Британскиот премиер Кир Стармер по самитот во Лондон изјави дека секој нов договор за поддршка на Украина мора да се заснова на сила и дека сите земји мора да преземат одговорност и да придонесат според своите можности.

Нашата почетна точка мора да биди ставање на Украина во најсилна можна позиција до сега, наведе британскиот премиер.

Тој истакна дека на Самитот се договорени четири клучни чекори:

Да продолжи воената помош за Украина додека трае војната и дополнително да се интензивира економскиот притисок врз Русија;

Секој траен мир мора да го гарантира суверенитетот и безбедноста на Украина, а Киев мора да учествува во сите мировни преговори;

Во случај на мировен договор, европските лидери ќе работат на одвраќање на Русија од какви било идни инвазии врз Украина;

Да се создаде коалиција, која ќе биде подготвена да ја брани Украина и да гарантира мир.

Стармер повтори дека во овој момент клучно е европското единство и оти само со заеднички напор може да се осигури безбедна иднина за Украина и за целиот континент.

Но, тој посочи и дека договорот за Украина мора да има поддршка од САД.

– Да бидам јасен, се согласувам со Трамп за итната потреба за траен мир. Сега тоа мораме да го оствариме заедно, наведе Стармер.

Според него и „Русија мора да биде дел од договорот, но нема да може да диктира поставува услови. Инаку нема да имаме никаков напредок“.

Тој предупреди дека секој постигнат договор мора да се брани.

На средбата учествуваа претседателите на Украина, Финска и на Франција, Володимир Зеленски, Александар Стуб и Емануел Макрон, премиерите на Полска, на Шпанија, на Данска, на Холандија, на Шведска, на Норвешка, Чешка, Италија и Канада (Доналд Туск, Педро Санчез, Мете Фредериксен, Дик Шуф, Улф Кристерсон, Јонас Гар Сторе, Петр Фијала, Џорџа Мелони и Џастин Трудо), германскиот канцелар Олаф Шолц и шефот на турската дипломатија Хакан Фидан, како и претседателката на Европската комисија, Урсула фон дер Лајен, претседателот на Европскиот совет, претседателот на Европскиот совет, Антонио Кошта и генералниот секретар на НАТО Марк Руте.

Зеленски по Самитот, што го организираше по вербалниот судир помеѓу американскиот претседател и потпретседател, Доналд Трамп и Џеј Ди Венс и украинскиот претседател во Белата куќа, пристигна на имотот Сандрингам во Норфолк, каде има средба со британскиот Чарлс Трети.

Стотици луѓе се собраа пред канцеларијата на британскиот премиер Кир Стармер и собирот за поддршка на Украина го почнаа со интонирање на украинската химна.

Собирот се одржува кога европските лидери во Лондон разговараат за безбедноста на Украина.

Над десетина европски лидери, вклучувајќи го и Зеленски денеска присуствуваат на Лондонскиот самит чиј домаќин е британскиот премиер Кир Стармер, на тема ставање крај на војната во Украина и европската безбедност.

Британскиот премиер Кир Стармер им се обрати на насобраните лидери на самитот во Лондон, велејќи дека ова е „момент кој се случува еднаш во генерација за безбедноста на Европа“, нагласувајќи дека добар мировен исход за Украина ќе биде клучен и за стабилноста на остатокот од континентот.

Volodymyr Zelenskyy has just arrived at Lancaster House in London for the Ukraine summit https://t.co/Oi9LFeGRpW pic.twitter.com/uU6izxMVUP

— Anton Gerashchenko (@Gerashchenko_en) March 2, 2025

Стармер, исто така, ја спомена толпата пред Даунинг стрит која го поздрави украинскиот претседател Володимир Зеленски со аплауз и извици на поддршка, велејќи дека тоа ја покажува „силата на чувството“ што луѓето во Обединетото Кралство ја имаат за Украина.

Зборувајќи за целите на самитот, Стармер рече:

„Во дискусиите во последните денови, се согласивме дека група од нас ќе работи со Украина на план за прекин на борбите, а потоа ќе разговараме за тоа со САД и ќе го развиеме заедно.

Тој додаде дека Русија истовремено „зборува за мир, но ја продолжува својата немилосрдна агресија“ и дека е важно да се договорат конкретни чекори за постигнување мир „преку сила, во корист на сите“.