Свет
Бербок го повика Израел да ги отвори сите гранични премини во Појасот Газа за испорака на помош

Германската министерка за надворешни работи, Аналена Бербок, го повика Израел да ги отвори сите гранични премини во Појасот Газа за да дозволи испорака на хуманитарна помош.
Таа изјави дека обемот на помош што влегла во Појасот Газа во последните 12 месеци никогаш не бил на толку ниско ниво како што е сега и ја опиша хуманитарната ситуација во таа област како трагична.
„Израел постојано даваше ветувања во овој поглед, кои не беа исполнети. Израелската влада мора да обезбеди поголема помош за настраданото цивилно население во Појасот Газа, без оправдување“, рече Бербок, пренесува весникот „Зидојче цајтунг“.
Според неа, голем процент од повеќе од два милиона луѓе во Појасот Газа страдаат од тешка неисхранетост и живеат во незамисливи услови.
„Никаде во светот нема толку многу деца со ампутација на толку мал простор. Големи делови од Газа се апсолутно поле на урнатини“, нагласи таа. Изјави дека Израел има право на самоодбрана, но дека тоа има свои граници во меѓународното хуманитарно право и повторно повика на прекин на огнот. „Без примирје смртта и страдањето нема да престанат“, вели Бербок, пренесува „Танјуг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски: На прекин на огнот ќе одговориме со прекин, а на напади со напади

Украинскиот претседател Володимир Зеленски изјави дека Русија не била способна да одговори ниту на предлогот за 30-дневно примирје по Велигден, ниту на поограничената верзија на примирјето.
Тој истакна дека Русија речиси 3.000 пати го прекршила сопствениот прекин на огнот за време на Велигден.
„Овој ден не беше доволен за Москва да одговори ниту на предлогот за целосно 30-дневно примирје по Велигден, ниту на предлогот барем да се продолжи примирјето на небото, со воздржување од ракетни и беспилотни напади врз цивилната инфраструктура“, напиша Зеленски на платформата „Икс“.
„Природата на украинските дејствија ќе остане симетрична: ние ќе одговориме на прекин на огнот со прекин на огнот, а на руските напади – со нашите сопствени, во одбрана. Дејствата секогаш зборуваат погласно од зборовите“, рече тој.
Европа
(Видео) Вака папата Франциско се молеше сам на дожд

Меѓу неговите многубројни должности и одлуки, покојниот папа Франциско особено уживаше во друштвото на другите луѓе, црпејќи енергија од средбата со нив и возвраќајќи им ја наклонетоста со зборови на охрабрување или едноставно со грижлива насмевка, пишува „Ватикан Њуз“.
Папата Франциско сакаше да биде меѓу луѓето. Тоа беше видливо секоја среда наутро на општите аудиториуми, како и кога тој се појавуваше напладне во недела на прозорецот од својата работна соба во Апостолската палата и се молеше на Ангелот Господов. Иако беше физички оддалечен од собраните на плоштадот Свети Петар, весело мавташе и поздравуваше бројни групи верници, пренесува „Ватикан Њуз“.
Кога избувна пандемијата на коронавирус, а Ватикан беше затворен за јавноста, папата служеше миса секое утро во 6 часот во капелата на неговата резиденција што беше емитувана од Дикастеријата за комуникации преку социјалните медиуми, телевизија и радио. На секоја миса, тој се молеше за различни групи погодени од пандемијата – од медицински персонал до наставници и затвореници.
🔴#Covid 5 anni fa la “Statio Orbis” di #PapaFrancesco in Piazza #SanPietro.
👉Era il #27marzo 2020 nel pieno della pandemia e la preghiera del #Papa da solo, sotto la pioggia, in una Piazza San Pietro deserta fa il giro del mondo.
👉Accanto a lui il #Crocifisso di San Marcello… pic.twitter.com/xcMT5JrQcU— Tv2000.it (@TV2000it) March 27, 2025
„На 27 март 2020 година, папата Франциско го одржа историскиот Statio Orbis: сам на пуст и дождлив плоштад Свети Петар, благословувајќи го целиот свет со Светата Тајна, нудејќи го Христос како единствен извор на живот и надеж во момент на голема глобална неизвесност“, пишува „Ватикан Њуз“.
Регион
Вучиќ: Папата Франциско ќе биде вечна инспирација

Светот изгуби исклучителен духовен водач кој ширеше љубов, мир и солидарност преку своето апостолско дело, објави денеска српскиот претседател Александар Вучиќ по повод смртта на папата Франциско, оценувајќи дека животот на папата посветен на верата, љубовта и служењето на другите треба да биде инспирација за целиот свет.
На платформата Х, Вучиќ истакна дека работата на папата Франциско за зајакнување на меѓурелигискиот дијалог и неговата посветеност на хуманизмот оставиле неизбришлива трага во историјата. „Папата Франциско беше гласник на надежта и помирувањето, секогаш во служба на најранливите, а неговото заминување е загуба и тага за сите нас, бидејќи својот живот го посвети на верата, љубовта и служењето на другите. Тој ќе биде вечна инспирација за сите нас“, рече тој.
Вучиќ, во име на граѓаните на Република Србија и во свое лично име, изрази длабоко сочувство до Римокатоличката црква и до сите верници ширум светот. „Нека му е вечна слава“, напиша тој на социјалната мрежа Икс.