што се соочи со најжестоките критики упатени за време на едно од неговите странски патувања.
Белгискиот крал и премиер повикаа на поконкретна акција за справување со скандалите со злоупотреба, додека двајца лидери на католички универзитети го отфрлија ставот на Папата за улогата на жената во црквата и општеството.
Како дел од мисата во вторник, седум кардинали, највисоките личности по папата во Црквата, која има повеќе од 1,4 милијарди верници на глобално ниво, побараа прошка за различните пропусти на Црквата.
Франциско на присутните им кажа дека барањето за прошка го напишал сам „затоа што беше неопходно да ги извикуваме нашите гревови со име и презиме“.
Пензионираниот бостонски надбискуп, кардиналот Шон О’Мали, водачот на ватиканската комисија за сексуална злоупотреба на свештенството, побара прошка.
Франциско рече дека мисата е наменета „да започне зараснување на раните кои никогаш нема да престанат да крварат“.
„Бараме прошка, чувствувајќи се срам, од оние кои се повредени од нашите гревови“, рече Папата.
Ватиканскиот синод започнува во среда. Ќе собере кардинали, бискупи и други од повеќе од 110 земји во светот. Членовите на Синодот кон крајот на октомври ќе гласаат за конечниот текст кој може да донесе промени во доктрината.
Минатогодишниот синод разговараше за прашања кои ја делат црквата, како што е благословот на истополовите парови.
Но, за повеќето од најконтроверзните прашања ќе одлучуваат работни групи кои ќе го достават својот конечен извештај до папата Франциско (87) следниот јуни.
Европа
Борис Џонсон тврди дека кралицата Елизабета имала рак: Го знаев тоа една година
Поранешниот британски премиер Борис Џонсон ја опиша својата последна средба со покојната кралица Елизабета Втора, која се одржа во замокот Балморал во септември 2022 година, неколку дена пред нејзината смрт, во своуте претстојни мемоари Unleashed.
Џонсон тврди дека на кралицата ѝ бил дијагностициран рак на коските во последните години од животот, пренесува „Дејли мејл“ делови од неговите мемоари.
View this post on Instagram
„Една година или повеќе знаев дека има форма на рак на коските, а нејзините лекари беа загрижени дека во секој момент може да дојде до ненадеен пад“, напиша Џонсон во мемоарите.
Пред нивниот состанок Џонсон тврдеше дека приватниот секретар на кралицата, Едвард Јанг, го предупредил дека нејзиното здравје се влошило во текот на летото.
„Но, нејзиниот ум, како што рече и Едвард, беше целосно неповреден од нејзината болест и одвреме-навреме во нашиот разговор таа сè уште имаше голема насмевка, која го подигнуваше расположението“, додаде Борис.
Кралицата почина само два дена по нивната последна средба. Според Џонсон, Елизабет цело лето знаела дека ќе умре, но била решена да издржи и да ја изврши последната должност и да го надгледува неговото заминување од премиерската функција. Борис Џонсон официјално поднесе оставка за време на нивната средба.