Кинескиот претседател Кси Џинпинг изјави денеска дека Кина и Русија се вистински пријатели.

Кси, исто така, рече дека тој и рускиот претседател Владимир Путин комуницирале двапати оваа година, правејќи сеопфатни планови за развој на кинеско-руските односи и длабински размени за голем број главни меѓународни и регионални прашања.

За време на состанокот со секретарот на рускиот совет за безбедност Сергеј Шојгу, тој рече дека двете страни треба да одржуваат блиска комуникација на сите нивоа за целосно спроведување на постигнатиот консензус меѓу шефовите на двете држави и промовирање на трајно добрососедство и пријателство, сеопфатна стратешка координација и заемно корисна соработка меѓу двете земји, објави Глобал тајмс.

Шојгу рече дека соработката меѓу Русија и Кина не е насочена против други земји и претставува модел на односи меѓу двете големи светски сили, пренесе РИА Новости.

Тој истакна дека односите меѓу двете земји се на исклучително високо ниво и дека рускиот претседател го надгледува спроведувањето на договорите со Кина за широк спектар прашања.

„Русија високо ги цени постигнатите договори со Кина и има за цел да ги продлабочи“, рече Шојгу.

Тој му ги пренесе на Кси поздравите на рускиот претседател, кој „високо ги цени доверливите, пријателските и работните односи што се развија со вас и го следи спроведувањето на договорите постигнати со вас за широк спектар на прашања“.

Шојгу утринава пристигна во Пекинг во посета, каде претходно се сретна со кинескиот министер за надворешни работи Ванг Ји.

Шојгу претходно ги посети Малезија и Индонезија, а рускиот совет за безбедност објави дека Москва е заинтересирана да ги снабдува овие земји со енергија и нафта.

Посетата доаѓа неколку дена откако Кси телефонски разговараше со рускиот претседател Владимир Путин, пофалувајќи ги, како што рече, напорите на Москва за смирување на кризата во Украина.

Досието на Џефри Епштајн го потресе светот, а по објавувањето на имињата пронајдени во контактите на Епштајн, потврдено е и името на Бил Клинтон.

Дел од контактите и документите е и сведочењето на Џоана Сјоберг, која изјавила дека била принудена на сексуални односи со Епштајн. Таа зборуваше и за Бил Клинтон, посочувајќи дека на поранешниот американски претседател „сакал помлади жени“, алудирајќи на значително помлади девојки.

Важен дел од скандалот е аферата „Лолита експрес“, која ја разоткри пилотот Лоренс Пол, кој сведочеше на судењето на Гислајн Максвел, поранешна соработничка и љубовница на Џефри Епштајн, во 2021 година.

Името на Бил Клинтон и претходно се поврзуваше со Епштајн. Во 2020 година, британскиот таблоид „Сан“ објави детали од тужбата поднесена од жртва на Џефри Епштајн, која тврди дека педофилот и се заканувал со името на својата пријателка пред сексуално да ја нападне.

Во тужбата што ја поднела во 2019 година се наведува дека Епштајн ја силувал и дека седела на „личното седиште на Клинтон“ во авионот на „Лолита експрес“.

„Кога го избрав моето место во авионот, Џефри рече дека неговиот добар пријател Бил Клинтон секогаш избирал да седи таму“, се наведува.

„Дејли мејл“ објави фотографии од Бил Клинтон истата година на кои се гледа како е масиран од втората жртва на Епштајн, Фантаи Дејвис.

Фотографиите се направени во 2002 година за време на хуманитарното патување на Бил Клинтон во Африка. Дејвис тогаш имала 22 години и го обвинила Џефри Епштајн за силување.

Клинтон негираше дека некогаш била на карипскиот остров во сопственост на овој педофил.

Документот кој сега е објавен открива дека Гислајн Максвел, осудена на 20 години затвор за сексуална трговија, изјавила дека Бил Клинтон ручал во озлогласениот авион, но негираше дека отишол на карипскиот остров каде што се случиле сексуалните напади.

Максвел пред судот зборуваше и за нејзината врска со Даг Бенд, адвокат кој соработуваше со Клинтон по аферата Моника Левински и кој бил со поранешниот американски претседател за време на неговите средби со Епштајн.

„Зборуваме за доброволни односи меѓу возрасните“, коментира таа за односот со адвокатот.

Патувањата на Бил Клинтон со озлогласениот авион беа пријавени и во 2016 година. Првичните извештаи потврдија дека Клинтон летал со Боинг 727 11 пати, но потоа Фокс њуз откри дека поранешниот американски претседател 26 пати летал со Лолита експрес.

Ова беше додека неговата сопруга Хилари Клинтон беше државен секретар (од 2001 до 2003 година).

Како што беше наведено тогаш, на Боингот 727 имало кревети каде патниците имале групен секс со девојчиња, често не постари од 12 години. Патниците биле регистрирани во дневниците за летови под нивните иницијали.

ФБИ негираше дека го истражува Епштајн во 2006 година, кога првпат се појавија сомневања дека тој подведувал малолетни девојчиња и ги терал да бидат сексуални робинки за него и неговите познати пријатели. Тогаш 40 жени беа идентификувани како жртви на насилство.

Русија доби одобрение од Соединетите Држави за нов амбасадор во САД, пренесува Ројтерс.

Александар Дарчијев наскоро ќе отпатува за Вашингтон, додава новинската агенција.

Тој неодамна беше на чело на северноамериканскиот оддел на руското Министерство за надворешни работи.

Москва нема амбасадор во Вашингтон од октомври минатата година, кога Анатолиј Антонов ја напушти функцијата.