Свет
Бајден: Да не беше Трамп, веројатно немаше да се кандидирам за уште еден мандат

Американскиот претседател Џо Бајден изјави дека не е сигурен дека би се кандидирал за уште еден мандат во Белата куќа доколку неговиот претходник Доналд Трамп не бил противник, јавува „Anadolu“.
„Да не се кандидираше Трамп, не сум сигурен дека и јас би се кандидирал. Но, за доброто на земјата, не можеме да дозволиме да победи“, им рече Бајден на демократските донатори за време на собирањето средства за неговата кампања во 2024 година во Бостон.
Во таа прилика Бајден рече дека демократијата е „во поголема опасност во 2024 година“ отколку на изборите во 2020 година, на кои победи Трамп, додавајќи дека „трча против главниот негирач на изборите“.
„Трамп веќе не ја ни крие топката“, рече Бајден, додавајќи дека Трамп и неговите републиканци (Make America Great Again) се „решени да ја уништат американската демократија“.
Неговите коментари уследија откако Трамп, говорејќи на предизборен настан во Ајова во саботата, го нарече Бајден „уништувач на американската демократија“.
„Џо Бајден не е бранител на американската демократија. Џо Бајден е уништувачот на американската демократија. Тоа е тој и неговите луѓе. Тие се уништувачите на американскиот сон. Американскиот сон е мртов со нив на власт“, смета Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски: Веруваме дека САД ќе го принудат Путин да се согласи на безусловно примирје

Украинскиот претседател, Володимир Зеленски, очекува САД да успеат да осигураат дека Владимир Путин се согласува на примирје.
„Веруваме дека Америка ќе биде доволно силна за да го доведе Путин до безусловен прекин на огнот“, рече украинскиот претседател.
Тој исто така додаде дека земјите треба да продолжат да вршат притисок врз Русија.
Свет
Макрон: Русија зборува за мир, но гаѓа цивили

Францускиот претседател, Емануел Макрон изјави дека Русија го извртува договореното во преговорите за прекин на огнот.
„Гледаме дека Русија секогаш е склона да го реинтерпретира она што го разговараме и за што се согласуваме“, рече францускиот претседател.
„Иако вели дека сака мир, Русија продолжува интензивно да ја напаѓа украинската територија, вклучително и цивили. Ги осудуваме овие напади“, рече тој.
Макрон најави и дополнителна воена помош од 2 милијарди долари за Украина.
Тој додаде дека Русија не може да ги диктира условите за траен мир во Украина.
Свет
Зеленски стигна во Париз во очи на состанокот на европските лидери

Украинскиот претседател, Володимир Зеленски, пристигна во Париз во пресрет на европскиот самит за Украина, кој е закажан за утре, потврди неговиот портпарол.
Францускиот претседател Емануел Макрон го пречека Зеленски во Елисејската палата, а се очекува да остварат средба во текот на денот.
Макрон утре ќе биде домаќин на група европски лидери за да разговараат за Украина и безбедноста во Европа.
Овој самит е продолжение на собирите на Макрон на европските и НАТО лидерите во февруари и март, каде што тие разговараа за безбедносните гаранции за Украина.
Официјални лица претходно најавија дека на состанокот ќе се разговара за низа теми, вклучително и како дополнително да се зајакнат воените капацитети на Украина за да се одвратат идните напади и како да се следат ограничените прекини на огнот поврзани со поморските цели и енергетската инфраструктура.