Свет
Бајден жестоко му одговори на Путин од Варшава: Украина никогаш нема да биде руска победа
Украина никогаш нема да биде руска победа, изјави американскиот претседател Џо Бајден во Варшава во пресрет на годишнината од почетокот на руската инвазија на Украина.
Говорот дојде само неколку часа откако рускиот претседател Владимир Путин одржа историски говор во кој повторно го обвини Западот за ситуацијата во Украина.
Бајден нагласи дека Северноатлантската алијанса е „посилна од кога било“.
Претседателот на САД рече дека Полска е еден од нивните најголеми сојузници и оцени дека иако пред една година светот се подготвувал за падот на Киев, денес Украина и нејзиниот главен град стојат висок0 – горди и слободни.
„Киев стои цврсто, стои горд и што е најважно слободен“, нагласи Бајден, додавајќи дека целиот свет се соочил со искушението да одговори на војната со Русија.
Една година од почетокот на војната во Украина, рече Бајден, светот е обединет.
„Откако Русија нападна, целиот свет беше тестиран. Демократијата беше тестирана во нејзиниот одговор на војната што ја започна Москва. Ние одговоривме обединето“, рече тој.
Додаде дека западните сојузници се залагале за суверенитет и демократија пред војната и дека ќе продолжат да го прават тоа „без оглед на сè“. Тој исто така рече дека Путин очекувал украинскиот народ да се предаде кога неговите тенкови влегоа во нивната земја на 24 февруари, но, украинскиот народ е премногу храбар.
„Наместо лесната победа што ја предвиде Путин, тој замина со изгорени тенкови и разбиени сили. Мислеше дека НАТО ќе се распадне и ќе се подели – наместо тоа, НАТО е пообединет од кога било досега“, рече тој.
Бајден нагласи дека Путин денес се соочува со она што не мислел дека е можно пред една година – светската демократија зајакна, а не ослабе.
„Но, автократите на светот ослабеа, а не зајакнаа, бидејќи во моменти на големи пресврти и неизвесност, најважно е да знаете за што се залагате. А знаејќи кој стои покрај вас прави голема разлика“, рече тој.
„Желбата на Путин паѓа во вода. Демократијата ќе ја брани слободата денес, утре и засекогаш. Заедно со граѓаните на Украина. Апетитите на автократите како Путин не можат да се смират, туку само да им се спротивставите. Тие разбираат само еден збор – не, не, не. Но, Украина никогаш нема да биде руска победа“, рече американскиот претседател.
Бајден им се обрати и на граѓаните на Русија, порачувајќи им дека САД и НАТО не сакаат да ја уништат нивната земја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Катар: Преговорите за прекин на огнот во Појасот Газа и враќањето на заложниците во мирување
Преговорите за прекин на огнот во Појасот Газа и враќањето на заложниците на Израел и Хамас сè уште се во мирување, изјави денеска портпаролот на катарското Министерство за надворешни работи, Мајед ал-Ансари.
Во врска со одлуката на Меѓународниот кривичен суд (МКС) да побара налог за апсење на израелскиот претседател Бенјамин Нетанјаху, како и на тројцата лидери на Хамас, Ал Ансари рече дека е прерано да се коментира директно.
Тој сепак нагласи дека сите држави и организации, кои се виновни за смртта на цивилното население ,треба да сносат одговорност, пренесува „Ројтерс“.
Главниот обвинител на МКС, Карим Кан, во понеделникот рече дека се поднесени налози за апсење на Нетанјаху и израелскиот министер за одбрана, Јоав Галант, под обвинение за „поттикнување истребување, поттикнување глад како метод на војна, вклучително и задржување хуманитарна помош и намерно таргетирање цивили во конфликтот“. Дополнително, судот побара апсење на лидерите на Хамас – Јахје Синвар, Мохамед Деиф и Исмаил Ханије.
Тројцата се обвинети за „истребување, убиство, земање заложници, силување и сексуален напад“.
Регион
Штрајк на државните службеници во Грција: бараат повисоки плати поради високите цени
Синдикатот на државните службеници на Грција (АДЕДИ) од утрово е во еднодневен штрајк со барање за зголемување на платите за 10 отсто поради високите цени бидејќи некои нови цени во Грција се драстично повисоки од цените на истите производи на други места во ЕУ.
По генералниот штрајк на сите синдикати на крајот на февруари, Конфедерацијата на вработените во приватниот сектор (ГСЕЕ) во април имаше 24-часовен штрајк од истите причини.
Во писмото до претседателката на Европската комисија, Урсула фон дер Лајен, премиерот Киријакос Мицотакис побара повеќе транспарентност на единствениот пазар на ЕУ укажувајќи дека тоа е еден од приоритетите на граѓаните пред изборите за европратеници на 9 јуни.
„Клучно е ЕУ да докаже дека е способна да ги постави вистинските приоритети, вклучително и заштита на потрошувачите пред високите цени“, напиша Мицотакис во писмото испратено во саботата и објавено во понеделникот.
„Мора да се преземат храбри мерки за да се обезбеди единствениот пазар да функционира со поголема конкуренција и транспарентност во корист на потрошувачите“, посочи Митотакис три недели пред евроизборите.
Соочен со незадоволството на граѓаните во Грција, тој бара Брисел „одлучно, брзо и ефикасно да интервенира“ за да се регулира единствениот пазар.
Според него, „неодамнешната инфлаторна криза доведе до значително намалување на куповната моќ на европските граѓани и ја истакна асиметричната моќ на мултинационалните компании во однос на диференцирање на ценовните политики“.
Куповната моќ и инфлацијата се главните грижи на Грците пред европските избори.
Според Мицотакис, во одредени земји како Грција основните производи за широка потрошувачка се продаваат поскапо отколку во другите земји на ЕУ поради „територијалните ограничувања за снабдување наметнати од големите мултинационални компании“.
Станува збор за тоа што големите мултинационални компании се договориле да ги приспособат цените според големината на пазарот во земјата, тие се пониски на големите пазари бидејќи таму имаат конкуренција, а повеќе на малите каде што има помала конкуренција.
Митотакис предлага мерки за „спречување на политиката на одредени мултинационални компании да продаваат исти или слични производи за широка потрошувачка под разни брендови во разни земји членки, што им овозможува да имаат разни цени“ и повикува на „забрана на нефер комерцијалните практики“.
Во април потрошувачките цени во Грција пораснале 3,1 отсто во споредба со истиот месец лани, при што цените на храната пораснале 5,4 отсто – покажуваат податоците на грчката статистичка служба „Елстат“.
Високите трошоци за живот го зголемија социјалното незадоволство во Грција, каде што, според европската статистичка служба на ЕУ, „Евростат“, платите се само на 21. место меѓу 27-те земји од ЕУ.
Свет
Катар: Преговорите за прекин на огнот во Појасот Газа и враќањето на заложниците во мирување
Преговорите за прекин на огнот во Појасот Газа и враќањето на заложниците на Израел и Хамас сè уште се во мирување, изјави портпаролот на катарското Министерство за надворешни работи, Мајед ал-Ансари.
Во врска со одлуката на Меѓународниот кривичен суд (МКС) да побара налог за апсење на израелскиот претседател Бенјамин Нетанјаху, како и на тројцата лидери на Хамас, Ал Ансари рече дека е прерано да се коментира директно.
Тој сепак нагласи дека сите држави и организациите што се одговорни за смртта на цивилното население треба да сносат одговорност, пренесува „Ројтерс“.