Свет
Бајден призна дека масакрот врз Ерменците е геноцид, Турција веднаш одговори
Американскиот претседател Џо Бајден денес формално призна дека масакрот врз Ерменците од 1915 година, беше геноцид во Отоманската империја, пренесуваат Светските агенции.
Тој употреби израз што неговите претходници во Белата куќа го избегнуваа со децении со цел да не ги влоши односите со Турција, пренесува АП.
„Американскиот народ им оддава почит на сите овие Ерменци кои исчезнаа во геноцидот што започна на денешен ден пред 106 години. Воспоставуваме историја. Не го правиме ова за да ја одбегнеме вината, туку за да се осигураме дека тоа што се случи никогаш повеќе да не се случи“, наведува Бајден во изјавата.
Турција решително ја отфрли ваквата карактеризација, признавајќи дека голем број луѓе загинале во тоа време, но инсистира на тоа дека бројот на жртвите бил претеран и дека нивната смрт е резултат на граѓанските немири, анализира АП.
„Турција целосно ја отфрла изјавата на американскиот претседател Џо Бајден“, изјави министерот за надворешни работи на Турција Мевлут Чавушоглу неколку минути по изјавата на Бајден дека бил извршен геноцид врз Ерменците во Отоманската империја во 1915 година.
„Зборовите не можат да ја менуваат или препишуваат историјата. Од никого нема што да учиме за сопственото минато. Политичкиот опортунизам е најголемото предавство на мирот и правдата. Ние целосно ја отфрламе оваа изјава заснована исклучиво на популизам“, напиша Чавушоглу на Твитер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.