Свет
Бебе падна од петтиот кат за време на земјотресот и преживеа, но братот и сестрата не
Бирче Фанс, осуммесечно бебе, падна од петтиот кат во станбена зграда кога серија разорни земјотреси ја погодија Турција. На големо изненадување на спасувачките екипи, бебето успеало да преживее и сега се лекува во болница.
Нејзините родители биле спасени од урнатините по повеќе од 30 часа, но нејзиниот постар брат и сестра немале толку среќа.
Бирче Фанс падна од петтиот кат на зграда со колепка за време на земјотресот во областа Антакија во Хатај.
8-month-old recovering after falling 5 floors during quakes in southern Türkiye @anadoluagency https://t.co/t1gBWSiAoV
— Waleed Tariq (@WaleedTariq89) February 15, 2023
Нејзините мајка и татко – Нилаи и Џенгиз – биле спасени од урнатините на зградата 13 и 33 часа по земјотресот, а постариот брат и сестрата на бебето – Алин и Нил – не преживеале.
Бебето било забележано од луѓе како плаче и со возило на брзата помош било пренесено во градската болница во Адана, јавува „Анадолија“.
Докторката Нурсах Кескин, која го лекува бебето во болница, пред новинарите рече дека Бирче има многу среќа.
„Почнавме третмани за да го смениме интракранијалното крвавење. Ногата ѝ беше скршена… Многу полоши работи можеа да се случат од ударот на земјата. Господ ја чувал, тоа е чудо“, рече таа.
Мајката рече дека првин не знаела оти Бирче е жива, но подоцна ѝ олеснило.
Повеќе од 40.000 луѓе во Турција и Сирија загинаа во земјотресите што ја погодија областа на 6 февруари.
Приказната за ова бебе е само една од многуте што го потресоа светот последниве денови. Највпечатлива меѓу нив е онаа за малото девојче од Сирија, кое со голи раце го штитела својот брат во урнатините.
Видеото од двајцата под купот урнатини и бетон беше објавено од спасувачите непосредно пред да бидат извлечени. Подоцна биле префрлени во болница и било откриено дека останале сирачиња во земјотресот. Иако се на безбедно, лекарите открија дека ногата на девојчето, која ѝ беше повредена при извлекувањето од урнатините, најверојатно ќе ѝ биде ампутирана.
Покрај братот и сестрата, глетката на која сите се сеќаваа беше и онаа на таткото Месут Ханчер, кој ја држеше безживотната рака на својата ќерка Имрак.
Сега откри дека сам се обидувал да ја извлече од урнатините, но веќе било доцна. Покрај ќерката, Месут во серијата земјотреси загуби уште шест члена на семејството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.